<p><span style="color: #000000;"><strong>(ភ្នំពេញ)៖</strong> តារាសម្តែងកញ្ញា សារាយ ព្រះកាយច័ន្ទ ខណៈដែលគ្រួសារកំពុងតែមានទុក្ខសោកជាទម្ងន់ ព្រោះត្រូវបានបាត់បង់អ្នកម្តាយ និងលោកយាយជាទីស្រឡាញ់ មិនទាន់តែរលត់ផុតពីទ្រូង បានប៉ុន្មានថ្ងៃផង ស្រាប់តែមានការរិះគន់ជាច្រើន បានបាញ់ចាក់ស្រោច មកលើតារាស្រីរូបនេះ ជុំវិញការទទួលសម្តែងរឿង «ផ្កាយព្រឹក» ដោយភ្ជាប់បញ្ហា ដែលលោកយាយរបស់នាងស្លាប់នោះ ទៅជាមួយនឹងការត្រូវបណ្តាសាររបស់មហាជន ពោលមានន័យថា មកពីនាងទទួលថតរឿងនាង «ផ្កាយព្រឹក» ដែលមហាជនហាក់មិនសូវ ពេញចិត្តនឹងតួសម្ដែងឈ្មោះនេះ តាំងពីយូរមកហើយ ស្របពេលមានទុក្ខព្រួយក្នុងគ្រួសារបែបនេះ ទើបអ្នករិះគន់ទាញភ្ជាប់តែម្ដង។</span></p>
<p><span style="color: #000000;">ឆ្លើយតបនឹងការរិះគន់ ដែលគេបានលើកឡើងថា ការស្លាប់យាយរបស់នាងពេលនេះ ព្រោះជាការនាំស៊យ តាមរយៈការសម្តែងខ្សែភាពយន្ត ដែលចំឡងពីថៃ គឺរឿង «ផ្កាយព្រឹក»នោះ កញ្ញា សារាយ ព្រះកាយច័ន្ទ បាននិយាយថា «ខ្ញុំសុំប្រាប់ទៅអ្នកទើសទាំងឡាយ បើទើសណាស់ ទប់មិនបានជិតផុតហើយជេរខ្ញុំមក ខ្ញុំនឹងញញឹមទទួល តែបើខ្ញុំឃើញអ្នកណាម្នាក់ជេរដល់ម៉ែឪខ្ញុំ សពយាយខ្ញុំ កុំថាខ្ញុំមិនបានប្រាប់ណា ខ្ញុំក៏មិនទុកឲ្យអ្នកឯង នៅស្រួលដែរ គិតមើលផងណាយើង មានម៉ែឪ ហើយយាយតាដូចគ្នា បើគេជេរពួកគាត់ដែរ ជាមនុស្សមិនដឹងអី យើងអង្គុយញញឹមស្តាប់គេមែនទេ ជេរខ្ញុំ ខ្ញុំញញឹមឲ្យជេរណា តែបើជេរម៉ែឪយាយខ្ញុំ ខ្ញុំក៏បកទៅវិញដែរ!»។</span></p>
<p><span style="color: #000000;">ជាមួយគ្នានេះដែរ នៅលើ Page សិល្បកររបស់ លោក អ៉ឹម ជីវ៉ា ក៏បានសរសេរប្រតិកម្ម ទៅលើការរិះគន់នេះដែរថា «សូមមេត្តាកុំយកបុណ្យសព លោកយាយរបស់តារាសម្តែង កញ្ញា ព្រះកាយច័ន្ទ មកជេរប្រទេចដាក់បណ្តាសារ ក្នុងការដែលកញ្ញាថតរឿង ផ្កាយព្រឹក អី! សូមកុំយកការងារបូកបញ្ចូល ជាមួយរឿងផ្ទាល់ខ្លួន ជាពិសេសបុណ្យសព របស់លោកយាយនាង ដែលទើបតែទទួលមរណភាពថ្មីៗ នេះ នៅឃុំឈើទាលស្រុកឃៀនស្វាយ ហើយបុណ្យ៧ថ្ងៃ និងធ្វើនៅថ្ងៃសៅរ៍ទី ២៦ ឆ្នាំ ២០១៦ ហើយបើបងប្អូនបញ្ចេញមតិយោបល់ ដាក់បណ្តាសារបែបនេះ វាហាក់បីដូចអាក្រក់មើលពេក ក្នុងនាមយើងទាំងអស់គ្នា៩០% ដែលកាន់នូវព្រះពុទ្ធសាសនា!»។</span></p>
<p><span style="color: #000000;">លោក អ៉ឹម ជីវ៉ា បានបន្តថា «ខ្ញុំបាទសូមសំណូមពរ ក្នុងនាមខ្ញុំបាទជាក្រុមប្រឹក្សាភិបាល សមាគមសិល្បករខ្មែរ និងជាសិល្បករម្នាក់ សូមពុកម៉ែបងប្អូន មិត្ត Facebook មេត្តាដោយអនុគ្រោះ ចំពោះការបញ្ចេញមតិយោបល់ ដោយពាក្យសម្តីណាមួយ ដែលមិនគួរគប្បី ចំពោះពិធីបុណ្យសពលោកយាយ របស់តារាសម្តែង ព្រះកាយច័ន្ទ។ បើបងប្អូនមិនបែងចែកឲ្យច្បាស់លាស់នោះទេ គឺអ្នកត្រូវចាំតែខុស អ្នកខុសអង្គុយសើច មានន័យថា ពេលនេះលោកយាយគាត់ ទទួលមរណភាព ដោយវ័យចាស់ជរា មិនមែនដោយសារតែលោកអ្នក ដាក់បណ្តាសារឡើយ ហើយក៏មិនមែនដោយសារតែ ព្រះកាយច័ន្ទ ទៅថតរឿងនាងផ្កាយព្រឹក បានលោកយាយស្លាប់នោះទេ កើតចាស់ឈឺស្លាប់ ជារឿងធម្មជាតិ គ្មានអ្នកណាមួយដែលចង់ស្លាប់នោះទេ រូបំ ទុក្ខំ អនិ្ចចាំ អនត្តា មានរូបមានទុក្ខ !» ។</span></p>
<p><span style="color: #000000;">តារាប្រុសលោក អ៉ឹម ជីវ៉ា ក៏បានលើកឡើងទៀតថា «ខ្ញុំមិនចង់បញ្ចេញមតិយោបល់ រឿងនាងផ្កាយព្រឹកទេ តែពេលនេះសុំបញ្ចេញមតិយោបល់បន្តិច ខ្ញុំចង់សួរថា បងប្អូនមិត្ត Facebook ថា តើរឿងផ្កាយព្រឹក ដែលថតនៅទូរទស្សន៍មួយ នៅស្រុកខ្មែរ គួរស្តីបន្ទោសតែលើ កញ្ញា ព្រះកាយច័ន្ទ តែម្នាក់ឯងសមទេ ?? តើអ្នកណា ជាអ្នកដឹកនាំរឿងនេះ ចូលមកស្រុកខ្មែរឲ្យថតផលិត?? តើក្រសួងណា ជាអ្នកអនុញ្ញាតឲ្យថត បើដឹងថារឿងនាងផ្កាយព្រឹកនេះ ជាចំណុចរសើប កាលពី១០ឆ្នាំមុន ធ្វើឲ្យប្រទេសជាតិបាត់បង់ថវិការដ្ឋអស់ប៉ុន្មាន លានដុល្លារ? កាលនោះតើពលករខ្មែរ ដែលទៅរស់នៅថៃ និងក្រុមហ៊ុនថៃ នៅស្រុកខ្មែរ តើប្រជាជនយើងបាត់បង់ការងារ ប៉ុន្មានម៉ឺននាក់? សូមបងប្អូនមេត្តាពិចារណារឲ្យបានច្បាស់ផង!»។</span></p>
<p><span style="color: #000000;">លោក អ៉ឹម ជីវ៉ា បាននិយាយទៀតថា «សួរថាតើ ព្រះកាយច័ន្ទ ហ៊ានចំណាយលុយថតដោយខ្លួនឯងមែនទេ ព្រះកាយច័ន្ទ គ្រាន់តែជាតារាសម្តែងម្នាក់ ដែលត្រូវបានគេហៅមកថតតែប៉ុណ្ណោះ ព្រោះមុននឹងនាងមកថត នាងដឹងហើយថា រឿងនេះមានការអនុញ្ញាត ពីក្រសួងពាក់ព័ន្ធហើយ បាននាងហ៊ានទទួលនោះ បើរឿងនេះថតហើយ ឲ្យនាងទៅជាប់គុក តើមានតារាសម្តែងល្បីណាមួយ ហ៊ានទៅសម្តែង កុំថាឡើយតារាខ្មែរតារាបរទេស ក៏ពួកគេមិនហ៊ានដែរ.. ហើយបើក្រសួងគេបិទ ការថតរឿងផ្កាយព្រឹកនេះ តារា ព្រះកាយច័ន្ទ ក៏មិនហ៊ានសម្តែងដែរ ឬតវ៉ាដែរ!»។</span></p>
<p><span style="color: #000000;">«បងប្អូនមិត្ត Facebook គួរយោគយល់ ដល់សិល្បករខ្មែរផង ជីវភាព វាមិនមានបានច្រើន ដូចតារាបរទេសទេ ដោយសារប្រទេសយើង ជាប្រទេសកំពុងអភិវឌ្ឍន៍ តារាយើងឲ្យតែស្ថានីយទូរទស្សន៍ហៅឡើងច្រៀង ហៅថតនិងគ្នាសប្បាយចិត្តណាស់ ទៅហើយ ចុះទម្រាំបានតួឯកទៀត តើអ្នកណាចង់បាត់បង់ ឱកាសល្អនេះ។ សរុបមកបងប្អូនមិត្ត Facebook បើមិនពេញចិត្តរឿងនាង ផ្កាយព្រឹក នេះយើងអាចសរសេរជាលិខិត ជាក់លាក់ណាមួយសំណូមពរដល់ថ្នាក់ដឹកនាំក្រសួង ដែលពាក់ជាអ្នកពិចារណា វិនិឆ្ឆ័យសម្រេចលើរឿងនាងផ្កាយព្រឹកនេះ ថាគួរឲ្យថត ឬមិនឲ្យថតដើម្បីឲ្យអស់ចិត្ត!» លោក អ៉ឹម ជីវ៉ា បញ្ជាក់បន្ថែម៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-25-15-39-11-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-25-15-39-11-1.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15192594_1657184254307878_7925326113865202566_n.jpg?oh=493efe263c9a13d9a58d1d2f2e626fe4&oe=58CEC433" alt="" width="730" /></span></p>
<p><span style="color: #000000;"><img src="https://fb-s-c-a.akamaihd.net/h-ak-xpt1/v/t1.0-9/15109575_1657184310974539_7810453077789098320_n.jpg?oh=406062e03eebcaf626003f6cf0db0b44&oe=58AF97CE&__gda__=1489672793_6b56a8d04567029de3a55bf0012f4b47" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15181443_1657184257641211_2843580046791274653_n.jpg?oh=5738550a76cb10534287b9641a65257b&oe=58BD296B" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15181391_1657184250974545_2465011640839869056_n.jpg?oh=44c1f761cb2b5c752b11dd46016e595c&oe=58BEE2EA" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>