<p><span style="font-size: 12px; color: #000000;">រឿងរ៉ាវដ៏អាថ៌កំបាំងបំផុត ក្នុងវិស័យបច្ចេកវិទ្យា គឺអត្តសញ្ញាណរបស់ Satoshi Nakamoto ដែលជាអ្នកសរសេរកម្មវិធីកំព្យូទ័រ ហើយបានបង្កើតរូបិយវត្ថុ bitcoin។</span></p>
<p><span style="color: #000000;">ឈ្មោះ Satoshi Nakamoto វាអាចតំណាងឲ្យមនុស្សប្រុស ឬស្រី ឬក៏ឈ្មោះក្រុមមនុស្សមួយ។ នៅពេលដែលរូបិយវត្ថុឌីជីថល ត្រូវបានបង្កើតឡើងកាលពីឆ្នាំ ២០០៨ គ្មាននរណាម្នាក់ដឹងថា Nakamoto ជានរណាឡើយ។</span></p>
<p><span style="color: #000000;"><a class="thickbox" title="" href="/FileManager/Commons/2018/1/4/1-04-01-2018--16-55-16.png"><img src="/FileManager/Articles/mce/2018/1/4/1-04-01-2018--16-55-16.png" alt="" /></a><br /></span></p>
<p><span style="color: #000000;">ក្នុងឆ្នាំ ២០០៨ Nakamoto បានបោះពុម្ពក្រដាស ស ៩ ទំព័រ ដែលមានបញ្ជាក់ពី bitcoin ជាប្រព័ន្ធប្រាក់អេឡិចត្រូនិច។</span></p>
<p><span style="color: #000000;">ប៉ុន្មានខែក្រោយមក Nakamoto បានបញ្ចេញ software ដំបូងបំផុតរបស់ bitcoin ហើយរកដៃគូជាមួយអ្នកសរសេរកម្មវិធី និងកូដ អនឡាញ ដើម្បីធ្វើវាឲ្យកាន់តែប្រសើរឡើង។</span></p>
<p><span style="color: #000000;"><a class="thickbox" title="" href="/FileManager/Commons/2018/1/4/2-04-01-2018--16-55-28.png"><img src="/FileManager/Articles/mce/2018/1/4/2-04-01-2018--16-55-28.png" alt="" /></a><br /></span></p>
<p><span style="color: #000000;">ការសហការនេះ បានបន្តរហូតដល់ឆ្នាំ ២០១១ បន្ទាប់មក Nakamoto បានបាត់ខ្លួន។ ប៉ុន្តែ Nakamoto មិនបានដើរចេញដោយដៃទទេទេ។</span></p>
<p><span style="color: #000000;">Matt Green សាស្រ្តាចារ្យ រូបិយវត្ថុឌីជីថល នៅសកលវិទ្យាល័យ Johns Hopkins និយាយថា Nakamoto បានសមត្ថភាពបំផ្លាញរូបិយវត្ថុនោះ បើគាត់ចង់។</span></p>
<p><span style="color: #000000;">Bitcoin ចំនួន ១លានរបស់ Nakamoto ស្មើរនឹង ៥ ភាគរយ នៃ រូបិយវត្ថុឌីជីថលទាំងមូល។</span></p>
<p><span style="color: #000000;">«រឿងពិតនឹង bitcoin ប្រសិនបើអ្នកមានវារហូតដល់រាប់លាន អ្នកមានលទ្ធភាពនឹងត្រួតត្រាទីផ្សារ ពេលណាក៏បាន។ ពួកវាមានតម្លៃ ព្រោះវាជារបស់កម្រ។»</span></p>
<p><span style="color: #000000;">លោក Ben Yu អ្នកវិនិយោគលើ bitcoin រស់នៅក្នុងទីក្រុង San Francisco និយាយថា ប្រសិនបើ bitcoin ក្លាយទៅជារូបិយវត្ថុសកល នោះ Satoshi Nakamoto នឹងក្លាយទៅ ជាអ្នកមានជាងគេ ក្នុងពិភពលោក ហើយមានភាគហ៊ុនច្រើនជាង រដ្ឋាភិបាលអាមេរិកមាន មាស សព្វថ្ងៃនេះទៅទៀត។</span></p>
<p><span style="color: #000000;">Kay Van-Petersen ដែលជាអ្នកវិភាគពីធនាគារ Saxo បានវិភាគថា bitcoin អាចនឹងមានតម្លៃរហូតដល់ ១០០ ០០០ ដុល្លារសហរដ្ឋអាមេរិក នៅក្នុងឆ្នាំ ២០២៧។ បើការទស្សន៍ទាយនោះ ក្លាយជាការពិត នោះ Nakamoto នឹងមានរហូតដល់ ១០០ ពាន់លាន ដុល្លារសហរដ្ឋអាមេរិក ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/1/4/mkn-04-01-2018--16-54-25.png" alt="" /></a><br /></span></p>
<p style="text-align: right;"><span style="font-size: 12px; text-align: right; color: #000000;">ប្រភព៖ cnbc</span></p>