<p><span style="color: #000000;"><strong>(បន្ទាយមានជ័យ)៖</strong> លោក បោន ប៊ិន មេបញ្ជាការរងអាវុធហត្ថ ខេត្តបន្ទាយមានជ័យ និងលោក ជា ដា មេបញ្ជាការអាវុធហត្ថ ក្រុងប៉ោយប៉ែត នៅព្រឹកថ្ងៃទី១៦ ខែមិថុនា ឆ្នាំ២០១៦ បាននាំយកគ្រឿងឧបភោគបរិភោគ និងថវិកាមួយចំនួន ប្រគល់ជូនដពលរដ្ឋដែល ប្រទះឃើញអាវុធ AK47 គុណភាព៩០ភាគរយ ពុំមានបង់ និងគ្រាប់ឡើយ ហើយបានយកទៅប្រគល់ជូនកម្លាំងអាវុធហត្ថ។</span></p>
<p><span style="color: #000000;">លោក បោន ប៊ិន មេបញ្ជាការរងអាវុធហត្ថខេត្តបានថ្លែងថា ជានិច្ចជាកាលកម្លាំងអាវុធហត្ថ យើងតែងតែយកចិត្តទុកដាក់ដល់ សុវត្ថិភាព ស្ថិរភាព សន្តិសុខ បង្ក្រាបរាល់បទល្មើសជាក់ស្តែងជាបន្តបន្ទាប់ ទាំងអស់នេះជាការដឹកនាំ និងបទបញ្ជាដ៏តឹងរឹងរបស់លោកឧត្តមសេនីយ៍ត្រី ឱ បូរិន្ទ មេបញ្ជាការអាវុធហត្ថខេត្ត។</span></p>
<p><span style="color: #000000;"> លោកក៏បានផ្តែផ្តាំ ដល់ពលរដ្ឋទាំងអស់ប្រសិនជាប្រទះឃើញ អាវុធយុទ្ធភ័ណមិនទាន់ផ្ទុះ ត្រូវរាយការណ៍ ជូនកងកម្លាំងប្រដាប់អាវុធគ្រប់លំដាបថ្នាក់ អាជ្ញាធរ ដែលនៅជិតលំនៅដ្ឋានបំផុត។</span></p>
<p><span style="color: #000000;">ពលរដ្ឋប្រទះឃើញអាវុធមានឈ្មោះ ទឹម ហន អាយុ៥៦ឆ្នាំ រស់នៅភូមិ-សង្កាត់ ផ្សារកណ្តាល ក្រុងប៉ោយប៉ែត បានឲ្យដឹងថា អាវុធប្រភេទ AK47 ខណៈពេលគាត់ទៅរើសអេតចាយ នៅគំនរសំរាម ស្រាប់តែឃើញក្រណាត់ភួយរុំ ក៏សង្ស័យយកហែកមើលក៏ឃើញអាវុធ រួចក៏រាយការណ៍ជូនសមត្ថកិច្ចភ្លាមៗតែម្តង ។</span></p>
<p><span style="color: #000000;">អំណោយទទួលបាន អង្ករ៥០គីឡូក្រាម ទឹកត្រី ទឹកស៊ីអ៊ិវ ៥យួរ ទឹកសុទ្ធ៥កេស មី៥កេស និងថវិកាចំនួន២០ម៉ឺនរៀល៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-02-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-02-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-02-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-02-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-02-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-02-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-03-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-03-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-03-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-16-10-13-03-9.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>