<p><span style="color: #000000;">សម្លេងដែលដូចទៅនឹង “សម្លេងពូថៅគោះទៅលើកាធុនដែក” ធ្វើឱ្យអវកាសចរដំបូងដែល</span><br /><span style="color: #000000;">ហោះឡើងអវកាសរបស់ចិន មានការព្រួយបារម្ភខ្លាំង។</span></p>
<p><span style="color: #000000;">អ្នកអវកាសចិន Yang Liwei បានឱ្យដឹងថា ធ្លាប់ឮសម្លេងគោះដ៏អាថ៌កំបាំងក្នុងពេលហោះហើរ</span><br /><span style="color: #000000;">ទៅកាន់អវកាស នេះបើតាមទំព័រ China Central Television ចុះផ្សាយកាលពីថ្ងៃទី២៩កន្លងទៅ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/12/1/yang-liwei-1-01-12-2016--17-15-21.jpg"><span style="color: #000000;"><img src="/FileManager/Articles/mce/2016/12/1/yang-liwei-1-01-12-2016--17-15-21.jpg" alt="" /></span></a></span></p>
<p style="text-align: center;"><span style="color: #000000;">អ្នកអវកាសចិន Yang Liwei នៅក្នុងយានអវកាស Shenzhou 5</span><br /><br /></p>
<p><span style="color: #000000;">Yang Liwei កើតនៅឆ្នាំ ១៩៦៥ នៅ Liaoning គឺជាអ្នកអវកាសដំបូងដែលហោះទៅកាន់អវ</span><br /><span style="color: #000000;">កាសរបស់ចិន។ ប្រភពព័ត៌មានឱ្យដឹងថា កាលពីថ្ងៃទី ១៦តុលាឆ្នាំ ២០០៣ Yang Liwei បាន</span><br /><span style="color: #000000;">ឈានជើងចេញពីយានអវកាស ក្រោយពីរយៈពេល ២១ម៉ោងហោះហើរក្នុងអវកាស និងក្លាយ</span><br /><span style="color: #000000;">ជាមនុស្សទី ២៤១ ក្នុងពិភពលោកដែលបាននៅក្នុងលំហអវកាស ខាងក្រៅយាន។</span></p>
<p><span style="color: #000000;">Yang Liwei បានរៀបរាប់អំពីការហោះហើររបស់ខ្លួនកាលពីអតីតកាល “ស្ថានភាពចម្លែកមួយ</span><br /><span style="color: #000000;">ដែលខ្ញុំធ្លាប់បានជួបនៅក្នុងអវកាស នោះគឺសម្លេងគោះទ្វារ”។</span></p>
<p><span style="color: #000000;">Yang Liwei និយាយថា សម្លេងគោះនោះកើតឡើងដោយចៃដន់ និងមិនកើតឡើងទៅតាម</span><br /><span style="color: #000000;">ចង្វាក់ណាមួយទាំងអស់។ Yang Liwei ថ្លែងថា “វាមិនមែនមកពីខាងក្នុងយាន ឬពីអវកាស ប៉ុន្តែ វាហាក់បីដូចជាមានគេគោះទៅលើយានតែម្ដង គឺដូចទៅនឹងការយកពូថៅទៅគោះលើកាធុន</span><br /><span style="color: #000000;">ដែក”។</span></p>
<p><span style="color: #000000;">Yang Liwei បានឱ្យដឹងថា គាត់ពិតជាមានការព្រួយបារម្ភនៅពេលបានឮសម្លេងគោះ ហើយក៏បានទៅក្បែរបង្អួចដើម្បីស្វែងយល់ពីមូលហេតុ ប៉ុន្តែ មិនបានរកឃើញអ្វីទាំងអស់។ នៅពេល</span><br /><span style="color: #000000;">ត្រលប់មកកាន់ផែនដី Yang Liwei បាននិយាយរឿងនេះប្រាប់បុគ្គលិកផ្នែកបច្ចេកទេស ប៉ុន្តែ មិនមានសម្លេងអ្វីមួយដែលដូចទៅនឹងសម្លេងគោះនេះទេ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/12/1/yang-liwei-3-01-12-2016--17-25-17.jpg"><span style="color: #000000;"><img src="/FileManager/Articles/mce/2016/12/1/yang-liwei-3-01-12-2016--17-25-17.jpg" alt="" /></span></a></span></p>
<p style="text-align: center;"><span style="color: #000000;">Yang Liwei និងកាំជ្រួចបាញ់បង្ហោះយាន Shenzhou 5</span></p>
<p><span style="color: #000000;">ក្រុមអវកាសចរនៅលើយានអវកាស Shenzhou 6 និង Shenzhou 7 ក៏ធ្លាប់ឮសម្លេងគោះបែប</span><br /><span style="color: #000000;">នេះ។ Yang Liwei ឱ្យដឹងថា “មុនពេលហោះឡើងអវកាស ខ្ញុំបានប្រាប់ពួកគេថា សម្លេងនោះ</span><br /><span style="color: #000000;">គឺជាបាតុភូតធម្មតា ដូច្នេះ មិនចាំបាច់ព្រួយបារម្ភនោះទេ”។</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ China Central Television</span><br /><br /></p>