<p><span style="color: #000000;"><strong>(ភ្នំពេញ)៖</strong> លោក Lee Tae Hoon គ្រូបង្វឹកក្រុមជម្រើសជាតិកម្ពុជា និងលោក Ki Pan Gon គ្រូបង្វឹកក្រុមហុងកុង សុទ្ធតែបានត្រៀមយ៉ាងល្អ សម្រាប់ការប្រកួតមិត្តភាពអន្ដរជាតិ នាវេលាម៉ោង ៦៖៣០នាទីល្ងាចថ្ងៃទី០៦ ខែតុលាស្អែកនេះ ព្រោះគ្រូជនជាតិកូរ៉េទាំងពីរ បានចាត់ទុកជំនួបមិត្ដភាពនេះ គឺជាការប្រកួតដ៏សំខាន់រៀងៗខ្លួន។</span></p>
<p><span style="color: #000000;">សម្រាប់លោក Lee បានថ្លែងក្នុងសន្និសីទសារព័ត៌មានមុនការប្រកួតនៅថ្ងៃទី០៥ ខែតុលានេះថា ជំនួបជើងទី២ ជាមួយហុងកុងនេះ គឺជាការប្រកួតដ៏សំខាន់មួយ ដើម្បីពង្រឹងសមត្ថភាពកូនក្រុមខ្លួន ត្រៀមធ្វើម្ចាស់ផ្ទះវគ្គជម្រុះពានរង្វាន់ AFF Suzuki Cup 2016 នាពេលឆាប់ៗខាងមុខ ហេតុនេះលោកនឹងជំរុញក្រុមគោព្រៃកម្ពុជាធ្វើឲ្យបានល្អបំផុត។</span></p>
<p><span style="color: #000000;">ដោយឡែកលោក Kim Pan Gon បានលើកឡើងថា ទោះបីកាលពីដើមខែកញ្ញាកន្លងទៅ ក្រុមលោកធ្លាប់បានយកឈ្នះ ៤-២ លើក្រុមជម្រើសជាតិកម្ពុជា លើទឹកដីខ្លួនក៏ពិតមែន ប៉ុន្ដែការប្រកួតក្រៅទឹកដីនេះ លោកមិនអាចធ្វេសប្រហែស និងរឹតតែមិនអាចមើលស្រាលក្រុមម្ចាស់ផ្ទះកម្ពុជាបានឡើយ ព្រោះបាល់ទាត់កម្ពុជាបច្ចុប្បន្ន មានភាពរីកចម្រើនខ្លាំងជាងមុន ។</span></p>
<p><span style="color: #000000;">គួរបញ្ជាក់ថា នេះគឺជាការប្រកួតមិត្តភាពផ្លូវការលើកទី២ រវាងក្រុមទាំងពីរ ប៉ុន្ដែជាជំនួបដ៏សំខាន់ក្រុមគោព្រៃកម្ពុជា ដើម្បីត្រៀមដណ្ដើមកៅអីជុំផ្ដាច់ព្រ័ត្រពាន AFF Suzuki Cup 2016 ជាមួយក្រុមជម្រើសជាតិឡាវ ប្រ៊ុយណេ និងទីម័រខាងកើត ចាប់ពីថ្ងៃទី១៥-២១ ខែតុលាខាងមុខ។ ប៉ុន្ដែការប្រកួតផ្លូវការចាប់ផ្ដើម ក្រុមគោព្រៃកម្ពុជានេះ ក៏ត្រូវបើកទ្វារពហុកីឡដ្ឋានជាតិទទួលក្រុមជម្រើសជាតិស្រីលង្ការ ១ប្រកួតទៀត នៅថ្ងៃទី០៩ ខែតុលានេះផងដែរ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14517669_1785795051660012_6261037503695218955_n.jpg?oh=c045243a6217a8cff81069a931223f4b&oe=5871D644" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14601074_1785795054993345_3855539041437227958_n.jpg?oh=49b5ef4556ec13a57f312ac74b1ea326&oe=58617779" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14595628_1785795048326679_9168946072286154891_n.jpg?oh=cc5c6e72be47c158aeb93a06b1083046&oe=58ACD119" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14523035_1785795124993338_3718843427528565589_n.jpg?oh=42b30cce227ecce61fb830b1fb98423a&oe=586FD757" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>