<p><span style="color: #000000;"><strong>(ភ្នំពេញ)៖</strong> មន្រ្តីកងរាជអាវុធហត្ថ រាជធានីភ្នំពេញ បានឲ្យដឹងថា បន្ទាប់ពីបញ្ជូនមេក្លោងចោរលួចប្លន់ម្នាក់ទៅតុលាការកាលពីសប្តាហ៍មុន ព្រមទាំងដកហូតម៉ូតូបាន០៩គ្រឿងផងដែរនោះ នៅសប្តាហ៍នេះម៉ូតូ០៧គ្រឿងត្រូវបានដកហូតបន្ថែម រួមជាមួយជនសង្ស័យចំនួន០៣នាក់ ដែលម្នាក់ជាចោរលួច និង០២នាក់ទៀតជាអ្នកទទួលទិញផលចោរកម្មដែលបានមកពីអំពើលួច និងប្លន់ ត្រូវបានសមត្ថកិច្ចអាវុធហត្ថរាជធានីភ្នំពេញ បង្ក្រាបបានជាបន្តបន្ទាប់។</span></p>
<p><span style="color: #000000;">ជាក់ស្តែងក្រោយពេលសមត្ថកិច្ចជំនាញការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ បានទទួលជនសង្ស័យ០១នាក់ឈ្មោះ សែន ចាន់បុត្រ ហៅ ប៊យ ពីមូលដ្ឋានអាវុធហត្ថខណ្ឌមានជ័យ កាលពីថ្ងៃទី២៨ ខែធ្នូ ឆ្នាំ២០១៥ ក្នុងអំពើលួច ដោយគាស់ទ្វាររបងផ្ទះចូលកាច់កម៉ូតូមួយគ្រឿងមកនោះ សមត្ថកិច្ចជំនាញអាវុធហត្ថរាជធានីភ្នំពេញ បានបើកការស្រាវជ្រាវបន្តតាមចាប់បក្សពួក ដែលជាប់ពាក់ព័ន្ធលើករណីខាងលើនេះ០២នាក់បន្ថែមទៀត មានឈ្មោះ កោះ វិបុល ហៅ ឡូតូ និង ឈ្មោះ ហៀក ស៊ីថេត ហៅ ប្រុក ដែលជាអ្នកទទួលទិញម៉ូតូបានមកពីអំពើ លួច និងប្លន់គ្រប់ប្រភេទ ។</span></p>
<p><span style="color: #000000;">តាមចម្លើយសារភាពរបស់ជនសង្ស័យឈ្មោះ សែន ចាន់បុត្រ ហៅ ប៊យ បានឲ្យដឹងថា កាលពីថ្ងៃទី២៥ ខែធ្នូ ឆ្នាំ២០១៥ ខ្លួននិងគូរកន០២នាក់ទៀត ពិតជាបានធ្វើសកម្មភាពលួចយកម៉ូតូ០១គ្រឿងម៉ាកហុងដាឌ្រីម សេ១២៥ ពណ៌ខ្មៅ សេរីឆ្នាំ២០១៤ មិនចាំស្លាកលេខ នៅចំណុចម្តុំចាក់សំរាមចាស់ សង្កាត់ស្ទឹងមានជ័យ ខណ្ឌមានជ័យ ប្រាកដមែន ដោយពួកខ្លួនបានជិះម៉ូតូនោះមកលក់ឲ្យឈ្មោះ ឡូតូ និង ឈ្មោះ ប្រុក ក្នុងតម្លៃ៣៥០ដុល្លារ។</span></p>
<p><span style="color: #000000;">រីឯជនសង្ស័យឈ្មោះ ឡូតូ និង ឈ្មោះ ប្រុក បានឲ្យដឹងថា កាលពីថ្ងៃទី២៥ ខែធ្នូ ឆ្នាំ២០១៥ ពួកខ្លួនពិតជាបានទិញម៉ូតូមួយគ្រឿងពីឈ្មោះ ប៊យ ពិតប្រាកដមែន ហើយថែមទាំងដឹងថាម៉ូតូនោះគឺជាម៉ូតូដែលគេលួចបានផងដែរ ម្យ៉ាងទៀតកន្លងមកខ្លួនបានទិញម៉ូតូគ្រប់ម៉ាក គ្រប់ប្រភេទ ទោះបីម៉ូតូនោះគ្មានពន្ធ ឬដឹងថាជាម៉ូតូចោរក៏ដោយ។</span></p>
<p><span style="color: #000000;">ទន្ទឹមនឹងនេះសមត្ថកិច្ចកងរាជអាវុធហត្ថរាជធានីភ្នំពេញបានដកហូតម៉ូតូ៧គ្រឿងដែលជាប់ពាក់ព័ន្ធនឹងអំពើលួច ប្លន់ ផងដែរ រួមមាន៖ ១ ម៉ាកហុងដា ពណ៌ខ្មៅ សេរីឆ្នាំ២០១៤ គ្មានស្លាកលេខ, ២ម៉ាកឃ្លីក ពណ៌ខ្មៅ គ្មានស្លាកលេខ, ៣ ម៉ាកឃ្លីក ពណ៌សគ្មានស្លាកលេខ, ៤ ម៉ាកឃ្លីក ពណ៌ក្រហម ស្លាកលេខ តាកែវ 1D-8803, ៥ ម៉ាកឃ្លីក ពណ៌ស ខ្មៅ គ្មានស្លាកលេខ, ៦ ម៉ូតូវីវ៉ា ពណ៌ខ្មៅ ស្លាកលេខ បាត់ដំបង 1F-7878, ៧ ម៉ាកឃ្លីក ពណ៌ខ្មៅ គ្មានស្លាកលេខ។</span></p>
<p><span style="color: #000000;">បច្ចុប្បន្នជនសង្ស័យទាំង៣នាក់ ត្រូវបានកងរាជអាវុធហត្ថរាជធានីភ្នំពេញ កសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធីច្បាប់។ រីឯម៉ូតូដែលដកហូតបានសមត្ថកិច្ចកងរាជអាវុធហត្ថរាជធានីភ្នំពេញ សូមអំពាវនាវដល់ប្រជាពលរដ្ឋដែលធ្លាប់បានចោរលួច និងប្លន់កន្លងមក សូមមេត្តាយកឯកសារមកផ្ទៀងផ្ទាត់ដើម្បីទទួលយកម៉ូតូត្រឡប់ទៅវិញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/31/12-31-2015-8-44-31-am-31-12-2015--08-52-10.png"><span style="color: #000000;"><img src="/FileManager/Articles/mce/2015/12/31/12-31-2015-8-44-31-am-31-12-2015--08-52-10.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/31/12-31-2015-8-44-48-am-31-12-2015--08-52-20.png"><span style="color: #000000;"><img src="/FileManager/Articles/mce/2015/12/31/12-31-2015-8-44-48-am-31-12-2015--08-52-20.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/31/12-31-2015-8-45-02-am-31-12-2015--08-52-28.png"><span style="color: #000000;"><img src="/FileManager/Articles/mce/2015/12/31/12-31-2015-8-45-02-am-31-12-2015--08-52-28.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>