<p><span style="font-size: 12px; color: #000000;">គំរូដើម ដែលត្រូវបានស្ថាបនាឡើងសម្រាប់ជាការពិសោធន៍កំផែងព្រំដែនរបស់លោកត្រាំ នៅរដ្ឋធានី San Diego រដ្ឋកាលីហ្វូញ៉ា ត្រូវបានវាយកម្ទេចចោល ដើម្បីបើកផ្លូវស្ថាបនានូវផ្នែកថ្មីនៃរបងព្រំដែនជាក់ស្ដែង ។</span></p>
<p><span style="color: #000000;">ចំពោះអ្នកគាំទ្រលោកត្រាំ គំរូកំផែងព្រំដែនកម្ពស់ ៩ ម៉ែត្រនេះ គឺជានិមិត្ដិរូបនៃការប្ដេជ្ញាចិត្ដរបស់លោក ដើម្បីស្ថាបនានូវកំផែងមួយ តាមបណ្ដោយព្រំដែនសហរដ្ឋអាមេរិក-មិកស៊ិក ដើម្បីលើកកម្ពស់សន្ដិសុខជាតិ ។ ប៉ុន្ដែចំពោះអ្នកប្រឆាំងវិញ គំរូនេះ គឺជាការខ្ជះខ្ជាយប្រាក់របស់អ្នកបង់ពន្ធ និងជាការប្រមាថដល់រដ្ឋមិកស៊ិក និងជនអន្ដោប្រវេសន៍ ។</span></p>
<p><span style="color: #000000;"><a class="thickbox" title="" href="/FileManager/Commons/2019/2/28/698663544-28-02-2019--11-37-25.jpg"><img src="/FileManager/Articles/mce/2019/2/28/698663544-28-02-2019--11-37-25.jpg" alt="" /></a><br /></span></p>
<p><span style="color: #000000;">លោក Ralph DeSio អ្នកនាំពាក្យមកពីនាយដ្ឋានគយ និងការពារព្រំដែនអាមេរិក(CBP) នៃក្រសួងសន្ដិសុខមាតុភូមិ បាននិយាយនៅក្នុងរបាយការណ៍មួយថា៖”ចាប់តាំងពីការសាកល្បង និងការវាយតម្លៃទៅលើគំរូកំផែងព្រំដែនទាំងនេះ បានបញ្ចប់រួចមក វាបានបំរើឱ្យគោលបំណងដែលគេចង់បាន ហើយពេលនេះ គំរូទាំងនេះ ត្រូវបានឈូសឆាយចេញ “។</span></p>
<p><span style="color: #000000;">ការប្រើឧបករណ៍ខៃថ្ម កាំជណ្ដើរ ឧបករណ៍បាញ់អណ្ដាតភ្លើង កងកម្លាំងពិសេសរបស់យោធា អង្គភាពពិសេសរបស់ CBP គឺបានប្រើរយៈពេលជាច្រើនសប្ដាហ៏ដើម្បីចូលទៅក្រោម ឡើងទៅលើ និងឆ្លងកាត់កំផែង ដើម្បីពិសោធន៍ភាពខ្លាំង និងខ្សោយរបស់កំផែងនោះ ។</span></p>
<p><span style="color: #000000;">ការពិសោធន៍ចំពោះគំរូដើមចំនួន ៨ ផ្ទាំង ដែលភ្នាក់ងារល្បាតព្រំដែន Michael Scappechio នៃផ្នែកទីក្រុង San Diego និយាយថា បានចំណាយលុយចន្លោះ ៣០០០០០ ដុល្លារ និង ៥០០០០០ ដុល្លារ ដើម្បីស្ថាបនាក្នុងមួយផ្ទាំង បានបង្ហាញឱ្យឃើញនូវប្រសិទ្ធភាពប្រភេទបង្គោលដែកថែប ជាប្រភេទបង្គោលដែកក្នុងរបង ដែលមានរួចមកហើយ តាមបណ្ដោយផ្នែកធំនៃព្រំដែន ។ </span></p>
<p><span style="color: #000000;"><a class="thickbox" title="" href="/FileManager/Commons/2019/2/28/apprototypeborderwall-28-02-2019--11-37-34.jpg"><img src="/FileManager/Articles/mce/2019/2/28/apprototypeborderwall-28-02-2019--11-37-34.jpg" alt="" /></a><br /></span></p>
<p><span style="color: #000000;">ភ្នាក់ងារ Scappechio និយាយងា បច្ចុប្បន្ន របងព្រំដែនសង់ពីបង្គោលដែកថែបកម្ពស់ ៩ ម៉ែត្រកំពុងត្រូវបានសាងសង់ជារនាំងការពារទីពីរ តាមបណ្ដោយផ្នែកប្រវែង ២២.៥ គីឡូម៉ែត នៅពីក្រោយរបងសង់ពីដែកថែប ដែលមានស្រាប់កម្ពស់ ៥.៤៨ ម៉ែត្រ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2019/2/28/mekongnet-28-02-2019--11-37-45.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ Reuter</span></p>