<p><span style="color: #000000;"><strong>(ប៉ៃលិន)៖</strong> ជារឿងដ៏គួរឲ្យភ្ញាក់ផ្អើលមួយ ខណៈដែលនៅសុខៗ ស្រាប់តែទស្សនិកជន បានប្រទះឃើញរូបថត ជាច្រើនសន្លឹក របស់តារាសម្តែងស្រី កញ្ញា ហង្ស ម៉ារីនី និងបងស្រីបង្កើតរបស់នាង គឺកញ្ញា ហង្ស ម៉ារីណា ស្ថិតក្នុងឈុតសម្លៀកបំពាក់ គ្រងក្រណាត់សំពត់ពណ៌ស និងមានបង់ក ដោយក្រណាត់ស្បៃសដូចគ្នា មានសកម្មភាព ជាដូនជីកាន់សីល ស្ថិតនៅលើកំពូលភ្នំមួយ។ ស្របជាមួយនឹងរូបថតបង្ហាញឲ្យឃើញ ជាសាធារណៈនេះ មានប្រភពមួយបង្ហើបថា ពួកគេទាំងពីរពិតជាបានរត់ទៅបួសមែន បន្ទាប់ពីជួបរឿងស៊យធំមួយចំនួន នៅរយៈកាលប៉ុន្មានថ្ងៃ ចុងក្រោយនេះ។</span></p>
<p><span style="color: #000000;">ទន្ទឹមគ្នា និងភាពភ្ញាក់ផ្អើលនេះ គេហទំព័រ Khmertalking នាសៀលថ្ងៃទី០៦ ខែតុលា ឆ្នាំ២០១៦នេះ បានភ្ជាប់ទំនាក់ទំនង តាមសាអេឡិចត្រូនិច ដើម្បីធ្វើការសួរនាំជម្រះមន្ទិល របស់មហាជនពីសំណាក់ តារាសម្តែងរាងតូចច្រឡឹង កញ្ញា ហង្ស ម៉ារីនី ឲ្យបានច្បាស់ពីការពិតថា តើវាកើតឡើងដោយរបៀបណា ហើយតាមរយៈរូបថតទាំងនេះ ជាការពិត ឬមួយយ៉ាងណា? ឆ្លើយតបនឹងសំណួរនេះ តារាសម្តែង ហង្ស ម៉ារីនី បានឆ្លើយប្រាប់ដោយមិនមានភាពស្ទាក់ស្ទើរថា <strong>«ចា៎..បង! រូបថតនេះ ជាការពិត គឺខ្ញុំនិងបងស្រីខ្ញុំ ហង្ស ម៉ារីណា បានសម្រេចចិត្តទៅបួសមែន!»</strong>។</span></p>
<p><span style="color: #000000;">កញ្ញា ហង្ស ម៉ារីនី បានបញ្ជាក់ថា <strong>«កាលពីពេលថ្មីៗនេះ ខ្ញុំនិងបងស្រីបានសម្រេចចិត្ត សាងភ្នួសរយៈពេល៣ថ្ងៃ នៅលើទឹកដីកំពូលភ្នំយ៉ាត ហើយការបួស របស់ពួកខ្ញុំទាំងពីរនាក់នេះ ពុំមែនបួសដោយសារមានមូលហេតុអ្វីមួយនោះទេ ពោលគឺគ្រាន់តែជាការបួសសងគុណ ឪពុក-ម្តាយប៉ុណ្ណោះ។ ម្យ៉ាងទៀតការបួសនេះ គឺតម្រូវធ្វើតាមគន្លងធម៌ វិន័យរបស់ព្រះពុទ្ធសាសនា គឺកាន់សីល១០ដូចគ្នា នឹងព្រះសង្ឃដែរ!»</strong>។</span></p>
<p><span style="color: #000000;">តារាសម្តែង ដែលលេចធ្លោលើសកម្មភាព មនុស្សធម៌ កញ្ញា ហង្ស ម៉ារីនី បាននិយាយបន្ថែមថា នេះជាលើកទី២សម្រាប់នាងហើយ ដែលបានបួសសងគុណឪពុក-ម្តាយ ដោយកាលពីលើកទី១ នៅឆ្នាំ២០១៣ តែកាលនោះ នាងបួសតែម្នាក់ឯងប៉ុណ្ណោះ។ ដោយឡែកនៅឆ្នាំ២០១៦នេះ គឺនាងសម្រេចចិត្តបួសរួមគ្នា ជាមួយបងស្រី កញ្ញា ហង្ស ម៉ារីណា ម្តងទៀត។</span></p>
<p><span style="color: #000000;">យ៉ាងណាមិញ បើផ្អែកតាមប្រភពពីអ្នកធ្លាប់ស្គាល់ តារាសម្ដែង ហង្ស ម៉ារិនី បានបង្ហើបថា ការសាងភ្នួសសងគុណឪពុកម្ដាយនេះ គឺក៏ស្របពេលជាមួយនឹង ជោគវាសនារបស់នាង ហាក់ធ្លាក់ស្រកស្រុត ព្រោះតែមួយរយៈចុងក្រោយនេះ ហង្ស ម៉ារិនី បានជួបប្រទះនូវរឿងរ៉ាវស៊យផ្ទួនៗគ្នា ហើយមានរឿងខ្លះ ស្ទើរតែមានគ្រោះថ្នាក់ធំ ដល់ជីវិតទៀតផង។ ដូច្នេះការសាងភ្នួសនេះ ក៏ជាផ្នែកមួយដើម្បីលាងជម្រះ នូវបាបគ្រោះចង្រៃទាំងពួង ឲ្យជៀសចាកចេញឆ្ងាយពីខ្លួនរបស់នាង និងនាំមកវិញនូវសិរីសួស្ដី ការរីកចម្រើនដល់ខ្លួននាងផ្ទាល់ និងក្រុមគ្រួសារ ពេលលាចាកសិក្ខាបទមកវិញ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14479508_1070331646395724_1562614117884196355_n.jpg?oh=a62f36b5deaac9689eabae385543be0c&oe=58A2243C" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/1380544_496067673822127_320144194_n.jpg?oh=d20516337dedabaf62941c7f25ec6c8a&oe=58A6AD78" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14492584_1592564050769899_376258199696142517_n.jpg?oh=603f47d5432f9f653398def06c2a245b&oe=58A15AE8" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpt1/v/t1.0-9/14522832_1592564137436557_116747204935421042_n.jpg?oh=d4f5d5d64dcff4a09be9ed46e5e9c65e&oe=58689C21&__gda__=1482652453_d0de92522c072d0e8c9a57698f7e7fcf" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14470584_1592564140769890_2061342573098386870_n.jpg?oh=cdb5bfabc28c0bf9e2b0a8a75a574beb&oe=586C62D2" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14567993_1592564144103223_2684796987424095680_n.jpg?oh=73275d1d935978ac1c6e37997edd99b6&oe=58A9CDE8" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14520535_1592564257436545_2264465429952013060_n.jpg?oh=5bd6dec0b170f6b09b9b95b988ac1c61&oe=5877FDC8" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>