<p><span style="color: #000000;">ព័ត៌មានអន្តរជាតិ ៖ អ្នកនាំពាក្យ មន្ទីរបញ្ជកោណសហរដ្ឋអាមេរិក អោយដឹងថា អ៊ីរ៉ង់ បានបើកការវាយ ប្រហារតាមអាកាស ទៅលើរដ្ឋអ៊ីស្លាមជ្រុលនិយម នៅភាគខាងកើត ប្រទេស អ៊ីរ៉ាក់ ក្នុង កំឡុងពេល ប៉ុន្មានថ្ងៃចុងក្រោយនេះ ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/3/61-03-12-2014--14-19-06.jpg"><img src="/FileManager/Articles/mce/2014/12/3/61-03-12-2014--14-19-06.jpg" alt="" /></a><br /></span></p>
<p><span style="color: #000000;">ប្រភពសារព័ត៌មានពីទំព័រប៊ីប៊ីស៊ី អោយដឹងថា សហរដ្ឋអាមេរិក ដែល ធ្លាប់តែបើកវាយប្រហារតាមអា កាសទៅលើក្រុមឧទ្ទាមមួយនេះ នៅក្នុងប្រទេស អ៊ីរ៉ាក់ ដោយឡែក ប៉ុន្មានថ្ងៃចុងក្រោយនេះ អាមេរិក ពុំបានចូលដៃជាមួយ អ៊ីរ៉ង់ក្នុងការវាយប្រហារនោះទេ ។ ដោយឡែក មន្រ្តី យោធាជាន់ខ្ពស់ ប្រទេស អ៊ី រ៉ង់ក៏បានច្រានចោល នូវកិច្ចពិភាក្សា សហប្រតិបត្តិការ រវាងប្រទេសទាំងពីរដូចគ្នាដែរ ។ គួររំឮកថា អា មេរិក គឺជាប្រទេសនាំមុខ បណ្តាប្រទេសជាសម្ព័ន្ធ ក្នុងការបើកការវាយប្រហារ តាមអាកាសរាប់រយដង ប្រឆាំងទៅនឹងក្រុមឧទ្ទាមរដ្ឋអ៊ីស្លាមជ្រុលនិយម IS ចាប់តាំងពីខែ សីហា មកម្ល៉េះ ។ </span></p>
<p><span style="color: #000000;">យ៉ាងណាមិញ សហរដ្ឋអាមេរិក បញ្ជាក់អោយដឹងថា វាពិតជាមិនសមរម្យ សម្រាប់ប្រទេសអ៊ីរ៉ង់ក្នុងការ ចូលដៃ ជាមួយនឹងបណ្តាប្រទេសសម្ព័ន្ធ បើទោះជាប្រទេសទាំងពីរដែលជា សត្រូវនឹងគ្នា មានបញ្ហាប្រ ឈមរួម ពោលមានសត្រូវរួម ក្រុមសកម្មប្រយុទ្ធរដ្ឋអ៊ីស្លាមជ្រុលនិយម IS ដូចគ្នាយ៉ាងណាក៏ដោយចុះ</span></p>
<p><span style="color: #000000;"><a class="thickbox" title="" href="/FileManager/Commons/2014/12/3/60-03-12-2014--14-19-18.jpg"><img src="/FileManager/Articles/mce/2014/12/3/60-03-12-2014--14-19-18.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ចាប់តាំងពីធ្វើបដិវត្តន៍អ៊ីស្លាម នៅក្នុងឆ្នាំ ១៩៧៩ អាមេរិក និង អ៊ីរ៉ង់ កាន់តែមានទំនាក់ទំ នងតានតឹងឡើងៗ ក្នុងនោះ រដ្ឋាភិបាល ទីក្រុង វ៉ាស៊ិនតោន បានរឹតបន្តឹង ចំណងទាក់ទងជាមួយនឹង ប្រទេស អ៊ីរ៉ង់ ក្រោយពីមានឆ្នាំមួយនេះ សិស្ស និស្សិត អ៊ីរ៉ង់ បានកាន់ កាប់ស្ថានទូត អាមេរិក ប្រចាំទី ក្រុង Tehran និងបានចាប់ពលរដ្ឋអាមេរិក ៥២ នាក់ធ្វើជាចំណាប់ខ្មាំង ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>