<p><span style="color: #000000;"><strong>(ភ្នំពេញ)៖</strong> តារាសម្ដែងជើងចាស់ មានប្រជាប្រិយភាពមិនចេះសាបសូន្យ អ្នកនាង ចន ច័ន្ទលក្ខិណា បានប្រកាសជាសាធារណៈនៅក្នុងកិច្ចសម្ភាសន៍ផ្សាយផ្ទាល់ នៅលើ Page Facebook របស់សម្ដេចតេជោ ហ៊ុន សែន នាថ្ងៃទី២៣ ខែមិថុនា ឆ្នាំ២០១៦ នេះថា ពេលនេះអ្នកនាងបានផ្ដួចផ្ដើមគំនិតបង្កើតនូវសមាគមជួយ អ្នកសិល្បៈមួយ មានឈ្មោះថា «សមាគមមិត្តសិល្បៈស្ម័គ្រចិត្តជួយសង្គម» ដើម្បីជួយដល់អ្នកសិល្បៈ នៅពេលពួកគេជួបប្រទះនូវបញ្ហាប្រឈមតាមផ្លូវច្បាប់ណាមួយ ដែលត្រូវដោះស្រាយ។</span></p>
<p><span style="color: #000000;">នៅក្នុងកិច្ចសម្ភាសន៍នេះអ្នកនាង ចន ច័ន្ទលក្ខិណា បានបង្ហាញពីយុទ្ធសាស្រ្តគោលការណ៍ និងគោលដៅសំខាន់ៗរបស់សមាគម ទៅថ្ងៃខាងមុខ ទោះបីជា សមាគមទើបបង្កើតថ្មី ក្នុងនាមអ្នកនាងជាប្រធាន ត្រូវតែមានគោលដៅច្បាស់លាស់ ហើយយើងគួរតែធ្វើអ្វីខ្លះ ដើម្បីជួយសង្គមជួយដល់ សិល្បករ-សិល្បការិនីរបស់យើង និងជនក្រីក្រ។</span><br /><span style="color: #000000;"></span><br /><span style="color: #000000;">រហូតមកដល់ពេលនេះ មានសមាជិកជាសិល្បករ-សិល្បការិនី និងមន្ត្រីរាជការ សរុបប្រហែលជា១០០នាក់ បានជួយទ្រទ្រង់ដំណើរការរបស់សមាគមទាំងមូល។ ទោះបីជាសមាគម ទើបបង្កើតបានជិត២សប្ដាហ៍ក្ដី ប៉ុន្តែយើងមានសកម្មភាពមួយចំនួន លេចចេញជារូបរាង ដោយដំបូងឡើយ គឺជួយដល់កញ្ញា វ៉ាន់ នីឡា ជាសិល្បការិនីដំបូង ដែលត្រូវបានជួយសង្គ្រោះពី «សមាគមសិល្បៈស្ម័គ្រចិត្តជួយសង្គម» ដោយបានផ្ដល់ជាមេធាវីជូនដល់គាត់ មិនគិតប្រាក់ ដើម្បីស្វែងរកយុត្តិធម៌ ។ មួយវិញទៀតសិល្បករ-សិល្បការិនី បាននាំយកសម្ភារសិក្សា ថវិកា យកទៅចែកជូនដល់សិស្សក្រីក្រ និងបង្កើតបណ្ដាល័យក្នុងសាលា ស្រុកពោធិ៍រៀង ខេត្តព្រៃវែង។</span></p>
<p><span style="color: #000000;">ប្រធានសមាគមថ្មីថ្មោង អ្នកនាង ចន ច័ន្ទលក្ខិណា បានបន្ថែមទៀតថា សមាគមមានគម្រោងជាច្រើនទៀត ប៉ុន្តែធ្វើតាមដំណាក់កាល មានដូចជាជួយដល់និសិ្សត ស្វែងរកការងារធ្វើរៀបចំជាឯកសារផ្សេងៗ ដើម្បីជួយរកការងារធ្វើ និងខិតខំស្វែងរកការងារជូនពួកគាត់។ ជាពិសេសសមាគមចង់ប្រមូលផ្ដុំអ្នកសិល្បៈ ទាំងអស់ប្រគំតន្រ្តី នៅតាមបណ្ដារោងចក្រនានា ដើម្បីបង្កើតភាពស្និទ្ធស្នាល ជាមួយបងប្អូនកម្មករ-កម្មការិនី។</span></p>
<p><span style="color: #000000;">ចន ច័ន្ទលក្ខិណា សង្កត់ធ្ងន់ថា សកម្មភាពទាំងនេះ ទទួលបានការគាំទ្រខ្លាំង ពីសំណាក់មិត្តសិល្បករ-សិល្បការិនី ក៏ដូចជាបងប្អូនទូទៅ ហើយសមាគម និងខិតខំស្វែងរកទីតាំងដាច់ស្រយាលផ្សេងៗទៀត ដើម្បីជួយដល់កុមារក្រីក្រ ជនចាស់ជរា ជនគ្មានទីពឹង ជាដើម។</span></p>
<p><span style="color: #000000;">ប្រធានសមាគមរូបនេះ បញ្ជាក់ថា ប្រសិនបើបងប្អូន ពិសេសយុវវ័យ ចង់ចូលរួមជាសមាជិក គឺគ្រាន់តែអញ្ជើញមកការិយាល័យរបស់យើង បំពេញតាមលក្ខខណ្ឌមួយចំនួន គឺជាការស្រេច ព្រោះសមាគមត្រូវការអ្នកស្ម័គ្រចិត្ត ។ ជាមួយគ្នានេះ អ្នកនាង ចន ច័ន្ទលក្ខិណា សូមជំរាបដល់សិល្បករ-សិល្បការិនីទាំងអស់ ប្រសិនបើស្ថិតក្នុងស្ថានភាពរងគ្រោះ ឬជួបប្រទះនូវរឿងរ៉ាវណាមួយ សូមទាក់ទងមកសមាគម ដើម្បីឲ្យសមាគមជួយប្រឹក្សាទាំងផ្នែកច្បាប់ និងផ្ដល់កម្លាំងចិត្ត ដើម្បីទទួលបានការគាំពារពីសមាគម។</span></p>
<p><span style="color: #000000;">អ្នកនាង ចន ច័ន្ទលក្ខិណា ក៏បានផ្ដាំផ្ញើទៅដល់សិល្បករ-សិល្បការិនីទាំងអស់ ត្រូវចេះរួបរួមគ្នាវេញជាធ្លុងមួយជួយគ្នាទៅវិញទៅមកដឹងពីសុខទុក្ខគ្នា កុំប្រកាន់ ឬរើសអើងគ្នា និងចូលរួមធ្វើសកម្មភាពសង្គមឲ្យបានច្រើន ទោះក្នុងកាលៈទេសៈណាក៏ដោយ៕</span></p>
<p><span style="color: #000000;">https://scontent-kul1-1.xx.fbcdn.net/v/t1.0-9/13509070_1467682946591344_3734905292754886719_n.png?oh=8396140758a26e905af5940be6f1fed8&oe=57F714CC</span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/13529084_1467682869924685_8615397848954029780_n.jpg?oh=b48d42368e5a917dd6d0e1ad49e6965c&oe=58042EEA" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13528788_1467682863258019_6867541810558694322_n.jpg?oh=c24baf8b9fee95cf9fc3b9945c6c96ed&oe=57FDCFA3" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13528663_1467682859924686_7441652528669937443_n.jpg?oh=42400c8d5b6d546bdb6c082864890926&oe=57F13133" alt="" width="730" /></span></p>
<p style="text-align: right;"><span style="color: #000000; font-size: 12px;">ផ្តល់សិទ្ធដោយ ៖ ខ្មែរថកឃីង</span></p>
<div class="detail_bottom_function">
<div class="facebook_like"></div>
</div>