<p>រាជរដ្ឋាភិបាល បានសម្រេចផ្អាកការប្រារព្ធពិធីបុណ្យអុំទូក បណ្តែតប្រទីប សំពះព្រះខែ និង<br />អកអំបុក ឆ្នាំ២០១២ នៅរាជធានីភ្នំពេញ ប៉ុន្តែនៅតាមបណ្តាខេត្ត អាច ប្រារព្វបានជាធម្មតា។</p>
<p>ខណៈដែល ព្រះរាជាណាចក្រកម្ពុជា បានជួបនូវមហាទុក្ខដ៏ក្រៀមក្រំ ដោយព្រះអតីតព្រះ<br />មហាក្សត្រ ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរៈក្សត្រ ព្រះបីតាឯក<br />រាជ្យបូរណភាពទឹកដី និងឯកភាព ជាតិខ្មែរ ព្រះអង្គបានយាងចូលទីវង្គត កាលពីថ្ងៃទី១៥ ខែ<br />តុលា កន្លងទៅនេះ រាជរដ្ឋាភិបាល បានសម្រេចផ្អាកការប្រារព្ធពិធីបុណ្យអុំទូក បណ្តែតប្រទីប<br /> សំពះព្រះខែ និងអកអំបុក ឆ្នាំ២០១២ នៅរាជធានីភ្នំពេញ។</p>
<p><a class="thickbox" title="" href="/FileManager/Commons/2012/10/17/hunsen-17-10-2012--10-48-17.jpg"><img src="/FileManager/Articles/mce/2012/10/17/hunsen-17-10-2012--10-48-17.jpg" alt="" width="422" height="280" /></a></p>
<p>សម្តេច អគ្គមហាសេនាបតី តេជោ ហ៊ុន សែន បានបញ្ជក់ថា ដើម្បីចូលរួមកាន់ទុក្ខ និងគោរព<br />ព្រះវិញ្ញាណក្ខន្ធ ព្រះអតីតអង្គ ព្រះមហាក្សត្រខ្មែរ រាជរដ្ឋាភិបាលសូមធ្វើការណែនាំដូចតទៅ៖</p>
<p>១- ផ្អាកការរៀបចំព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក នៅតាម<br />ដងទន្លេសាបមុខ ព្រះបរមរាជវាំង រាជធានីភ្នំពេញ ដែលគ្រោងនឹងប្រព្រឹត្តទៅ នៅថ្ងៃទី២៧<br /> ថ្ងៃទី២៨ និងថ្ងៃទី២៩ ខែវិច្ឆិកា ឆ្នាំ ២០១២។</p>
<p>២-ការរៀបចំព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក នៅតាមទី<br />កន្លែងដទៃទៀត អាចប្រព្រឹត្តទៅជាធម្មតា តាមទំនៀមទម្លាប់ប្រពៃណី និងតាមលទ្ធភាព<br />របស់ប្រជាពលរដ្ឋ។</p>
<p>៣-ការឈប់សម្រាករបស់ មន្ត្រីរាជការ និយោជិត កម្មករ ចំនួន ៣ ថ្ងៃ ក្នុងព្រះរាជពិធីនេះ នៅ<br />រក្សាដដែល ដូចខ្លឹមសារ ដែលមានចែង ក្នុងអនុក្រឹត្យលេខ ២៣១ អនក្រ.បក ចុះថ្ងៃទី១៤ ខែ<br />តុលា ឆ្នាំ២០១១ ស្តីពី ប្រតិទិនឈប់សម្រាកការងាររបស់មន្ត្រីរាជការ និយោជិត កម្មករ ប្រចាំ<br />ឆ្នាំ២០១២៕</p>
<p> </p>
<p style="text-align: right;">ដោយ ៖ សូរីយ៉ា<br /><br /></p>