<p><span style="color: #000000;"><strong>(វ៉ាស៊ីនតោន)៖</strong> ក្រុមព្រះរាជអាជ្ញានៅរដ្ឋ Indiana សហរដ្ឋអាមេរិក បានសម្តែងការមិនពេញចិត្តជាខ្លាំងនៅពេលដែលចៅក្រមម្នាក់មិនព្រមកាត់ ទោសបុរសជាឪពុកម្នាក់ដែល រំលោភកូនស្រីបង្កើតដោយអនុញ្ញាតឲ្យបុរសនោះមានសេរីភាពទៅវិញ ។</span></p>
<p><span style="color: #000000;">លោក Jeremy Schwer អាយុ៤១ឆ្នាំបានសារភាពថា ខ្លួនបានរំលោភកូនស្រីបង្កើតអាយុ ៦ឆ្នាំដែលកំពុងកើតជំងឺមហារីក ប៉ុន្តែក្រោយពីព្រះរាជអាជ្ញា ធ្វើការចោទប្រកាន់រួចហើយក៏ដោយ តែចៅក្រមហាក់ព្រងើយកន្តើយមិនដាក់ទោសជននេះឲ្យធ្ងន់ឡើយ បែរជាកាត់ទោសត្រឹមតែជាទោសព្យួរ នៅក្រៅឃុំរយៈពេល១២ឆ្នាំ ទៅវិញទោះបីពួកគេស្នើសុំឲ្យកាត់ទោសឪពុកអប្រិយនេះជាប់គុកយ៉ាងហោចណាស់ក៏៩ឆ្នាំក៏ដោយ ។</span></p>
<p><span style="color: #000000;">ចៅក្រមសម្រេចបែបនេះយោងតាមការស្នើសុំរបស់ស្ត្រីជាប្រពន្ធជនជាប់ចោទដែលដាក់ពាក្យសុំលែងលះប្តី ហើយតែ នាងសំណូមពរកុំឲ្យដាក់ប្តីជាប់គុក ព្រោះនាងត្រូវការជំនួយហិរញ្ញវត្ថុពីប្តី ដើម្បីជួយគ្រួសារ ។</span></p>
<p><span style="color: #000000;">គួរបញ្ជាក់ដែរថា Schwer និងប្រពន្ធរៀបការនឹងគ្នាអស់រយៈពេល៨ឆ្នាំមកហើយ ដោយពួកគេមានកូនស្រី២នាក់ ចំណែកក្មេងស្រីរងគ្រោះគឺជាកូនច្បង របស់ជនជាប់ ចោទដែលត្រូវឪពុកចិត្តតិរច្ឆានរូបនេះបៀតបៀនផ្លូវភេទ តាំងពីពេលនាងតូចស្ថិតនៅក្នុងមន្ទីរពេទ្យ រហូតដល់ត្រឡប់ទៅផ្ទះវិញអំឡុងពេល ដែលឪពុកនៅមើល ថែពេលកុមារីរងគ្រោះមានជំងឺ ៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/7/26-07-03-2016--13-36-00.jpg"><img src="/FileManager/Articles/mce/2016/3/7/26-07-03-2016--13-36-00.jpg" alt="" /></a><br /></span></p>
<p style="text-align: right;"><span class="a2a_kit a2a_kit_size_32 addtoany_list" style="line-height: 32px; color: #000000;" data-a2a-url="http://www.freshnewsasia.com/index.php/en/19431-2016-03-06-02-00-11.html" data-a2a-title="ឃាតកម្មសាហាវមួយទៀតហើយនៅសៀមរាប យុវជនល្មោភកាមរំលោភហើយសម្លាប់ កុមារីអាយុ១១ឆ្នាំម្នាក់"><a class="a2a_button_google_plus" rel="nofollow" href="http://www.freshnewsasia.com/#google_plus" target="_blank"><span class="a2a_label" style="color: #000000;"><br class="a2a_label" /></span></a>ផ្តល់សិទ្ធដោយ ៖ ហ្វ្រេសញូវអាស៊ី </span></p>