<p><span style="color: #000000;"><strong>(ឥណ្ឌា)៖</strong> នារីជាកូនក្រមុំជនជាតិឥណ្ឌាម្នាក់ ដែលទើបនឹងរៀបការរួច ត្រូវបានចាប់ខ្លួន ដោយរងការចោទប្រកាន់ ពីបទឃាតកម្ម បន្ទាប់ពីសម្លាប់ម្តាយក្មេក ដែលមិនអនុញ្ញាតឲ្យនាង ប្រើទូរស័ព្ទ។</span></p>
<p><span style="color: #000000;">ប៉ូលិសនៅ Bhiwani និយាយថា នារីដៃដល់អាយុ២០ឆ្នាំ ឈ្មោះ Surekha បានប្រើដំបងដែក វាយសម្លាប់ស្ត្រីជាម្តាយក្មេក ឈ្មោះ Pholwati ក្រោយពីស្ត្រីរងគ្រោះ ហាក់មានការតឹងតែង ជាមួយខ្លួនមិនអនុញ្ញាត ឲ្យនាងនិយាយទូរស័ព្ទ ជាមួយមិត្តភក្តិឡើយ។</span></p>
<p><span style="color: #000000;">ហេតុការណ៍នេះកើតឡើង កាលពីថ្ងៃសុក្រសប្តាហ៍មុន ប្តីរបស់ស្ត្រីរងគ្រោះ និយាយថា នៅព្រឹកថ្ងៃសៅរ៍ ពេលដែលខ្លួនភ្ញាក់ពីដំណេក ក៏ស្រាប់តែប្រទះឃើញប្រពន្ធ ដេកស្លាប់ទៅហើយ ដែលពេលនោះកូនប្រសារដៃដល់ ក្លែងជាប្រាប់សមត្ថកិច្ចថា មានមនុស្សពាក់ម៉ាស់មុខ ពីរនាក់លួចចូលក្នុងផ្ទះ ហើយវាយម្តាយក្មេកនាង ប៉ុន្តែក្រោយពីសមត្ថកិច្ចរកឃើញ ភស្តុតាងគ្រប់គ្រាន់ ទើបនាងសារភាព ពីអ្វីដែលខ្លួនបានធ្វើ។ នារីជាឃាតក ត្រូវបានប៉ូលិសបញ្ជូន ទៅតុលាការរង់ចាំការកាត់ទោស៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/20/18c-20-10-2016--11-08-43.jpg"><img src="/FileManager/Articles/mce/2016/10/20/18c-20-10-2016--11-08-43.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>