<p><span style="color: #000000;"><strong>-ជនរងគ្រោះដែលស្លាប់ ជានិស្សិតនៅ សកលវិទ្យាល័យ ស៊ីតិច </strong></span></p>
<p><span style="color: #000000;"><strong>ភ្នំពេញ៖ </strong>អ្នកទស្សនាពិធីបាញ់កាំជ្រួចអបអរសាទរ ព្រះរាជពិធីយាងគ្រងរាជ្យសម្បត្តិព្រះមហាក្សត្រម្នាក់ បានស្លាប់ និង៤នាក់ផ្សេងទៀតបានរងរបួស ដោយសារគ្រាប់កាំជ្រួចបានហោះទៅបុកពួកគេ នាវេលាម៉ោងប្រមាណ ៧ និង ៣០នាទីយប់ថ្ងៃទី២៩ ខែតុលា ឆ្នាំ២០១៤ ស្ថិតនៅត្រើយម្ខាង នៃទន្លេចតុមុខទល់មុខព្រះបរមរាជវាំង ស្ថិតក្នុង ភូមិក្បាលជ្រោយ សង្កាត់ជ្រោយចង្វា ខណ្ឌជ្រោយចង្វា ស្ថិតក្បែងអគារសណ្ខាគារសុខា ដែលកំពុងសាងសង់។</span></p>
<p><span style="color: #000000;">អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ បានឲ្យដឹងនៅក្រោយកើតហេតុភ្លាមថា គ្រាប់កាប់ជ្រួច ដែលហោះទៅមុខអ្នកទស្សនាឲ្យស្លាប់ និងរងរបួសនោះ ជាគ្រាប់ចុងក្រោយ នៃពិធីបាញ់កាំជ្រួច។បើតាមលោក ឡុង ឌីម៉ង់ បានឲ្យដឹងថា មូលហេតុ ដែលនាំឲ្យកាំជ្រួចហោះទៅបុកមនុស្សនេះ ដោយសារតែសម្បកកាំជ្រួចផ្ទុះ ធ្លាយ ធ្វើឲ្យកាំជ្រួចមិនហោះឡើងទៅលើបាន ក៏ហោះទៅបុកមនុស្សតែម្តង។</span></p>
<p><span style="color: #000000;">លោក ឡុង ឌីម៉ង់ បានបញ្ជាក់ថា ជនរងគ្រោះស្លាប់ និងរងរបួសនោះ ដោយសារពួកគេព្យាយាមទៅឈរមើល សកម្មភាពក្រុមអ្នកបច្ចេកទេសបាញ់កាំជ្រួច។ ជនរងគ្រោះ ដែលត្រូវកាំជ្រួចផ្ទុះត្រូវនេះ ជនរងគ្រោះបាត់បង់ជីវិតត្រូវកាំជ្រួចហោះបុកធ្លាយពោះវៀន ហើយ សម្រាប់អ្នករងរបួសធ្ងន់វិញ ត្រូវបានដាច់ជើង និងរយះជើងយ៉ាងធ្ងន់ធ្ងរផងដែរ។</span></p>
<p><span style="color: #000000;">ប្រភពព័ត៌មានពីកន្លែងកើតហេតុ បានឲ្យដឹងថា យុវជន ដែលស្លាប់បាត់បង់ជីវិតមានឈ្មោះ ណា គ្រី ដារ៉ូ អាយុ ២២ឆ្នាំ ស្រុកកំណើតនៅឃុំឈើ ខ្មៅ ស្រុកកោះធំ ខេត្តកណ្តាល រៀននៅសកលវិទ្យាល័យស៊ីតិច។ រីឯជនរង គ្រោះ ៤នាក់ ក្នុងនោះស្រីម្នាក់ ប្រុស ៣នាក់ ត្រូវបានគេបញ្ជូនទៅសង្គ្រោះនៅមន្ទីរពេទ្យ តែមិនទាន់ស្គាល់អត្ត សញ្ញាណនៅឡើយទេ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/30/sar-077-30-10-2014--08-48-38.jpg"><img src="/FileManager/Articles/mce/2014/10/30/sar-077-30-10-2014--08-48-38.jpg" alt="" /></a></span></p>
<p><a class="thickbox" title="" href="/FileManager/Commons/2014/10/30/sar-078-30-10-2014--08-48-46.jpg"><img src="/FileManager/Articles/mce/2014/10/30/sar-078-30-10-2014--08-48-46.jpg" alt="" /></a></p>
<p><a class="thickbox" title="" href="/FileManager/Commons/2014/10/30/sar-079-30-10-2014--08-48-54.jpg"><img src="/FileManager/Articles/mce/2014/10/30/sar-079-30-10-2014--08-48-54.jpg" alt="" /></a></p>
<p><a class="thickbox" title="" href="/FileManager/Commons/2014/10/30/sar-080-30-10-2014--08-49-02.jpg"><img src="/FileManager/Articles/mce/2014/10/30/sar-080-30-10-2014--08-49-02.jpg" alt="" /></a></p>
<p><a class="thickbox" title="" href="/FileManager/Commons/2014/10/30/sar-081-30-10-2014--08-49-09.jpg"><img src="/FileManager/Articles/mce/2014/10/30/sar-081-30-10-2014--08-49-09.jpg" alt="" /></a></p>
<p><a class="thickbox" title="" href="/FileManager/Commons/2014/10/30/sar-082-30-10-2014--08-49-17.jpg"><img src="/FileManager/Articles/mce/2014/10/30/sar-082-30-10-2014--08-49-17.jpg" alt="" /></a></p>
<p><object width="500" height="428" data="http://www.youtube.com/v/Nd7avOh4KEc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Nd7avOh4KEc&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>