<div class="item-page">
<p><span style="color: #000000;"><strong>(កណ្តាល)៖</strong> បុរសអ្នករត់ម៉ូតូឌុបម្នាក់ ត្រូវអ្នកជិះម៉ូតូរបស់ខ្លួនកាប់ចំនួន២ពូថៅ បណ្តាលឲ្យរងរបួសធ្ងន់ ក្រោយកើតហេតុទើបដឹងថា ជាមនុស្សសតិមិនគ្រប់ ដែលហេតុការណ៍នេះ បានកើតឡើងនៅ</span></p>
<p><span style="color: #000000;">ចំណុចចំការស្វាយ ភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្ដាល។</span></p>
<p><span style="color: #000000;">នគរបាលបានឲ្យដឹងថា ហេតុការណ៍នេះកើតឡើងនៅថ្ងៃទី២៤ ខែសីហា ឆ្នាំ២០១៦ ដោយជនរងគ្រោះឈ្មោះ យិន ហ៊ន់ ភេទប្រុស អាយុ៣៤ឆ្នាំ មានមុខរបរត់ម៉ូតូឌុប ស្នាក់នៅភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល មានស្រុកកំណើត ភូមិព្រេង ឃុំមោងរាវ ស្រុកត្បូងឃ្មុំ កំពង់ចាម។</span></p>
<p><span style="color: #000000;">ចំណែកជនដៃដលវិញ ឈ្មោះ ឈាន ឆុន ភេទប្រុសអាយុ៥៣ឆ្នាំ ទីលំនៅភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្ដាល។</span></p>
<p><span style="color: #000000;">នគរបាលបានបន្តថា បើយោងតាមការសាកសួរ ម្នម៉ោងកើតហេតុជន រងគ្រោះបានឌុបជនសង្ស័យពីមុខវត្តព្រែកហូរទៅក្រុម ហ៊ុនហេង អភិវឌ្ឍន៌ ដោយឲ្យតំលៃ៣០០០រៀល ពេលទៅដល់ជនសង្ស័យមិនចុះទេឲ្យបន្តទៅស្ពានដែក ជាប់ព្រំប្រទល់ព្រែកហូរ ពេលបន្តដំណើរដល់ស្ពានដែកហើយ ជនល្មើសនៅតែមិនព្រមចុះទៀត ដោយឲ្យបន្តដំណើរមកផ្លូវ៦០ម៉ែត្រវិញ ដោយប្រាប់ជនរងគ្រោះថា ទៅចំការស្វាយរបស់គាត់ លុះទៅដល់ចំណុចចំការស្វាយ ជនល្មើសបានសួរជនរងគ្រោះម្តងទៀតថា យកថ្លៃប៉ុន្មាន ពេលនោះជនរងគ្រោះប្រាប់យក ៣០០០រៀល។</span></p>
<p><span style="color: #000000;">ជនសង្ស័យវិញ ក៏ដើរជុំវិញម៉ូតូហើយបានយកដៃស៊កក្នុងអាវ រួចទាញពូថៅពីក្នុងអាវ កាប់ទៅលើក្បាលជនរងគ្រោះពីក្រោយចំនួន២ពូថៅ បណ្តាលឲ្យរងបួសរយ:ក្បាលផ្នែកខាងក្រោយហូរឈាម ភ្លាមនោះជនរងគ្រោះបានរត់ចោលម៉ូតូ ស្រែកឲ្យគេជួយ តែមិនមានអ្នកជួយទេ ជនរងគ្រោះក៏ត្រឡប់មកវិញយកបានមែកស្វាយ វាយដៃជនល្មើសដែលកាន់ពូថៅធ្លាក់ពូថៅពីដៃ ហើយបានរើសយកពូថៅជិះម៉ូតូមកប្តឹងនគរបាល។</span></p>
<p><span style="color: #000000;">នគរបាលបានបន្តថា ក្រោយពីឃាត់ខ្លួនជនសង្ស័យមកសាកសួរទើបដឹងថា ជាមនុស្សសតិមិនគ្រប់ នៅចំពោះមុខនគរបាលជនសង្ស័យនិយាយថា ការកាប់ជនរងគ្រោះនេះ គឺដោយសារខឹងជនរងគ្រោះសម្លាប់ឪពុកម្តាយគេ តែការពិតម្តាយឪពុកនៅរស់ ហើយនៅផ្ទះជាមួយគ្នាផងដែរសព្វថ្ងៃ។</span></p>
<p><span style="color: #000000;">បើតាមក្រុមគ្រួសារនិយាយថា ជនសង្ស័យជាមនុស្សផឹកស្រាប្រចាំ ប៉ុន្តែកាលពីមុនមិនអីទេ ប៉ុន្តែ២ទៅ៣ថ្ងៃមុននេះ ជនសង្ស័យចេះតែនិយាយម្នាក់ឯង ដើរស្រាតក៏មាន ហើយបងប្អូនបានចាក់សោរថែរក្សាទុក តែមុនពេលមានរឿងហេតុជនសង្ស័យ បានកាត់សោរចេញរួចលួចចេញ រហូតមានរឿងហេតុកើតឡើងតែម្តងទៅ។</span></p>
<p><span style="color: #000000;">ដោយឡែកមានករណីកាប់២ពូថៅ ដូចគ្នានេះផងដែរ កើតឡើងកាលពីវេលាម៉ោង១៦៖៣០នាទីថ្ងៃទី២៤ ខែសីហា ឆ្នាំ២០១៦ ស្ថិតនៅកំពង់ដររបស់ឈ្មោះ សួ ស៉ីម ភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល ។</span></p>
<p><span style="color: #000000;">នគរបាលបានឲ្យដឹងថា ជនរងគ្រោះ ឈ្មោះ ខន ម៉ារ៉េន ភេទប្រុសអាយុ៣១ឆ្នាំ ជនជាតិខ្មែរមានមុខរបរ ជាកសិករ នៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល។ ចំណែកជនសង្ស័យត្រូវបានគេស្គាល់ឈ្មោះ ជិន ប្រុសភេទប្រុស អាយុ៣៤ឆ្នាំ ជនជាតិខ្មែរមុខរបរកសិកររស់នៅ ភូមិ ឃុំជាមួយគ្នាកំពុងរត់គេចខ្លួន។</span></p>
<p><span style="color: #000000;">នគរបាលបានបន្តថា មុនពេលកើតហេតុជនរងគ្រោះឆ្លងទូកដរ របស់ឈ្មោះសួ ស៉ីម យកបន្លែមកលក់នៅត្រើយខាងលិច លុះពេលលក់អស់ជនរងគ្រោះអង្គុយរាប់លុយ ថ្លៃលក់បន្លែ ពេលនោះមិនដឹងជាមានរឿងអ្វី ស្រាប់តែជនសង្ស័យដើរ មកពីខាងលិច ដោយដៃមានកាន់ពូថៅ ចូលមកកាប់ជនរងគ្រោះចំក្បាល ផ្នែកខាងក្រោយចំនួន០២ ពូថៅ បណ្តាលឲ្យរងរបួសជាទម្ងន់ ភ្លាមៗនោះត្រូវបានគេដឹកបញ្ជូនទៅសង្គ្រោះនៅគ្លីនិកឯកជន តែដោយសារស្ថាភាពរបួសធ្ងន់ធ្ងរពេក ទើបបញ្ជូនបន្តទៅកាន់មន្ទីរពេទ្យភ្នំពេញ ដើម្បីជួយសង្គ្រោះអាយុជីវិត៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlp1/v/t1.0-9/14095821_1647982892182742_713865145743414423_n.jpg?oh=bb61703654e7dfdd35197eefdf5ac0f7&oe=584F5023&__gda__=1481270065_f450d0482d30379fd619269ea03ed713" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfl1/v/t1.0-9/14095776_1647982895516075_2371266367294261313_n.jpg?oh=647e83daa60a85773b182440473844ee&oe=584478B7&__gda__=1481862130_83a7d4d7b51f31fd9585063d00d3dcbe" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14040111_1647982932182738_3782307431240106423_n.jpg?oh=a82a21f304988a47e0bfa6ace6e386ad&oe=585BF016" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14068238_1647982938849404_8762000206079208374_n.jpg?oh=d0ae1a239fcbabfae2289cf7e5ca6d44&oe=5852236D" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13908910_1647982935516071_5348207603439051231_o.jpg" alt="" width="730" /></span></p>
</div>
<div id="system-message-container">
<div id="system-message"></div>
</div>
<div class="span9"></div>
<div class="custom" style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></div>
<div class="custom"><br /><a href="https://www.facebook.com/sreyrathtravelpage" target="_blank"></a></div>