<p><span style="color: #000000;"><strong>ភ្នំពេញ៖</strong> ស្ថានីយទូរទស្សន៍ PNN បានចាប់ផ្តើមផ្សាយជាផ្លូវការ នៅល្ងាចថ្ងៃទី១១ ខែកក្កដា ឆ្នាំ២០១៥ ដោយមានការចូលរួម ពីមន្ត្រីជាន់ខ្ពស់នៃរាជរដ្ឋាភិបាល ពាណិជ្ជករ សិល្បករ សិល្បការិនីកម្ពុជា និងថៃ ជាច្រើនរូបផងដែរ។</span></p>
<p><span style="color: #000000;">អគ្គនាយកប៉ុស្តិ៍ទូរទស្សន៍ ភីអិនអិន (PNN) លោក Glen Felgate បានឲ្យដឹងនៅក្នុងពិធីផ្សាយជាលើកដំបូងរបស់ខ្លួនថា បច្ចុប្បន្នម៉ាស៊ីនផ្សាយរបស់ PNN មាននៅរាជធានីភ្នំពេញ ខេត្តកោះកុង ស្វាយរៀង ត្បូងឃ្មុំ កំពង់ធំ សៀមរាប បន្ទាយមានជ័យ បាត់ដំបង ប៉ៃលិន ពោធិ៍សាត់ ក្រចេះ ស្ទឹងត្រែង មណ្ឌលគីរី ព្រះវិហារ ឧត្តរមានជ័យ ព្រះសីហនុ កំពត និងខេត្តតាកែវ។</span></p>
<p><span style="color: #000000;">លោក Glen Felgate បន្តថា នៅថ្ងៃសម្ពោធចាក់ផ្សាយនេះផងដែរ ក៏មានការចូលរួមពីតារាល្បីៗនៅកម្ពុជា និងតារាល្បីៗនៅប្រទេសថៃ ហើយតារាល្បីៗ ទាំងនេះនឹងបង្ហាញខ្លួនក្នុងខ្សែភាពយន្តភាគថៃ ដែលនឹងត្រូវចាក់ផ្សាយលើកញ្ចក់ទូរទស្សន៍ នាប៉ុន្មានខែខាងមុខ។ ទូរទស្សន៍ PNN ផ្សាយនៅលើប្រព័ន្ធ UHF ប៉ុស្ដិ៍លេខ ៥៦ ជាប៉ុស្តិ៍ទូរទស្សន៍បែបកម្សាន្តទូទៅ។</span></p>
<p><span style="color: #000000;">សូមបញ្ជាក់ផងដែរថា ភីអិនអិន (PNN) ដែលជាប៉ុស្តិ៍ទូរទស្សន៍ថ្មីរបស់កម្ពុជា បានចំណាយទុនវិនិយោគជាង ២០លានដុល្លារអាមេរិក ទៅលើការសាងសង់ស្ទូឌីយ៉ូ ក៏ដូចជា ឧបករណ៍ទំនើបៗ និងទឹកប្រាក់រាប់លានដុល្លារអាមេរិកទៀត ទៅលើការផលិតកម្មវិធី។ លើសពីនេះប៉ុស្តិ៍ទូរទស្សន៍ថ្មីមួយនេះ ក៏បានចុះកិច្ចព្រមព្រៀង ដើម្បធ្វើកិច្ចសហប្រតិបត្តិការជាមួយនឹងអង្គភាពផលិតព័ត៌មាន ប៊ីអីស៊ី (BEC) ស្តីពីការចុះយកព័ត៌មានទាំងនៅក្នុងប្រទេសកម្ពុជា និងក្នុងប្រទេសថៃផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/13/20-13-07-2015--10-32-41.jpg"><img src="/FileManager/Articles/mce/2015/7/13/20-13-07-2015--10-32-41.jpg" alt="" /></a></span></p>
<p><a class="thickbox" title="" href="/FileManager/Commons/2015/7/13/21-13-07-2015--10-32-52.jpg"><img src="/FileManager/Articles/mce/2015/7/13/21-13-07-2015--10-32-52.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/7/13/20-13-07-2015--10-32-41.jpg"></a></span></p>
<p><a class="thickbox" title="" href="/FileManager/Commons/2015/7/13/22-13-07-2015--10-33-00.jpg"><img src="/FileManager/Articles/mce/2015/7/13/22-13-07-2015--10-33-00.jpg" alt="" /></a></p>
<p><a class="thickbox" title="" href="/FileManager/Commons/2015/7/13/23-13-07-2015--10-33-06.jpg"><img src="/FileManager/Articles/mce/2015/7/13/23-13-07-2015--10-33-06.jpg" alt="" /></a></p>
<p><a class="thickbox" title="" href="/FileManager/Commons/2015/7/13/24-13-07-2015--10-33-14.jpg"><img src="/FileManager/Articles/mce/2015/7/13/24-13-07-2015--10-33-14.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>