<p><span style="color: #000000;">តាមគម្រោង NASA នឹងអភិវឌ្ឍប្រព័ន្ធទូរគមនាគមន៍ សម្រាប់ទំនាក់ទំនងរវាងបណ្ដាភពក្នុង</span><br /><span style="color: #000000;">ប្រព័ន្ធព្រះអាទិត្យ ដោយវាមានមុខងារដូចទៅនឹងប្រព័ន្ធអ៊ីនធឺរណែតនៅលើផែនដី។</span></p>
<p><span style="color: #000000;">យោងតាម UPI អង្គការ NASA កំពុងតែដំឡើងសបវ៉ែរនៅលើស្ថានិយអវកាសអន្តរជាតិ(ISS)</span><br /><span style="color: #000000;"> ដើម្បីជួយឱ្យការទំនាក់ទំនងប្រព្រឹត្តិទៅបានល្អ និងងាយស្រួលជាងមុន។ ប្រការនេះក៏នឹងបង្កើត</span><br /><span style="color: #000000;">បានជាគ្រឹះមួយដើម្បីបង្កើតប្រព័ន្ធអ៊ីនធឺរណែតដែលគ្របដណ្ដប់ទូទាំងប្រព័ន្ធព្រះអាទិត្យនា</span><br /><span style="color: #000000;">ពេលអនាគត។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/2/internet-02-07-2016--11-45-19.jpg"><span style="color: #000000;"><img src="/FileManager/Articles/mce/2016/7/2/internet-02-07-2016--11-45-19.jpg" alt="" /></span></a></span></p>
<p style="text-align: center;"><span style="color: #000000;">ប្រព័ន្ធទូរគមនាគមន៍រវាងបណ្ដាភពក្នុងប្រព័ន្ធព្រះអាទិត្យ (រូបភាព NASA)</span><br /><br /></p>
<p><span style="color: #000000;">វិធីបញ្ជូនព័ត៌មានថ្មី ត្រូវបានគេហៅថា ប្រព័ន្ធទប់ទល់នឹងការរអាក់រអួល (Disruption Tolerant</span><br /><span style="color: #000000;"> Networking - DTN) ដែលត្រូវបានបន្ថែមពីលើប្រព័ន្ធ TReK (Telescience Resource Kit) របស់</span><br /><span style="color: #000000;"> ISS។ TReK គឺជាប្រព័ន្ធសបវ៉ែរ ដែលអនុញ្ញាតឱ្យអ្នកប្រើប្រាស់ផ្ញើ និងទទួលព័ត៌មានពីមូលដ្ឋាន</span><br /><span style="color: #000000;">នៅលើដី ទៅចំនុចបញ្ជូនសញ្ញានៅ ISS ដែលមានចម្ងាយ ៤០០គីឡូម៉ែត្រពីផែនដី។</span></p>
<p><span style="color: #000000;">នៅលើផែនដី ព័ត៌មានត្រូវបានបញ្ជូនពីកន្លែងមួយទៅកន្លែងមួយ នៅលើប្រព័ន្ធអ៊ីនធឹរណែត </span><br /><span style="color: #000000;">តាមរយៈបណ្ដា node ឬទីតាំងប្រសព្វដើម្បីបញ្ជូន និងទទួលព័ត៌មាន។ វាត្រូវការការតភ្ជាប់ជា</span><br /><span style="color: #000000;">បន្តបន្ទាប់ ក្នុងពេលបញ្ជូន និងទទួលទិន្នន័យ។</span></p>
<p><span style="color: #000000;">ក្នុងអវកាស ការបញ្ជូន និងទទួលទិន្នន័យ អាចនឹងត្រូវរអាក់រអួល ដោយសារតែផ្កាយរណប និង</span><br /><span style="color: #000000;">បណ្ដាភព មានការបម្លាស់ទីជាបន្តបន្ទាប់។ ចំពោះប្រព័ន្ធ DTN បណ្ដាទិន្នន័យនឹងត្រូវបញ្ជូនទៅ</span><br /><span style="color: #000000;">តាមជំហានលោតខ្លីៗរវាងបណ្ដា node ដែលអាចជាផ្កាយរណប ឬមូលដ្ឋានបញ្ជូនបន្ត។ DTN</span><br /><span style="color: #000000;"> រក្សាទុកទិន្នន័យ ហើយវានឹងបញ្ជូនទៅ លុះណាតែ node មួយបានតភ្ជាប់ដោយសុវត្ថិភាពជាមួយ</span><br /><span style="color: #000000;">នឹង node បន្ទាប់។ ដូច្នេះហើយ ទើបវាអាចជួយឱ្យកញ្ចប់ទិន្នន័យមិនត្រូវបាត់បង់ ហើយកំហុស</span><br /><span style="color: #000000;">ឆ្គងក៏កើតឡើងក្នុងកម្រិតទាប។</span></p>
<p><span style="color: #000000;">វិធីបញ្ជូនទិន្នន័យថ្មីនេះ នឹងត្រូវបានគេដំឡើងនៅលើផែនដីក្នុងពេលឆាប់ៗខាងមុខ ពិសេសគឺ</span><br /><span style="color: #000000;">កន្លែងអ៊ីនធឺរណែតមានការរអាក់រអួល ដូចជាតំបន់មានព្យុះភ្លៀង។ល។ ហើយមិនយូរប៉ុន្មាននោះ</span><br /><span style="color: #000000;">ទេ ប្រព័ន្ធនេះនឹងត្រូវបានបំពាក់នៅលើបណ្ដាភពក្នុងប្រព័ន្ធព្រះអាទិត្យ។</span></p>
<p style="text-align: center;"><span style="color: #000000;"><object width="430" height="369" data="http://www.youtube.com/v/0gCMIiJdYPQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/0gCMIiJdYPQ&rel=1" /></object></span></p>
<p style="text-align: center;"><span style="color: #000000;">វិធីដំណើរការរបស់ប្រព័ន្ធថ្មី ដែលហៅថា Disruption Tolerant Networking </span><br /><br /></p>
<p><span style="color: #000000;">Vinton Gray Cerf អគ្គនាយករងរបស់ Google បានឱ្យដឹងថា ៖ “បទពិសោធរបស់យើងខ្ញុំជាមួយ</span><br /><span style="color: #000000;">ប្រព័ន្ធ DTN នៅលើស្ថនិយអវកាសអន្តរជាតិ គឺនាំឱ្យមានការប្រើប្រាស់ផ្សេងៗនៅលើផែនដី</span><br /><span style="color: #000000;"> ពិសេសគឺការបញ្ជូនព័ត៌មានបែបចល័ត ក្នុងនោះ បណ្ដាតំណភ្ជាប់ អាចនឹងមិនមានស្ថេរភាព និង</span><br /><span style="color: #000000;">ខ្វះខាតជាបន្តបន្ទាប់”។</span></p>
<p style="text-align: right;"><span style="color: #000000;">ប្រែសម្រួល ៖ តារា</span></p>