<p><span style="color: #000000;"><strong>ភ្នំពេញ</strong> ៖ កម្លាំងនគរបាលខណ្ឌពោធិ៍ សែនជ័យ បានឃាត់ខ្លួនលោកសង្ឃក្លែង ក្លាយ៥នាក់ ខណៈដែលកំពុងដេញចាប់ខ្លួន ក្រុមក្មេងស្ទាវបង្កភាពអនាធិបតេយ្យតាម ដងផ្លូវ កាលពីយប់ថ្ងៃទី០១ ខែតុលា ឆ្នាំ ២០១៤ ស្ថិតនៅភូមិប៉ប្រកខាងត្បូង សង្កាត់ កាកាប ខណ្ឌពោធិ៍សែនជ័យ ។</span></p>
<p><span style="color: #000000;">ក្រោយឃាត់ខ្លួនក្រុមសង្ឃក្លែងក្លាយទាំង ៥នាក់ខាងលើនេះ កម្លាំងសមត្ថកិច្ច បាននាំទៅឆែកឆេរក្នុងផ្ទះជួល ស្រាប់តែរក ឃើញស្បង់ចីវរ ទេយ្យទាន ដែលពុទ្ធបរិស័ទ្ធប្រគេនជូនជាច្រើនពេលខ្លួន ដើរបិណ្ឌបាត្រតាមដងផ្លូវ ។</span></p>
<p><span style="color: #000000;">នគរបាលខណ្ឌពោធិ៍សែនជ័យ បាននិយាយថា កាលពីវេលាម៉ោង៩និង៣០នាទីយប់ថ្ងៃទី០១ ខែតុលា កម្លាំងនគរបាល បានដេញចាប់ខ្លួនក្រុមក្មេងស្ទាវអុកឡុកតាមដងផ្លូវ ពេលនោះ ស្រាប់តែឃើញក្មេងស្ទាវម្នាក់ បោះដែកឆាប ចោល រួចរត់គេចខ្លួន សមត្ថកិច្ចក៏ដេញ តាមចាប់ស្រាប់តែដោះមួកចេញពីក្បាល ឃើញត្រងោល ក៏សង្ស័យ បន្ដការសួរនាំ និងមានការចង្អុលបង្ហាញពីប្រជាពលរដ្ឋ ផងនោះទើបដឹងថា ជននេះជាសង្ឃក្លែងក្លាយ ។</span></p>
<p><span style="color: #000000;">ក្រោយការសួរនាំរួចមក សមត្ថកិច្ចបានបន្ដទៅឃាត់ខ្លួនបក្ខពួកផ្សេង ទៀត សរុប៥នាក់ ហើយពេលទៅឆែកឆេរ ក្នុងផ្ទះជួលក៏រកឃើញស្បង់ចីវរ ទេយ្យទាន ដូចជាមី ស្ករស ដែលប្រជាពលរដ្ឋ ប្រគេន ជូន ។</span></p>
<p><span style="color: #000000;">ក្រោយការសួរនាំសង្ឃក្លែងក្លាយទាំងនេះ បាននិយាយថា ពួកគេពិតជាបានក្លែងបន្លំ ធ្វើជាព្រះសង្ឃ ហើយដើរបិណ្ឌបាត្រ តាមផ្ទះ ប្រជាពលរដ្ឋ ជាយូរណាស់មកហើយ ។</span></p>
<p><span style="color: #000000;">បច្ចុប្បន្នជនទាំងនេះ ត្រូវបានយកទៅសួរ នាំនិងមានវិធានការបន្ដទៀតបន្ដទៀតពីថ្នាក់ដឹកនាំសង្ឃ មន្ទីរធម្មការនិងមន្ដ្រីពាក់ព័ន្ធ ៕</span></p>
<p><br /><span style="color: #000000;"><a class="thickbox" title="" href="/FileManager/Commons/2014/10/2/hong-0024-02-10-2014--13-27-38.jpg"><span style="color: #000000;"><img src="/FileManager/Articles/mce/2014/10/2/hong-0024-02-10-2014--13-27-38.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2014/10/2/hong-0024-02-10-2014--13-27-38.jpg"></a></span><br /><span style="color: #000000;"><a class="thickbox" title="" href="/FileManager/Commons/2014/10/2/hong-0025-02-10-2014--13-27-49.jpg"><span style="color: #000000;"><img src="/FileManager/Articles/mce/2014/10/2/hong-0025-02-10-2014--13-27-49.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2014/10/2/hong-0025-02-10-2014--13-27-49.jpg"></a></span><br /><span style="color: #000000;"><a class="thickbox" title="" href="/FileManager/Commons/2014/10/2/hong-0027-02-10-2014--13-28-03.jpg"><span style="color: #000000;"><img src="/FileManager/Articles/mce/2014/10/2/hong-0027-02-10-2014--13-28-03.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2014/10/2/hong-0027-02-10-2014--13-28-03.jpg"></a></span><br /><span style="color: #000000;"><a class="thickbox" title="" href="/FileManager/Commons/2014/10/2/hong-0028-02-10-2014--13-28-17.jpg"><span style="color: #000000;"><img src="/FileManager/Articles/mce/2014/10/2/hong-0028-02-10-2014--13-28-17.jpg" alt="" /></span></a></span></p>
<p style="text-align: right;"><br /><span style="color: #000000;">ផ្ដល់សិទ្ធិដោយ៖ ដើមអម្ពិល</span></p>