<p><span style="color: #000000;"><strong>(អារ៉ាប់រួម)៖</strong> បុរសជាកូនកំលោះម្នាក់ បានដាក់ពាក្យប្តឹងសុំលែងលះភរិយា ដែលទើបនឹងរៀបការថ្មោងថ្មី បន្ទាប់ពីឃើញនាង ពេលគ្មានការតុបតែងមុខ នៅរាត្រីក្រេបទឹកឃ្មុំ ដោយលើកហេតុផលថា នាងយកសម្រស់ក្លែងក្លាយ មកបោកបញ្ឆោតខ្លួន ។</span></p>
<p><span style="color: #000000;">ដុកទ័រចិត្តសាស្ត្រម្នាក់ គឺលោក Abdul Aziz Asaf និយាយថា បុរសជនជាតិអារ៉ាប់ជាប្តីនេះ មានការស្លុតចិត្ត ពេលដែល បានឃើញផ្ទៃមុខភរិយា គ្មានការតុបតែង មើលទៅស្អាតមិនដូចពេលដែលគេទើបស្គាល់ដំបូង ព្រោះពេលនោះនាងស្រស់ស្អាត មានទាំងការដាក់លេនភ្នែក ត្របក និងការផាត់មុខ មិនដូចជាក្រោយរៀបការរួចនេះទេ។</span></p>
<p><span style="color: #000000;">កូនក្រមុំវ័យ ២៤ឆ្នាំ បានទៅជួបពេទ្យជំនាញ ដើម្បីជួយកែសម្ផស្សនាង ឲ្យស្រស់ស្អាតដូចមុន ធ្វើយ៉ាងណាឲ្យប្តីត្រឡប់ មកជានាវិញ ប៉ុន្តែទោះជាយ៉ាងណា បុរសជាប្តីដែលមានវ័យ៣០ឆ្នាំរូបនេះ បោះសម្តីថា «គេចង់លែងលះ ឲ្យបានឆាប់ ហើយបដិសេធមិនផ្សះផ្សា ជាមួយភរិយាវិញឡើយ ដោយគិតថា នាងហ៊ានយកសម្រស់ក្លែងក្លាយ មកបោកប្រាស់រូបគេ»៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/25/09h-25-10-2016--14-09-19.jpg"><img src="/FileManager/Articles/mce/2016/10/25/09h-25-10-2016--14-09-19.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>