<p><span style="color: #000000;"><strong>(ក្រុងលីល)៖</strong> ពិតជាអស្ចារ្យ ក្រុមបាល់ទាត់ជម្រើសជាតិវ៉េល បានទម្លាក់ក្រុមឈរនៅចំណាត់ថ្នាក់លេខ២ របស់ពិភពលោក ប៊ែលហ្ស៊ិក ៣-១ ដើម្បីឡើងទៅជួបព័រទុយហ្គាល់ ក្នុងវគ្គ៤ក្រុម នៃ Euro 2016 នៅបារាំង។</span></p>
<p><span style="color: #000000;">នេះជាការធ្វើបានល្អមែនទែន សម្រាប់ក្រុមដែលបានខកខាន លេងពានប្រចាំទ្វីបអឺរ៉ុប UEFA Euro អស់រយៈពេល៥៨ឆ្នាំមកនេះ តាមរយៈវាយបកឈ្នះ ៣-១ នៅនាទីទី៣១ ដោយកីឡាករ Ashley Williams និងមិត្តរួមក្រុម Hal Robson Kanu នៅនាទីទី៥៥ និងគ្រាប់ទី៣ ដោយកីឡាករ Sam Vokes នៅនាទីទី៨៦ បន្ទាប់ពីប៊ែលហ្ស៊ិកនាំមុខ១គ្រាប់នៅនាទីទី១៣ ដោយកីឡាករ Radja Nainggolan។</span></p>
<p><span style="color: #000000;">ក្រុមប្រទេសតូចមួយ ក្នុងចក្រភពអង់គ្លេសមួយនេះ បានឡើងជើងគួរឲ្យកត់សម្គាល់ក្នុង Euro 2016 លើកទី១៥នេះ ក្នុងនាមជាក្រុមលេខ១ ចេញពីពូល B បានទម្លាក់អៀរឡង់ខាងជើង ១-០ នៅវគ្គ១៦ក្រុម មុនមកទម្លាក់ប៊ែលហ្ស៊ិក ៣-១ យប់មិញនេះក្នុងវគ្គ៨ក្រុម នៅពីមុខអ្នកទស្សនាផ្ទាល់ចំនួន ៤៥៩៣៦នាក់នៅទីក្រុង Lille។</span></p>
<p><span style="color: #000000;">វ៉េល ត្រូវជួបក្រុមជម្រើសជាតិព័រទុយហ្គាល់ នៅរាត្រីថ្ងៃទី០៦ ខែកក្កដា ក្នុងវគ្គពាក់កណ្តាលផ្តាច់ព្រ័ត្រ ក្នុងការប្រជែងយកកៅអីឡើងទៅវគ្គផ្តាច់ព្រ័ត្រ ស្របពេលដែលអាល្លឺម៉ង់ ប៉ះអ៊ីតាលី ម៉ោង២យប់នេះក្នុងវគ្គ៨ក្រុម៕</span></p>
<p><span style="color: #000000;"><img src="http://www.telegraph.co.uk/content/dam/football/2016/07/01/celeb-afp-large_trans++OHNs0Y5vwBZmXiYbjSVrpHTEbQqSzpRgDPHM4NSH_9I.jpg" alt="" width="730" /></span></p>
<p><span style="color: #000000;"><img src="http://www.telegraph.co.uk/content/dam/football/2016/07/01/1-1_getty-large_trans++GZRY935yu4c6StY2Md52dXwHgzae649ojkLyszvdRnw.jpg" alt="" width="730" /></span></p>
<p><span style="color: #000000;"><img src="http://www.telegraph.co.uk/content/dam/football/2016/07/01/ramsey-afp-large_trans++ZgEkZX3M936N5BQK4Va8RWtT0gK_6EfZT336f62EI5U.jpg" alt="" width="730" /></span></p>
<p><span style="color: #000000;"><img src="http://www.telegraph.co.uk/content/dam/football/2016/07/01/defedning-getty-large_trans++EOrL8SV8NfGriOOn87UFOBFdQCZkn3xt_vtEYeXgmKY.jpg" alt="" width="730" /></span></p>
<p><span style="color: #000000;"><img src="http://www.telegraph.co.uk/content/dam/football/2016/06/28/101784689_belgium-large_trans++WxGSA6EqCkNPLXCjaqkxzRGH5e95QjeyIK2VRLL6RZ0.jpg" alt="" width="730" /></span></p>
<p><span style="color: #000000;"><img src="http://www.telegraph.co.uk/content/dam/football/2016/06/29/bale-tactics-large_trans++2oUEflmHZZHjcYuvN_Gr-bVmXC2g6irFbtWDjolSHWg.jpg" alt="" width="730" /></span></p>
<p><span style="color: #000000;"><iframe src="https://www.youtube.com/embed/78TVXMFr1w4" frameborder="0" width="500" height="410"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>