<div>
<p><span style="color: #000000;"><strong>(ភ្នំពេញ)៖</strong> តារាចម្រៀងប្រុស មានកេរ្តិ៍ឈ្មោះមិនសូវល្បីល្បាញ លោក សាន្ត រ័ត្នបញ្ញាស័ក្តិ បានប្រឡូកសិល្បៈមកទល់នឹងពេលនេះ មានរយៈពេល១០ឆ្នាំជាងហើយ តែមិនត្រូវបានគេស្គាល់ ឲ្យទូលលំទូលាយថា ជាតារាចម្រៀងល្បីល្បាញជួរមុខឡើយ។ លោកត្រូវបានមហាជន ស្គាល់ច្រើនបំផុត នៅក្នុងឆ្នាំ២០០៧ ដែលពេលនោះលោកច្រៀង ជាដៃគូជាមួយ កញ្ញា សុគន្ធ នីសា ហើយល្បីល្បាញ ក្នុងបទចម្រៀង«សមុទ្រស្ងប់ខ្យល់» និង បទឆ្លងឆ្លើយជាមួយ សុគន្ធ នីសា ជាច្រើនបទទៀត។</span></p>
<p><span style="color: #000000;">ក្រោយពី សុគន្ធ នីសា បានចាកចេញពីផលិតកម្ម ស្ប៉ាក ហើយឈានជើងចូលផលិតកម្ម ហង្សមាស អ្វីៗសម្រាប់លោក ត្រូវបានផ្លាស់ប្ដូរ ប្រែក្លាយជាស្ងប់ស្ងាត់ និងស្ទើរតែរកកន្លែងឈរជើងក្នុងសិល្បៈគ្មាន។ ក្រោយមកលោកក៏រៀបការជាមួយនារី អ្នកមានទ្រព្យម្នាក់ រួចក៏បាត់មុខឈឹងតែម្ដង ។ បច្ចុប្បន្នតារាចម្រៀង សាន្ត រ័ត្នបញ្ញាស័ក្តិ មានកូនប្រុសពីរនាក់ស្អាតៗ និង សង្ហាដូចជារូបលោកអ៊ីចឹង ។ តែលោកមិនព្រមបោះបង់ចោលសិល្បៈ ជាអ្វីដែលលោកស្រឡាញ់ឡើយ។</span></p>
<p><span style="color: #000000;">ថ្មីៗ នេះ លោក សាន្ត រ័ត្នបញ្ញាស័ក្តិ បានចេញបទចម្រៀងមួយបទមានចំណងជើងថា «ជីវិតនេះមិនឆាចោល» ដែលបានបញ្ជាក់ថា លោកមិនបោះបង់ការងារសិល្បៈងាយៗឡើយ លោកនឹងប្រឹងប្រែង ធ្វើអ្វីៗដើម្បីបទមច្រៀងខ្មែរ ងើបឡើងវិញ។</span></p>
<p><span style="color: #000000;">លោកបាននិយាយ នៅក្នុងបណ្ដាញសង្គមផ្ទាល់ខ្លួនថា «មនុស្សគង់នឹងស្លាប់ តែមុននឹងស្លាប់ទៅយ៉ាងណា ក៏អាចឲ្យកូនខ្មែរមួយចំនួនស្គាល់ និងដឹងថា សាន រ័ត្នបញ្ញាស័ក្តិ ក៏បានច្រៀងបទ Original Song មិនចម្លងពីបរទេស ដូចពីមុនដែរ ហើយជាស្នាដៃកូនខ្មែរពិតៗ។ ពីថ្ងៃនេះទៅស៊ូក្រ ស៊ូមិនល្បី តែមិនខ្ចីលួចគេ។ សូមបងប្អូនខ្មែរទាំងអស់ ជួយគាំទ្របទភ្លេង ជាស្នាដៃរបស់កូនខ្មែរ (Original Song )ទាំងអស់គ្នាផង..!»៕</span></p>
<p><span style="color: #000000;">សាន្ត រ័ត្នបញ្ញាស័ក្តិ បានបន្តទៀតថា «ខ្ញុំដឹងថា វាពិបាកនឹងទាញផ្នត់គំនិត បងប្អូនមកទទួលយកអ្វី ដែលបង្កើតឡើងដោយកូនខ្មែរភ្លាមៗណាស់ សង្ឃឹមថា ពេលវេលា និងការស្រឡាញ់វប្បធម៌ព្រលឹងជាតិ របស់ខ្លួន នឹងធ្វើឲ្យខ្មែរគាំទ្ររស្នាដៃរបស់ខ្មែរ នៅថ្ងៃណាមួយមិនខាន។ សូមឲ្យព្រលឹងដូនតា វិរៈបុរសខ្មែរ ដែលធ្លាប់មានវប្បធម៌រុងរឿង និងកេរ្តិ៍ឈ្មោះល្បី តាំងពីយូរលង់ណាស់មកហើយនោះ ជួយឲ្យកូនខ្មែរគ្រប់រូប ចេះស្រឡាញ់គ្នា សាមគ្គីគ្នា គាំទ្រឲ្យតំលៃស្នាដៃរបស់គ្នា បញ្ឈប់នូវវប្បធម៌ចម្លងពីរបរទេស..!»។</span></p>
<p><span style="color: #000000;">នេះជាកាតស៊ូរបស់លោក សាន្ត រ័ត្នបញ្ញាស័ក្តិ ទោះបីពេលខ្លះ លោកស្ទើរបោះបង់ការងារនេះ ចោលម្ដងៗទៅហើយក្ដី ៕</span></p>
<p><span style="color: #000000;"><object width="505" height="433" data="http://www.youtube.com/v/nkxD-vZSe7E&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/nkxD-vZSe7E&rel=1" /></object><br /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/12523088_1327379613955012_2414122874079548335_n.jpg?oh=007d5c82a559ade237ac96ec57160454&oe=572DC145" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/12573830_1327379637288343_4488859154037782363_n.jpg?oh=cb79f3d4441cf1d7364495e8a41af09f&oe=56FE5DE6" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfl1/v/t1.0-9/12524055_1327379670621673_6486140449671657592_n.jpg?oh=b7bf13e263626bb82b8d250beef3f5e6&oe=573070E9&__gda__=1459469228_e6c8dea123a3f9328eec989cab96ff7e" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpf1/v/t1.0-9/12592200_1327379573955016_1390781107249015076_n.jpg?oh=59d2aa181fea178f4e4ef35e6d4e8593&oe=572EA3D0&__gda__=1463737071_76f1b37c7b634b7374099839b5dcf657" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/946164_1327379580621682_6460980730323459187_n.jpg?oh=4440b64aa4cd4e4ef73b209ccb13a843&oe=572C68B1" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpf1/v/t1.0-9/12418090_1327379567288350_5140787044695204684_n.jpg?oh=879ca29f4c668836e86f962b765464ce&oe=57388EC2&__gda__=1459335677_7a4c2185cbb54f25c3757df14ea6a6ea" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/12439047_1327379603955013_5918188046939495715_n.jpg?oh=d535271946a7ac71403b01cf3cbd4dcc&oe=572C6FA4" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>