<p><span style="color: #000000;"><strong>(ភ្នំពេញ)៖</strong> ខណៈដែលពិធីបុណ្យខួប គំរប់៧ថ្ងៃរបស់សព អតីតតារាសម្តែង និងចម្រៀងរបស់ផលិតកម្មក្លាស៊ីក លោក រាជ បូរី កាន់តែកៀកចូលមកដល់ នាថ្ងៃទី២១ខែមេសា ឆ្នាំ២០១៦ស្អែកនេះ គេសង្កេតឃើញ មានវត្តមានតារាស្រី-ប្រុសរបស់ខ្មែរ មួយចំនួនបានធ្វើការសរសេរបង្ហោះ ប្រកូកប្រកាស ប្រាប់ពីដំណឹង ព្រមអំពាវនាវស្នើឲ្យអ្នកសិល្បៈ រួមអាជីពទៅចូលរួម នៅក្នុងកម្មវិធីបុណ្យសព អតីតតារាប្រុសខាងលើ ឲ្យបានច្រើនកុះករ។</span></p>
<p><span style="color: #000000;">ទន្ទឹមនឹងគ្នានេះដែរ តារាសម្តែងស្រីជាប់ងារ ជាកំពូលតារាសិចស៊ី ប្រចាំឆ្នាំ កញ្ញា ដេននី ខ្វាន់ នៅលើបណ្តាញសង្គម ហ្វេសប៊ុករបស់នាង ក៏ត្រូវបានគេសង្កេតឃើញមានសរសេរ បង្ហាញពីអារម្មណ៍ សោកស្តាយ និងបានប្រកូកប្រកាស ដល់សិល្បករ-សិល្បការិនីទាំងអស់ ទៅចូលរួមក្នុងកម្មវិធីនេះផងដែរ ដោយនាងលើកឡើងថា «សូមចូលរួមរំលែកទុក្ខផង...។ សូមទោស ខ្ញុំចង់និយាយរឿងមួយ គឺខ្ញុំឆ្ងល់ណាស់ម៉េចស្រុកខ្មែរយើង មិនសូវគាំទ្រសិល្បៈគ្នាឯងអ៉ីចឹង..!»។</span></p>
<p><span style="color: #000000;">តារាសម្តែង និយមស្លៀកពាក់សិចស៊ី ខើចលើខើចក្រោមនាង ដេននី ខ្វាន់ បានបន្តថា «ហេតុអ្វីពេលតារាថៃស្លាប់ ម្នាក់ៗដាក់រូបកាន់ទុក្ខនឹង Share ស្ទើរពេញ ប្រទេស តែដល់ពេលតារាប្រចាំប្រទេស(ប្រទេសខ្លួនឯង)ស្លាប់វិញ បែរជាគ្មានអ្នកអើពើ ឬខ្វល់ខ្វាយបន្តិចសោះ សូម្បីតែទៅចូលរួមរំលែកទុក្ខ ក៏មិនទៅដែរ ខ្ញុំខ្មាសគេជំនួស ព្រោះអត់មានឃើញថៃណា មកចូលរួមរំលែកទុក្ខ ឬ Shareដូចដែលខ្មែរយើង បានធ្វើផង...ហើយម្នាក់ៗតែងតែនិយាយថា ខ្ញុំខែ្មរស្រឡាញ់ខ្មែរ ប៉ុន្តែមិនដែលធ្វើបានដូចសម្តីទេ.!»។</span></p>
<p><span style="color: #000000;">ដេននី ខ្វាន់បន្តទៀតថា «និយាយត្រង់ចុះ ខ្ញុំស្រឡាញ់នឹងគាំទ្រ សិល្បៈខ្មែរណាស់ គឺមិនថា តារាសម្តែងឬចម្រៀង..ខ្មែរអើយល្មមភ្ញាក់ខ្លួនហើយ កុំងប់ងល់នឹងតារាស្រុកគេពេក ខ្ញុំនិយាយនេះ មិនមែនហាមមិនឲ្យគាំទ្រសិល្បៈស្រុកគេទេ តែគ្រាន់តែចង់ដាស់តឿន អ្នកងប់ងល់មួយចំនួន តែប៉ណ្ណោះ ព្រោះថៃវាមិនដែលមកខ្វល់ខ្វាយ នឹងខ្មែរយើងទេ..»។</span></p>
<p><span style="color: #000000;">យ៉ាងណាមិញ បន្ទាប់ពីឃើញការបង្ហោះសារបែបនេះ ពីសំណាក់តារាសម្តែង នាង ដេននី ខ្វាន់ ភ្លាមៗនោះ គេសង្កេតឃើញតារាសម្តែង នាងសូ ដានីតា បានចេញមុខ ប្រតិកម្មឆ្លើយតបចំពោះការ លើកឡើងនោះថា «គំនិតខុសទាំងស្រុងម្នាក់ៗ គេជាប់នៅស្រុក ហើយកៀកនឹងចូលឆ្នាំទៀត យើងខ្ញុំបាននិយាយគ្នាហើយ នឹងទៅចូលរួម បុណ្យ៧ថ្ងៃ សូមកុំគិតច្រើនពេក គិតត្រូវមិនអីទេ នេះគិតខុសស្រឡះ យើងខ្ញុំក៏មានបេះដូងដែរ»។</span></p>
<p><span style="color: #000000;">សូមបញ្ជាក់ថា តារាចម្រៀងប្រុសរបស់ផលិតកម្មក្លាស៊ីក លោក រាជ បុរី បានទទួលមរណភាព កាលពីថ្ងៃទី១៦ ខែមេសា ឆ្នាំ២០១៦ដោយសារហេតុការណ៍គ្រោះថ្នាក់ ក្រឡាប់រថយន្តនៅប៉ោយប៉ែត បន្ទាប់ពីរូបលោក និងតារាប្រុស-ស្រីប្រមាណ៣នាកផ្សេងទៀត ធ្វើដំណើរត្រឡប់មកពីកន្សាន្ត នៅប្រទេសថៃ។ បើតាមប្រភពពីអ្នកសិល្បៈ រួមអាជីពជាមួយពិធីបុណ្យខួបគំរប់៧ ថ្ងៃរបស់លោក រាជ បុរី ត្រូវប្រារព្ធធ្វើឡើង នាថ្ងៃទី២១ ខែមេសា ឆ្នាំ២០១៦ខាងមុខនេះ នៅបរិវេណ វត្តចាក់អង្រែក្រោម៕</span></p>
<p><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfp1/v/t1.0-9/13006455_2025768794315129_2046149489905008406_n.jpg?oh=43c1d3f2839862411c0d7eb7245a503c&oe=57AAC8F5&__gda__=1470600101_f4360a0887183602482bfef5b0ed810d" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xat1/v/t1.0-9/12923233_2015706028654739_927664250481910964_n.jpg?oh=655d5d7125f4bb5801e95e9617d6f25c&oe=57752DA6" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13015403_1736594623228717_1442803237697372870_n.jpg?oh=4ee0c8c88e48fc783edd9219502acc52&oe=57B6EADC" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xap1/v/t1.0-9/13055601_1735744943313685_4867828909668487117_n.jpg?oh=faea86d1bf591b9288e8e5024da13bf5&oe=57ADB737&__gda__=1471502606_867858d479d1d8995f7da082bb346269" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/12985627_1735094443378735_7633301676261225555_n.jpg?oh=5372f2ba76cdcb84fbfa1de7b1f3bdee&oe=57BB28F0" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>