<p>គម្រោងនេះ នឹងត្រូវចំណាយពេល ១០ឆ្នាំ ក្នុងការសាងសង់ ដោយប្រើថវិកាប្រហែល ពី ១០ ទៅ<br /> ១៥ពាន់លានដុល្លារអាមេរិក។</p>
<p>ការបង្កើតប្រព័ន្ធ WiFi ពីផែនដី ទៅភពអង្គារ គឺជាគម្រោងដ៏អស្ចារ្យមួយដែលលើកឡើងដោយ<br />មហាសេដ្ឋីវ័យក្មេង Elon Musk ដែលលោក ត្រូវបានគេដឹងថា ជាមនុស្សម្នាក់ ហ៊ានគិតហ៊ានធ្វើ នូវគម្រោងដែលមានវិសាលភាពលំដាប់ពិភពលោក និងក្រៅពិភពលោក។ ជាក់ស្ដែងដូចជា <br />គម្រោង SpaceX ឬក្រុមហ៊ុនរថយន្ដ Tesla របស់លោក បានទទួលជោគជ័យគួរឱ្យកត់សម្គាល់ <br />និងមានឥទ្ធិពលខ្លាំងក្លា សម្រាប់មនុស្សជាតិ។</p>
<p style="text-align: center;"><a class="thickbox" title="" href="/FileManager/Commons/2015/1/19/muska-19-01-2015--13-15-55.jpg"><img src="/FileManager/Articles/mce/2015/1/19/muska-19-01-2015--13-15-55.jpg" alt="" /></a></p>
<p style="text-align: center;">មហាសេដ្ឋី Elon Musk ជាអ្នកនាំមុខគេ ក្នុងវិស័យអវកាស<br /><br /></p>
<p>បច្ចុប្បន្ន មហាសេដ្ឋីខាងលើ រួមនឹងសហការីរបស់ខ្លួន បានបង្កើតគម្រោងខាងលើនេះ ហើយតាម<br />ផែនការ គម្រោងនេះនឹងស៊ីពេល ៥ឆ្នាំក្នុងការសាងសង់ប្រព័ន្ធ ហើយសម្រេចជាស្ថាពរ ក្នុងអំឡុង<br /> ១០ឆ្នាំបន្តទៀត។ ប្រាក់ចំណាយសរុបសម្រាប់គម្រោងនេះ គឺប្រមាណពី ១០ ទៅ ១៥ពាន់លាន<br />ដុល្លារអាមេរិក បន្ទាប់មក ប្រាក់ចំណេញទាំងអស់នឹងត្រូវបានប្រើប្រាស់សម្រាប់បេសកកម្មរុករក<br />នៅលើភពព្រះអង្គារ។</p>
<p>តាមគម្រោងការ ក្រុមរបស់មហាសេដ្ឋី Elon Musk នឹងបាញ់បង្ហោះផ្កាយរណបចំនួនរាប់រយ ទៅ<br />ក្នុងគន្លងគោចរ ដែលមានកំពស់ ប្រហែល ១.២០០គីឡូម៉ែត្រ ជុំវិញផែនដី ទាបជាងបើធៀបនឹង<br /> ៣៥.៤០០គីឡូម៉ែត្រ របស់បណ្ដាផ្កាយរណបទូរគមនាគមន៍បច្ចុប្បន្ន។</p>
<p style="text-align: center;"><a class="thickbox" title="" href="/FileManager/Commons/2015/1/19/musk2504572b-19-01-2015--13-18-01.jpg"><img src="/FileManager/Articles/mce/2015/1/19/musk2504572b-19-01-2015--13-18-01.jpg" alt="" /></a></p>
<p style="text-align: center;">ម្ចាស់ក្រុមហ៊ុនអវកាស SpaceX គឺជាមនុស្សហ៊ានគិតហ៊ានធ្វើ<br /><br /></p>
<p>ការបង្កើតប្រព័ន្ធអ៊ីនធឺរណែតដែលមានកម្រិតវិសាលភាពធំទូលាយបែបនេះ នឹងនាំមកនូវល្បឿន<br />លឿនសម្រាប់ការបញ្ជូន និងទទួលទិន្នន័យរបស់អ្នកប្រើប្រាស់ប្រមាណជា ៣ពាន់លាននាក់ នៅ<br />លើពិភពលោក និងនៅលើភពអង្គារ។</p>
<p>មហាសេដ្ឋី Elon Musk ថ្លែងថា “ការបង្កើតប្រព័ន្ធទំនាក់ទំនងនៅលើភពព្រះអង្គារ គឺជារឿងដ៏<br />សំខាន់។ ខ្ញុំគិតថា វាគួរតែត្រូវបានគេអនុវត្ត ហើយខ្ញុំក៏មិនទាន់ឃើញមានអ្នកណាម្នាក់ ធ្វើរឿង<br />នេះ”។</p>
<p style="text-align: center;"><a class="thickbox" title="" href="/FileManager/Commons/2015/1/19/musk3-19-01-2015--13-21-25.jpg"><img src="/FileManager/Articles/mce/2015/1/19/musk3-19-01-2015--13-21-25.jpg" alt="" /></a></p>
<p style="text-align: center;">Google ក៏ធ្លាប់បាន និងកំពុងអនុវត្តគម្រោងអ៊ិនធឺរណែតដ៏អស្ចារ្យមួយ ប៉ុន្ដែ វាមានកំណត់ត្រឹម<br />នៅលើផែនដី<br /><br /></p>
<p>គួររំលឹកថា មុននេះ Google ក៏ធ្លាប់បានប្រកាសអំពីគម្រោង គ្របដណ្ដប់អ៊ីនធឺរណែត នៅទូទាំង<br />ពិភពលោក ដោយប្រើបាល់ឡុងហោះដែលប្រើប្រាស់ថាមពលព្រះអាទិត្យ ប៉ុន្ដែ គម្រោងនេះ មាន<br />កំណត់ត្រឹមតែនៅលើផែនដី។ ពេលនេះ ការប្រកាសរបស់មហាសេដ្ឋី Elon Musk ត្រូវបានគេយល់<br />ថា ជាគម្រោងដ៏អស្ចារ្យជាងគេ នៅពេលអ៊ីនធឺរណែត ត្រូវបានពង្រីកទៅក្នុងអវកាស និងភពព្រះ<br />អង្គារ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ businessweek<br /><br /></p>