<p>ម្សៅទ្រនាប់ និងម្សៅផាត់ គឺជំហានទាំងពីរសំខាន់ក្នុងការផាត់មុខប្រចាំថ្ងៃ ប៉ុន្ដែ មិនប្រាកដថា អ្នកបានយល់ច្បាស់ និងត្រឹមត្រូវអំពីវា។<br /><br />ម្សៅទ្រនាប់ តាមពិតគឺជាប្រភេទក្រែមបំប៉នធម្មតា ម្សៅទ្រនាប់ តែងបង្កើតជាស្រទាប់ស្ដើង ថ្លាមួយ នៅលើស្បែក វាគ្រាន់តែមានបន្ថែមពន្លឺពណ៌បន្ដិចដើម្បីជួយឱ្យស្បែកបានភ្លឺ និងធ្វើឱ្យផ្ទៃមុខស្រស់ស្រាយ ប៉ុន្ដែ ម្សៅទ្រនាប់ មិនអាចបិទបាំងចំណុចខ្វះខាតនៅលើស្បែក មិនដូចទៅនឹងម្សៅផាត់ តែវាជាជំហានដំបូង ដើម្បីជួយឱ្យការប្រើម្សៅផាត់ពីលើ មានប្រសិទ្ធិភាព។ ម្សៅទ្រនាប់ មាន ៣ប្រភេទ គឺ ប្រភេទរាវ ប្រភេទភក់ និងប្រភេទម្សៅ ប៉ុន្ដែប្រភេទពីរខាងដើម មានការនិយមច្រើនជាង។</p>
<p style="text-align: center;"><a class="thickbox" title="" href="/FileManager/Commons/2013/10/26/korean-fashion-style-makeup-shading-techniques-26-10-2013--21-31-56.jpg"><img src="/FileManager/Articles/mce/2013/10/26/korean-fashion-style-makeup-shading-techniques-26-10-2013--21-31-56.jpg" alt="" /></a></p>
<p>ចំណែកផាត់ គឺជាផលិតផលដែលត្រូវបានយកមកផាត់ពីលើម្សៅទ្រនាប់ ដើម្បីជួយឱ្យស្បែកមុខកាន់តែម៉ត់រលោង ហើយវាទទួលបានការនិយមប្រើប្រាស់ពីសំណាក់នារីគ្រប់រូប ដោយសារតែវាជួយឱ្យស្បែកមុខបានស្រស់ស្អាត និងជួយលាក់បាំង ឬបំបាត់ស្នាមនានា ដូចជាមុនជាដើម ដើម្បីស្បែកបានម៉ត់រលោង។ ជាងនេះ ម្សៅផាត់តែងតែឆាប់ស្ងួតជាងម្សៅទ្រនាប់ ដូច្នេះនៅពេលផាត់គឺត្រូវប្រើពេលតិចជាងការផាត់ម្សៅទ្រនាប់។<br /><br />ការជ្រើសរើសម្សៅផាត់ គឺគួរជ្រើសយកប្រភេទដែលមានពណ៌ដូច ឬស្រដៀងនឹងសម្បុរស្បែករបស់អ្នក ឬពណ៌ភ្លឺជាងមួយកម្រិត។ ម្យ៉ាងទៀត ទាំងម្សៅទ្រនាប់ ម្សៅផាត់ គឺគួរតែប្រើប្រភេទដែលសមនឹងស្បែក ឧទាហរណ៍ដូច ស្បែកខ្លាញ់ ស្បែកស្ងួត និងមានសារធាតុការពារកំដៅថ្ងៃ (SPF)។</p>
<p>ម្សៅទ្រនាប់ និងម្សៅផាត់ ខុសគ្នានៅត្រង់ថា ៖ ម្សៅទ្រនាប់ភាគច្រើន តែងមិនមានពណ៌ និងមានលក្ខណៈ រាវជាងម្សៅផាត់ រីឯម្សៅផាត់ មានលក្ខណៈខាប់ជាង និងមានពណ៌ក្រាស់ជាងម្សៅទ្រនាប់។ ម្សៅផាត់ មានប្រសិទ្ធិភាពក្នុងការបិទបាំងចំណុចអវិជ្ជមាននៅលើផ្ទៃមុខ បានល្អជាងម្សៅទ្រនាប់។<br /><br />អ្នកក៏អាចបង្កើតម្សៅទ្រនាប់ដោយខ្លួនឯង ដោយការលាយបញ្ចូលគ្នា រវាងម្សៅផាត់ និងក្រែមបំប៉នស្បែក។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/96375/makeup-as-bright-as-the-korean-movies-stars"><span style="color: #3366ff;">Makeup បែបភ្លឺរលោងស្អាត ដូចតារាភាពយន្ដកូរ៉េខាងត្បូង</span></a></span></p>
<p><span style="color: #3366ff;"><a href="/News/Detail/72860/party-eye-makeup-with-eyelash-extensions"><span style="color: #3366ff;">វិធីផាត់ភ្នែក និង តុបតែងរោមភែ្នក ចូលក្នុងកម្មវិធីពិសេសៗ</span></a></span></p>
<p><span style="color: #3366ff;"><a href="/News/Detail/75123/41-year-old-housewife-becomes-instant-celebrity-for-her-young-looks"><span style="color: #3366ff;">អាយុ ៤១ ឆ្នាំហើយនៅតែមានសម្រស់ដូច ២០ ឆ្នាំ!</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Ourvanity/ misskh<br /><br /></p>