<p><span style="color: #000000;"><strong>ភ្នំពេញ៖</strong> ប្រជាពលរដ្ឋខេត្តកំពត ទាំង ព្រះសង្ឃ សិស្ស និស្សិត និងបញ្ញវន្ត គណៈកម្មការអាចារ្យ គ្រូពេទ្យ កម្មករ កសិករ សកម្មជន គណបក្សសង្រ្គោះជាតិ បានបាចខិតប័ណ្ណ ជាច្រើនសន្លឹក ទាមទារបណ្តេញលោក ជា ប៉ូច តំណាងរាស្រ្តគណបក្សសង្រ្គោះជាតិ ចេញពីដំណែងជាលើកទី២។</span></p>
<p><span style="color: #000000;">កាលពីថ្ងៃទី ៣០ ខែឧសភា ឆ្នាំ ២០១៥កន្លងមក ក៏មានជនអនាមឹកមួយក្រុមបានបាចខិត្តប័ណ្ណរាប់រយសន្លឹក ដោយបានស្នើឲ្យ លោក សម រង្ស៊ី និងលោក កឹម សុខា ដកតំណាងរាស្រ្ត ជា ប៉ូច ដែលជាប្រធានក្រុមការងារ គណបក្សសង្គ្រោះជាតិខេត្តកំពតចេញពីតំណែងផងដែរ ។</span></p>
<p><span style="color: #000000;">ប៉ុន្តែទោះបីជាយ៉ាងណារហូតមកដល់ថ្ងៃទី១៦ មិថុនានេះ មិនទាន់មានឃើញការឆ្លើយតបពី មេបក្សទាំងពីរ នៅឡើយទេ។</span></p>
<p><span style="color: #000000;">ចំណែកខិត្តប័ណ្ណអនាមឹកនៅថ្ងៃទី១៣ ខែមិថុនា ស្រដៀងទៅនឹងខិត្តប័ណ្ណកាលពីថ្ងៃទី៣០ ឧសភា ដោយស្នើឲ្យលោក ជា ប៉ូច ចាកចេញពីខេត្តកំពត។</span></p>
<p><span style="color: #000000;">ក្នុងលិខិតអនាមឹកជាលើកទី២នេះ បានបង្ហាញថា លោកជា ប៉ូច ជាមនុស្សអាត្មានិយម គាបសង្កត់មកលើពលរដ្ឋ និងសកម្មជន សន្យាផ្តល់មុខតំណែងនិងតួនាទីខ្ពស់ទៅមនុស្សផ្សេងទៀតដែលគេផ្តល់លាភសការៈជូនលោក។</span></p>
<p><span style="color: #000000;">មជ្ឈមណ្ឌលព័ត៌មានដើមអម្ពិលបានព្យាយាមទាក់ទងទៅលោក ញ៉ែម បុញ្ញឫទ្ធិ អ្នកនាំពាក្យគណបក្ស សង្រ្គោះជាតិ ដើម្បីសុំបកស្រាយពីការស្នើឲ្យដកដំណែងលោក ជា ប៉ូច ប៉ុន្តែលោកមិនទទួលទូរស័ព្ទ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/16/6-16-2015-2-21-34-pm-16-06-2015--14-27-21.png"><span style="color: #000000;"><img src="/FileManager/Articles/mce/2015/6/16/6-16-2015-2-21-34-pm-16-06-2015--14-27-21.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/6/16/6-16-2015-2-21-19-pm-16-06-2015--14-27-33.png"><span style="color: #000000;"><img src="/FileManager/Articles/mce/2015/6/16/6-16-2015-2-21-19-pm-16-06-2015--14-27-33.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>