<div class="article-content">
<p><strong>ភ្នំពេញៈ</strong> និស្សិតពេទ្យឆ្នាំទី២ នៃសាកលវិទ្យា ល័យសុខាភិបាល បានរងនូវគ្រាប់កាំភ្លើងចំនួន<br />៣គ្រាប់ បណ្តាលឲ្យ ស្លាប់ភ្លាមៗនៅនិងកន្លែងកើតហេតុ ក្នុងសកម្មភាពប្លន់ប្រដាប់អាវុធ ប៉ង<br />យកម៉ូតូអាយខុន នាវេលាម៉ោង ១២ និង៣៥នាទីយប់ រំលងអាធ្រាត្រឈានចូលថ្ងៃទី២៤ ខែ<br />មករា ឆ្នាំ២០១៣ នៅតាមបណ្តោយផ្លូវ២០០៤ សង្កាត់ទឹកថ្លា ខណ្ឌសែន សុខ។</p>
<p>យោងតាមប្រភពពីសមត្ថកិច្ចមូលដ្ឋាន បានប្រាប់ឲ្យដឹងថា ជនរងគ្រោះ ពង្ស ចាន់ធា អាយុ ២៣<br />ឆ្នាំ ជានិស្សិត ពេទ្យឆ្នាំទី២ ត្រូវជនសង្ស័យមានគ្នា២នាក់ បានបាញ់ស្រោចចំនួន ៣គ្រាប់ ចំត្រង់<br />ភ្លៅ ចង្កេះ និងស្មា បណ្តាល ឲ្យស្លាប់ភ្លាមៗនៅនិងកន្លែងកើតហេតុ។ សមត្ថកិច្ចបានបន្តថា សកម្ម<br />ភាពបាញ់ប្លន់នេះ ក្រុមជនសង្ស័យប៉ងប្លន់ យកម៉ូតូជនរងគ្រោះ ម៉ាក អាយខុនមួយគ្រឿង តែយក<br />មិនបានសម្រេចនោះទេ ព្រោះខណៈធ្វើសកម្មភាពនោះ ស្រាប់តែមានរថយន្តមួយគ្រឿង បានបើក<br />មកដល់ហើយក្រុមជនសង្ស័យ ក៏នាំគ្នាជិះម៉ូតូរត់គេចខ្លួនបាត់អស់ទៅ។</p>
<p>លោក សុង ឈុនលី ជាមិត្តភក្តិជនរងគ្រោះបានឲ្យដឹងថា នៅមុនពេលកើតហេតុជនរងគ្រោះ រួម<br />និងមិត្តភក្តិមួយ ចំនួនទៀត បាននាំគ្នាទៅច្រៀងខារ៉ាអូខេ ក្រោយពីពេលច្រៀងហើយនោះ ខ្វះ<br />លុយចំនួន ៥០ដុល្លារឲ្យគេ ជនរង គ្រោះ ក៏បានជិះម៉ូតូយកទូរស័ព្ទរបស់ខ្លួនទៅបញ្ចាំយកលុយឲ្យ<br />ថ្លៃខារ៉ាអូខេ។ លុះពេលជិះម៉ូតូត្រឡប់មកវិញ ដល់ កន្លែងស្ងាត់ ខណៈជនរងគ្រោះចុះបត់ជើងតូច<br /> ស្រាប់តែក្រុមជនសង្ស័យបានជិះម៉ូតូមកដល់ ហើយបាញ់លើជន រងគ្រោះ បណ្តាលឲ្យស្លាប់ភ្លាមៗ<br />មួយរំពេច។</p>
<p>សមត្ថកិច្ចបានឲ្យដឹងថា សពជនរងគ្រោះត្រូវបានយកទៅតម្កល់ទុកនៅវត្តទឹកថ្លា រង់ចាំសាច់ញាតិ<br />មកទទួលយក ទៅធ្វើបុណ្យតាមប្រពៃណី។ រីឯម៉ូតូជនរងគ្រោះ ត្រូវបានយកទៅរក្សាទុកនៅអធិការ<br />ដ្ឋាននគរបាលខណ្ឌសែន សុខ។</p>
<p>ដោយឡែកក្រុមជនសង្ស័យសមត្ថកិច្ចមិនទាន់បានកំណត់អត្តសញ្ញាណនៅឡើយទេ តែទោះជាយ៉ាង<br />ណា គេរំពឹង ថា កម្លាំងនគរបាលក្នុងរាជធានីភ្នំពេញ ដឹកនាំដោយលោកស្នងការផ្កាយ៣ ជួន សុវណ្ណ<br /> នឹងបញ្ចេញនូវជំនាញ របស់ខ្លួន វែកមុខជនល្មើសមកផ្តន្ទាទោសទៅតាមផ្លូវច្បាប់៕</p>
<p><a class="thickbox" title="" href="/FileManager/Commons/2013/1/24/st-167-24-01-2013--08-44-11.jpg"><img src="/FileManager/Articles/mce/2013/1/24/st-167-24-01-2013--08-44-11.jpg" alt="" /></a></p>
<p><a class="thickbox" title="" href="/FileManager/Commons/2013/1/24/st-168-24-01-2013--08-44-31.jpg"><img src="/FileManager/Articles/mce/2013/1/24/st-168-24-01-2013--08-44-31.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>