<p><span style="color: #000000;"><strong>(ភ្នំពេញ)៖</strong> អធិការនគរបាលខណ្ឌមានជ័យ លោក តេង ស៊ីណូ បានប្រាប់ភ្នាក់ងារ Fresh News ថា កម្លាំងនគរបាលរបស់លោក បានស្រាវជ្រាវរហូតតាមបង្ក្រាប និងចាប់ខ្លួនក្រុមចោរប្លន់២នាក់ ពាក់ព័ន្ធវាយយកទ្រព្យសម្បត្តិ ពីគូសង្សារ ខណៈកំពុងនាំគ្នារកផ្ទះសំណាក់ដេក នៅម៉ោង១៖០០នាទី រំលងអាធ្រាត្រ ថ្ងៃទី១៣ ខែធ្នូ ឆ្នាំ២០១៥ ចំណុចផ្លូវវេងស្រេង ភូមិដំណាក់ធំ២ សង្កាត់ស្ទឹងមានជ័យ។</span></p>
<p><span style="color: #000000;">យ៉ាងណាក៏ដោយ ជនសង្ស័យម្នាក់ទៀត ឈ្មោះ ឌឿន ភេទ ប្រុស អាយុ២២ឆ្នាំ បានរត់គេចខ្លួនបាត់ ខណៈកម្លាំងនគរបាល កំពុងតាមបង្ក្រាប។</span></p>
<p><span style="color: #000000;">លោក តេង ស៊ីណូ បានបញ្ជាក់ថា សង្ស័យទាំង២នាក់រួមមាន៖ ទី១-ឈ្មោះ រ័ត្ន ពិសិដ្ឋ អាយុ២៧ឆ្នាំ មុខរបរនិងទីលំនៅមិនពិតប្រាកដ និងទី២-ឈ្មោះ ឡូញ បូរី ហៅ ញ៉ាញ់ អាយុ២២ឆ្នាំ មុខរបរ និងទីលំនៅមិនពិតប្រាកដ ត្រូវបានចាប់ខ្លួន នៅថ្ងៃទី១៦ ខែធ្នូ ឆ្នាំ២០១៥ ចំណុចផ្លូវវេងស្រេង ភូមិដំណាក់ធំ២ សង្កាត់ស្ទឹងមានជ័យ។ ដោយឡែកជនរងគ្រោះឈ្មោះ ឌី វ៉ាន់ដា ភេទប្រុស អាយុ២៣ឆ្នាំ មុខរបរចុងភៅ។</span></p>
<p><span style="color: #000000;">ក្រោយការចាប់ខ្លួន កម្លាំងនគរបាលបានដកហូប កាបូបដៃ១ លុយ៤០០ដុល្លារ ទូរស័ព្ទដៃ០២គ្រឿង (ម៉ាកអាយហ្វូន,សាំសុង) និងដែកជំពុះទង់១ដើម៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/17/12-17-2015-12-05-21-pm-17-12-2015--12-12-24.png"><span style="color: #000000;"><img src="/FileManager/Articles/mce/2015/12/17/12-17-2015-12-05-21-pm-17-12-2015--12-12-24.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>