<p><span style="color: #000000;"><strong>(ភ្នំពេញ)៖</strong> តម្លៃសំបុត្រចូលទស្សនាការប្រកួតបាល់ទាត់រវាងក្រុមជម្រើសជាតិកម្ពុជា ស្វាគមន៍ក្រុមភ្ញៀវទីម័រខាងកើត ក្នុងមិត្តភាពអន្តរជាតិថ្ងៃអាទិត្យ ទី២៩ ខែឧសភា ឆ្នាំ២០១៦ ត្រូវបានកំណត់ថ្លៃហើយ គឺមានតម្លៃ ១០០០០រៀល សម្រាប់ក្នុងដំបូល និងតម្លៃ ៥០០០រៀល នៅក្រៅដំបូល នេះបើយោងតាម Facebook Page របស់សហព័ន្ធបាល់ ទាត់កម្ពុជា (FFC) ។</span></p>
<p><span style="color: #000000;">ប្រភពខាងលើដដែលបានបន្តថា សម្រាប់សំបុត្រចូលទស្សនាទាំងពីរប្រភេទនេះ នឹងចាប់ផ្តើមដាក់លក់ជាផ្លូវការចាប់ពី ព្រឹកថ្ងៃទី២៥ ខែឧសភា ឆ្នាំ២០១៦ តទៅនៅពហុកីឡដ្ឋានជាតិ មជ្ឈមណ្ឌលកីឡា The BLUE Sports Center និងហាងលក់សម្ភារៈកីឡា Home Sport original ហើយក៏មានផ្សាយផ្ទាល់តាមកញ្ចក់ទូរទស្សន៍ BTV ផងដែរ។</span></p>
<p><span style="color: #000000;">សូមបញ្ជាក់ផងដែរថា យុទ្ធនាការប្រកួតកម្តៅសាច់ដុំ និងដកស្រង់បទពិសោធន៍នេះនឹងចាប់ផ្តើមនាម៉ោង ៧៖០០នាទី យប់ថ្ងៃទី២៩ ឧសភា គឺត្រូវបានធ្វើឡើងដើម្បីសមជើង មុនប្រកួតជម្រុះបឋម ពានរង្វាន់ AFC Asian Cup UAE 2019 ដែលកម្ពុជា ត្រូវប៉ះម្ចាស់ផ្ទះចិនតៃប៉ិ ដើមខែមិថុនាខាងមុខនេះហើយ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/19/08a-19-05-2016--12-03-39.jpg"><img src="/FileManager/Articles/mce/2016/5/19/08a-19-05-2016--12-03-39.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>