<p><strong>គ្រោះថ្នាក់ ៖</strong> បើតាមការអោយដឹងពីគេហទំព័រសារព័ត៌មានបរទេស ដែលទើបតែនឹងបានចេញ<br />ផ្សាយ បានអោយដឹងថា មានឧបទ្ទេវហេតុគ្រោះថ្នាក់ចរាចរណ៍ដ៏រន្ធត់មួយបានកើតឡើង ខណៈ<br />ពេលដែលរថយន្ត Lexus មួយគ្រឿងបាត់បង់ម្ចាស់ការ បោះពួយទៅបុកទម្លុះបន្ទប់គេងនៅជាន់<br />ទីមួយ។</p>
<p><a class="thickbox" title="" href="/FileManager/Commons/2012/9/18/125-18-09-2012--10-08-33.jpg"><img src="/FileManager/Articles/mce/2012/9/18/125-18-09-2012--10-08-33.jpg" alt="" width="484" height="286" /></a></p>
<p>គួរបញ្ជាក់ផងដែរថា រឿងឧបទ្ទេវហេតុគ្រោះថ្នាក់ចរាចរណ៍ដ៏រន្ធត់មួយនេះ បានកើតឡើងនៅទី<br />ប្រជុំជន Epsom ប្រទេសអង់គ្លេស នាវេលាម៉ោង ៣ ទាបភ្លឺ កាលពីថ្ងៃអាទិត្យ ខណៈពេលដែល<br />រថយន្ត Lexus មួយគ្រឿង បើកបរក្នុងល្បឿនលឿននឹងបានបាត់បង់ម្ចាស់ការ បោះពួយយ៉ាង<br />លឿនស្ទុះទៅបុករថយន្តទំនើប Audi ដែលចតនៅហ្នឹងមួយកន្លែង ហើយបានបន្តហោះទៅបុក<br />បន្ទប់គេងនៅជាន់ទីមួយតែម្តង។</p>
<p>លើសពីនេះទៅទៀត របាយការណ៍ដដែលបានបញ្ជាក់បន្ថែមអោយដឹងផងដែរថា សំណាងល្អ<br />ដែលគូស្វាមីភរិយា កំពុងតែគេងលង់លក់នៅក្នុងបន្ទប់គេងនោះ មិនមានរបួសធ្ងន់ធ្ងរអ្វីនោះទេ<br /> ខណៈពេលដែលបុរស ៣ នាក់ ស្តិតនៅក្នុងរថយន្តបង្កហេតុ ត្រូវបានបញ្ជូនទៅកាន់មន្ទីរពេទ្យ <br />Epsom Hospital ដើម្បីធ្វើការសង្គ្រោះបន្ទាន់៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ Sky</p>