<p><span style="color: #000000;"><strong>(ក្រុងឡុងដ៍)៖</strong> កីឡាករខ្សែប្រយុទ្ធជួរមុខ Jamie Vardy បានយល់ព្រមចុះកិច្ចសន្យាបន្តលេងឲ្យក្លឹបកញ្រ្ជោង Leicester City រយៈពេល៤ឆ្នាំទៀតទៅមុខ ផ្តាច់បំណងប្រាថ្នារបស់ Arsenal ដែលតាមទិញជាយូរមកហើយនោះ។</span></p>
<p><span style="color: #000000;">សារព័ត៌មាន BBC បានធ្វើការដកស្រង់សេចក្តីថ្លែងការណ៍របស់ក្លឹប Leicester City ថា <strong>«រវាងក្លឹប និងកីឡាករវ័យ ២៩ឆ្នាំ Jamie Vardy បានបញ្ចប់មន្ទិលសង្ស័យហើយ តាមរយៈចុះហត្ថលេខារយៈពេល៤ឆ្នាំទៅមុខទៀត ក្នុងការបន្ត លេងនៅពហុកីឡដ្ឋាន King Power»</strong>។</span></p>
<p><span style="color: #000000;">កីឡាករដែលស៊ុតបញ្ចូលទីបាន ២៤គ្រាប់ ជួយឲ្យ Leicester City ឈ្នះពាន Premier League ជាប្រវត្តិសាស្រ្តរដូវកាលមុននេះ បានព្រមព្រៀងបន្តកិច្ចសន្យារយៈពេល៤ឆ្នាំទៅមុខទៀត ដោយក្តីរីករាយ បើទោះបីជាក្លឹបកាំភ្លើងធំ Arsenal តាមសុំចែចូវរូបគេ តាំងពីបិទរដូវកាលមកម្ល៉េះ ដោយហ៊ានឲ្យតម្លៃខ្លួន ២០លានផោនក៏ដោយ។</span></p>
<p><span style="color: #000000;">សូមបញ្ជាក់ដែរថា ខណៈពេលនេះ Jamie Vardy បានកំពុងដែរស្ថិតក្នុងក្រុមជម្រើសជាតិអង់គ្លេស លេងក្នុង Euro 2016 នៅប្រទេសបារាំង ដែលបានជួយឲ្យក្រុមតោកំណាច ឡើងទៅវគ្គ១៦ក្រុមចុងក្រោយផងដែរ ដោយត្រូវជួបក្រុម ជម្រើសជាតិអ៊ីស្លង់។</span></p>
<p><span style="color: #000000;">ទន្ទឹមគ្នានោះដែរ កីឡាករខ្សែប្រយុទ្ធជនជាតិបារាំង Antoine Griezmann ក៏បានព្រមព្រៀងចុះហត្ថលេខាលេងឲ្យ ក្លឹប Atletico Madrid រយៈពេល៥ឆ្នាំទៅមុខទៀតផងដែរ ដោយនឹងអស់សុពលភាពរហូលឆ្នាំ២០២១ ឯណោះ ហើយ ខណៈដែរ កីឡាករវ័យ ២៧ឆ្នាំខាងលើ ក៏កំពុងបំពេញបេសកកម្មក្នុង Euro 2016 ដូចគ្នា ដោយត្រូវជួបសាធារណរដ្ឋ អៀរឡង់ ក្នុងវគ្គ១៦ក្រុមចុងក្រោយ៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/720C/production/_90069192_hi032824302.jpg" alt="" width="730" /></span></p>
<p style="text-align: center;"><span style="color: #000000;">Jamie Vardy</span></p>
<p><span style="color: #000000;"><img src="http://i.dailymail.co.uk/i/pix/2015/10/18/16/2D88F4FC00000578-0-image-a-34_1445182338042.jpg" alt="" width="730" /></span></p>
<p style="text-align: center;"><span style="color: #000000;">Antoine Griezmann</span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>