<div class="article-content">
<p><strong>ភ្នំពេញ៖</strong> ក្រសួងធនធានទឹក និងឧតុនិយម បានប្រកាសផ្សព្វផ្សាយ ឲ្យប្រជាពលរដ្ឋ នៅតាម<br />បណ្តាលខេត្ត ចំនួន៨ ត្រូវប្រុងប្រយ័ត្នចំពោះប្រព័ន្ធសម្ពាធទាប នៅប្រទេសជិតខាង ដែលជះ<br />ឥទ្ធិពលមកលើកម្ពុជា បង្កឲ្យ មានភ្លៀងជោគជាំ ហើយអាចបណ្តាលឲ្យ មានជំនន់ទឹកភ្លៀង<br />ថែមទៀតផង។</p>
<p>យោងតាម សេចក្តីជូនដំណឹង របស់ក្រសួងធនធានទឹក ដែលចុះហេត្ថលេខា ដោយលោករដ្ឋ<br />មន្រ្តី លឹម គានហោ នៅថ្ងៃទី១៨ ខែកញ្ញា ឆ្នាំ២០១៣ បានឲ្យដឹងថា ខេត្តទាំង៨នោះ រួមមាន <br />ក្រចេះ ស្ទឹងត្រែង រតនគិរី មណ្ឌលគិរី ព្រះវិហារ ឧត្តរមានជ័យ សៀមរាប និងកំពង់ធំ ដែល<br />ខេត្តទាំងនេះ អាចប្រឈមនឹងជំនន់ទឹកភ្លៀង ចាប់ពីថ្ងៃទី១៩ ដល់ថ្ងៃទី២២ ខែកញ្ញា ។</p>
<p>ប្រភពខាងលើបន្តថា នៅម៉ោង១រំលងអធ្រាត្រ ឈានចូលថ្ងៃទី១៨ ខែកញ្ញា នេះ វិសម្ពាធមួយ<br /> ដែលបានកើត ឡើង នៅក្នុងសមុទ្រចិនខាងត្បូង បាននិងកំពុងបង្កើនឥទ្ធិពល។ តាមការព្យាករណ៍<br />វិសម្ពាធនេះ នឹងវិវត្តទៅ ជាកូនព្យុះ ហើយនៅរាត្រីថ្ងៃទី១៩ ខែកញ្ញា នឹងធ្វើដំណើរ មកដល់ឆ្នេរ<br />សមុទ្រ ប្រទេសវៀតណាម ភាគកណ្តាល និងបង្កឲ្យមានភ្លៀង បន្តធ្លាក់ច្រើនបន្ថែមទៀត នៅក្នុង<br />អាងទន្លេមេគង្គ និងនៅកម្ពុជា ជាពិសេសនៅតាម បណ្តាខេត្តទាំង៨ខាងលើនេះ។</p>
<p>សេចក្តីជូនដំណឹងបន្ថែមថា ការភ្លៀងធ្លាក់ច្រើននេះ នឹងធ្វើឲ្យទឹកទន្លេមេគង្គ ទន្លេបាសាក់ និង<br />ទន្លេសាប បន្ត កើនឡើងជាបន្តបន្ទាប់។</p>
<p>តាមការព្យាករណ៍ ស្ថានភាពទឹកជំនន់ បានបង្ហាញថា ក្នុងរយៈពេលពី៤ទៅ៦ថ្ងៃ ខាងមុខនេះ<br /> ខេត្តស្ទឹងត្រែង ក្រចេះ និងកំពង់ចាម ទឹកទន្លេមេគង្គ អាចនឹងហក់ឡើង ដល់កម្រិតកម្ពស់ ប្រកាស<br />ឲ្យមានការប្រុងប្រយ័ត្ន។ ដោយឡែ នៅទន្លេមេគង្គក្រោម ទន្លេសាប និងទន្លេបាសាក់ ទឹកនឹងអាច<br />ហក់ឡើង ដល់កម្រិតអតិបរមា ប្រចាំ ឆ្នាំនៅចុងខែកញ្ញា ឬដើមខែតុលា។</p>
<p>បន្ទាប់ពីបាន ធ្វើការតាមដាន និងព្យាករណ៍ លើស្ថានភាពអាកាសធាតុរួចមក ក្រសួងធនធានទឹក<br /> ស្នើឲ្យស្ថាប័ន ពាក់ព័ន្ធ អាជ្ញាធរដែនដី និងសាធារណជន ត្រូវបង្កើនការយកចិត្តទុកដាក់ខ្ពស់ <br />ដើម្បីជៀសវាងបាននូវគ្រោះថ្នាក់ ផ្សេងៗ ដែលអាចកើតមានឡើង ជាយថាហេតុ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0148.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>