<p><span style="color: #000000;"><strong>(ទ្រីប៉ូលី)៖</strong> កងកម្លាំងការពារដែនសមុទ្ររបស់ប្រទេសលីប៊ី បានអះអាងថាមានសាកសពជនភៀសខ្លួន ចំនួន១២នាក់ បានអណ្តែតមកទើរលើឆ្នេរសមុទ្រ Garabulli ដែលមានចម្ងាយ ៧៥ គីឡូម៉ែត្រពីភាគខាងកើត រដ្ឋធានីទ្រីប៉ូលី។ នេះបើតាមការផ្សាយរបស់ស៊ិនហួរ នៅមុននេះបន្តិចនាព្រឹកថ្ងៃសៅរ៍ ទី២៦ ខែមីនា ឆ្នាំ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/26/40a-26-03-2016--11-21-03.jpg"><img src="/FileManager/Articles/mce/2016/3/26/40a-26-03-2016--11-21-03.jpg" alt="" /></a><br /></span></p>
<p><span style="color: #000000;">មន្ត្រីការពារដែនសមុទ្រមួយរូបឈ្មោះ Abdullatif Al-Munser បាននិយាយថា «ជនភៀសខ្លួនទាំង នោះទំនងជាបានព្យាយាមធ្វើដំណើរទៅកាន់កោះ Lampedusa របស់ប្រទេសអ៊ីតាលី ដើម្បីសុំសិទ្ធិជ្រក កោណបន្តនៅតំបន់អឺរ៉ុប។ ទូកដែលដឹកពួកគេនោះ បានលិចប៉ុន្មានថ្ងៃមកហើយ តែសាកសពអ្នកបាត់ខ្លួន ទើបតែអណ្តែតលើដែនសមុទ្រមេឌីទែរ៉ាណេ មកទើរលើឆ្នេរសមុទ្រលីប៊ី កាលពីល្ងាចថ្ងៃសុក្រ»។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/26/40-26-03-2016--11-21-13.jpg"><img src="/FileManager/Articles/mce/2016/3/26/40-26-03-2016--11-21-13.jpg" alt="" /></a><br /></span></p>
<p><span style="color: #000000;">គួរបញ្ជាក់តាមរដ្ឋមន្ត្រីការពារជាតិបារាំងបានប្រកាសថា ជនភៀសខ្លួនជិត ៨០០,០០០នាក់ បាននិងកំពុង តែរង់ចាំនៅតាមឆ្នេរសមុទ្រប្រទេសលីប៊ី ដើម្បីត្រៀមធ្វើដំណើរឆ្ពោះមកសុំសិទ្ធិជ្រកកោណនៅអឺរ៉ុប។ គ្រាន់តែនៅដើមឆ្នាំ ២០១៦ នេះមានជនភៀសខ្លួន ១០០,០០០នាក់ទៅហើយ បានធ្វើដំណើរឆ្លងកាត់ សមុទ្រមេឌីទែរ៉ាណេ មកអឺរ៉ុប៕</span></p>
<p><br /><a class="thickbox" title="" href="/FileManager/Commons/2016/3/26/40b-26-03-2016--11-21-20.jpg"><img src="/FileManager/Articles/mce/2016/3/26/40b-26-03-2016--11-21-20.jpg" alt="" /></a></p>
<p><br /><a class="thickbox" title="" href="/FileManager/Commons/2016/3/26/40c-26-03-2016--11-21-31.jpg"><img src="/FileManager/Articles/mce/2016/3/26/40c-26-03-2016--11-21-31.jpg" alt="" /></a><a class="thickbox" title="" href="/FileManager/Commons/2016/3/26/40b-26-03-2016--11-21-20.jpg"></a></p>
<p style="text-align: right;"><br /><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>