<p><span style="color: #000000;"><strong>ភ្នំពេញ៖</strong> តារាសម្ដែង និងជាពិធីការិនី ដ៏មានប្រជាប្រិយភាព កញ្ញា ហ៊ិន ចាន់នីរ័ត្ន បានទទួលពានពីកម្មវិធី "អាណាចក្រតារា" ២ឆ្នាំជាប់គ្នា ក្នុងនាមជា ពីធីការិនី មានប្រជាប្រិយភាពបំផុត របស់ប្រទេសកម្ពុជា ។ លើសពីនេះ នាងក៏ជាស្រីស្អាតមានប្រជាប្រិយភាព ក្នុងបណ្ដាញសង្គម Facebook ផងដែរ ពោលរូបភាពគ្រាន់តែបង្ហោះភ្លាម ក៏ទទួលបាន Like រាប់ពាន់ ធ្វើឲ្យក្រុមហ៊ុន និងផលិតកម្ម សំអាងការនានា ចង់បាននាងមក ផ្សព្វផ្សាយផលិតកម្ម ឬសេវាកម្មផ្សេងៗ ព្រោះនាងហាក់ត្រូវប៉ានជាងគេ ក្នុងចំណោម ពីធីការិនីជំនាន់ក្រោយ ។ ម្យ៉ាងទៀត រូបសម្រស់ដ៏ ស្រស់សោភា មិនស្រកស្រុតរបស់ ហ៊ិន ចាន់នីរ័ត្ន បានរុញច្រាននាង ឲ្យឈរយ៉ាងរឹងមាំ ក្នុងសង្វៀនសិល្បៈ ពោរពេញទៅដោយការប្រកួតប្រជែង ។</span></p>
<p><span style="color: #000000;">ថ្មីៗនេះ ដោយសារតែត្រូវប៉ាន់ ពីក្រុមហ៊ុនផលិតផលនានា និងជោគជ័យយ៉ាងសម្បើម ក្នុងវិស័យសិល្បៈ ធ្វើឲ្យ ហ៊ិន ចាន់និរ័ត្ន បានកើតជំងឺ ស្រីស្អាត និងចាញ់កាមេរ៉ា ពិសេសបើកន្លែងរញ៉េរញ៉ៃបន្តិច និងមិនសូវស្អាត នាងមិនអាចថតបានឡើយ ទាល់តែស្អាតទើបថតបាន ។ ជាក់ស្ដែងក្នុងកម្មវិធីប្រគំតន្ត្រីមួយ នៅក្នុងទីក្រុងកោះពេជ្រ ដែលរៀបចំឡើងដោយស្ថានីយទូរទស្សន៍ បាយ័ន ដែលមានវត្តមាន កញ្ញា ហ៊ិន ចាន់នីរ័ត្ន និងពីធីករ ពិធីការិនីដទៃ យ៉ាងច្រើនកុះករ ប៉ុន្តែពេលអ្នកសារព័ត៌មាន បានសុំ ហ៊ិន ចាន់នីរ័ត្ន ថតរូប នាងបែរជាសួរមកវិញថា "មកពីខាងណា..? " ពេលនោះ អ្នកសារព័ត៌មាន បានប្រាប់ថា "មកពីគេហទំព័រនានា.." ពេលស្ដាប់ឮហើយ ហ៊ិន ចាន់នីរ័ត្ន បែរជាងាកមុខចេញ ទៅវិញ ។</span></p>
<p><span style="color: #000000;">អ្នកសារព័ត៌មាន ជាច្រើនបានសុំនាងថតម្ដងទៀត ប៉ុន្តែនាងបាននិយាយថា "កុំថតអី រញ៉ែរញ៉ៃថតមិនស្អាត កុំថត..!" ដែលទង្វើនេះ ហាក់ផ្ទុយពី តារាល្បីនានា ព្រោះសូម្បី នាង មាស សុខសោភា កំពូលតារាចម្រៀងល្បី ប្រចាំប្រទេសល្បី ក៏មិនដែរបដិសេធ ថតរូបពីអ្នកកាសែតដែរ ទោះថត កន្លែងណាក៏គេ មិនប្រកាន់ឡើយ ព្រោះក្រោយឆាក មិនស្អាតដូចក្នុងស្ទូឌីយោឡើយ ។</span></p>
<p><span style="color: #000000;">ទង្វើរបស់ ហ៊ិន ចាន់នីរ័ត្ន ធ្វើឲ្យគេហួសចិត្តមិនតិចទេ ខណៈនាង ស៊ឹម សូលីកា នៅក្នុងព្រឹត្តិការណ៍នោះ មិនមាត់សូម្បីមួយម៉ាត់ ព្រោះនិយាយ អីមិនចេញ ។ នេះអាចមកពីនីរ័ត្ន ឡើងកូដខ្លាំងពេក រហូតកើតជំងឺស្រីស្អាត ត្រូវតែស្អាតគ្រប់រូបភាព សូម្បីតែ BackGround ក៏ត្រូវតែល្អឥតខ្ចោះ ដូចសម្រស់នាង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/6/60-06-01-2015--15-02-41.jpg"><img src="/FileManager/Articles/mce/2015/1/6/60-06-01-2015--15-02-41.jpg" alt="" /></a></span></p>
<p><a class="thickbox" title="" href="/FileManager/Commons/2015/1/6/61-06-01-2015--15-02-50.jpg"><img src="/FileManager/Articles/mce/2015/1/6/61-06-01-2015--15-02-50.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/6/60-06-01-2015--15-02-41.jpg"></a></span></p>
<p><a class="thickbox" title="" href="/FileManager/Commons/2015/1/6/62-06-01-2015--15-03-02.jpg"><img src="/FileManager/Articles/mce/2015/1/6/62-06-01-2015--15-03-02.jpg" alt="" /></a></p>
<p><a class="thickbox" title="" href="/FileManager/Commons/2015/1/6/63-06-01-2015--15-03-10.jpg"><img src="/FileManager/Articles/mce/2015/1/6/63-06-01-2015--15-03-10.jpg" alt="" /></a></p>
<p><a class="thickbox" title="" href="/FileManager/Commons/2015/1/6/64-06-01-2015--15-03-17.jpg"><img src="/FileManager/Articles/mce/2015/1/6/64-06-01-2015--15-03-17.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>