<p><span style="color: #000000;">ព័ត៌មានបច្ចេកវិទ្យា ៖ ក្រុមហ៊ុន អាណាណាកុំព្យូទ័រ (AnAnA Computer)គឺជាក្រុមហ៊ុនបម្រើ សេវាបច្ចេក វិទ្យា IT និង ICT ដែលប្រកបដោយ វិជ្ជាជីវៈនាំមុខគេក្នុងប្រទេសកម្ពុជា បានប្រារព្ធខួបទី ២០ឆ្នាំ របស់ ខ្លួននាពេលថ្មីៗនេះ។</span></p>
<p><span style="color: #000000;">នៅក្នុងដំណើរការរយះពេល ២០ ឆ្នាំចុង ក្រោយ នេះ តើការវិត្តន៏ និងការរីកចំរើនរបស់ក្រុមហ៊ុន បម្រើ សេវា បច្ចេកវិទ្យា IT និង ICT ដ៏ធំ មួយនេះមាន សន្ទុះបែបណា យើងនឹងជួបសម្ភាសន៏ជាមួយ លោក ស្រៀង ទីតូ អគ្គនាយក នៃក្រុមហ៊ុន អាណាណាកុំព្យូទ័រ អំពីការវិត្តន៏នេះដូចខាងក្រោម៖</span></p>
<p><a class="thickbox" title="" href="/FileManager/Commons/2015/5/8/20-08-05-2015--15-42-26.jpg"><img src="/FileManager/Articles/mce/2015/5/8/20-08-05-2015--15-42-26.jpg" alt="" /></a><br /><span style="color: #000000;"> <strong>១. តើលោកអាចជម្រាបត្រួសៗបានទេ អំពីប្រវត្តិរបស់ក្រុមហ៊ុន អាណាណា កុំព្យូទ័រ (</strong><strong>AnAnA Computer)?</strong></span></p>
<p><span style="color: #000000;">ក្រុមហ៊ុន អាណាណា កុំព្យូទ័រ (AnAnA Computer) បាន បង្កើតឡើងក្នុងឆ្នាំ ១៩៩៥។ វាគឺជាហាង ផ្គត់ ផ្គង់នូវ សម្ហារៈនិង ផលិតផល ព័ត៌មានវិទ្យាមុនគេបង្អស់ នៅក្នុងប្រទេសកម្ពុជា ដែលមានបុគ្គលិក តិច ជាង១០នាក់ប៉ុណ្ណោះ។ កាលពីមុនវាជាមជ្ឍមណ្ឌល អាណាណា កុំព្យូទ័រ (AnAnA computer Center) ប៉ុន្តែនូវពេលដែលមានការគាំទ្រកាន់តែច្រើនឡើងពី សំណាក់អតិថិជនជាតិនិងអន្តរជាតិ ទើប មជ្ឍម ណ្ឌល អាណាណា ប្រែក្លាយទៅជាក្រុមហ៊ុនបម្រើសេវាបច្ចេកវិទ្យា IT និង ICTធំ និងរឹងមាំជាងគេនៅ ក្នុងប្រទេសកម្ពុជានាពេលបច្ចុប្បន្ននេះ ដែលមានបុគ្គលិកសរុបជិត១០០នាក់។ មួយវិញទៀតដោយការ វិនិយោគយ៉ា ង ពេញ ទំហឹង និង បទពិសោធន៏យូរឆ្នាំក្នុងវិស័យព័ត៌មានវិទ្យា និង ICT ទើបក្រុមហ៊ុន អាណាណា កុំព្យូទ័រ (AnAnA Computer) មាន ក្រុមហ៊ុន អន្តរជាតិជាច្រើន ផ្តល់សិទ្ធិ លើការផ្គត់ផ្គង់នឹង ចែកចាយ បច្ចេកវិទ្យា ផលិតផលព័ត៌មានវិទ្យា និងសេវាកម្មទំនើបៗជាច្រើនទៀត។ </span></p>
<p><a class="thickbox" title="" href="/FileManager/Commons/2015/5/8/21-08-05-2015--15-42-44.jpg"><img src="/FileManager/Articles/mce/2015/5/8/21-08-05-2015--15-42-44.jpg" alt="" /></a></p>
<p><span style="color: #000000;">ក្រុមហ៊ុនទាំងអស់នោះមានដូចជា ក្រុមហ៊ុន Dell, Schneider Electric, MikroTik, HP, IBM, UBiQuiti, VIVOTEK, SONICWALL, Avira, Emerson, Logitech, TeamNisca, Verbatim, Power Tree, HIP និង KEDACOM ។ មិនតែប៉ុណ្ណោះ យើងក៏មានក្រុមហ៊ុនអន្តរជាតិជា ដៃ គូមួយចំនួន ទៀត ផង ដែរ ដូចជា CISCO, APC, Polycom ជាដើម។</span></p>
<p><a class="thickbox" title="" href="/FileManager/Commons/2015/5/8/22-08-05-2015--15-42-53.jpg"><img src="/FileManager/Articles/mce/2015/5/8/22-08-05-2015--15-42-53.jpg" alt="" /></a></p>
<p><span style="color: #000000;"><strong>២. តើកត្តាអ្វីដែលធ្វើឲ្យលោក ចាប់ផ្តើមអាជីវកម្ម ទៅលើផលិតផល និងសម្ហារៈព័ត៌មានវិទ្យា? ហើយផលិតផល ព័ត៌មានវិទ្យា និងអេឡិចត្រូនិច ប្រភេទអ្វីដែលលោក កំពុងបម្រើសេវាកម្ម ជូនអតិថិជន?</strong><strong></strong></span></p>
<p><span style="color: #000000;">យើងមើលឃើញថា ប្រទេសកម្ពុជាគឺជាប្រទេសកំពុងអភិវឌ្ឍន៏ ដូច្នេះចំណេះដឹងផ្នែក បច្ចេកវិទ្យា របស់ ប្រជាពលរដ្ឋខ្មែរ គឺនៅមានកំរិតនៅឡើយ។ យើងចង់ឲ្យកូនខ្មែរទាំងអស់ យល់ ដឹងឲ្យកាន់តែច្រើន ទៅ លើផ្នែក ព័ត៌មានវិទ្យា (IT) និង ផ្នែក ICT ដើម្បីឲ្យពួកគេមានការប្រកួតប្រជែងជាមួយនិងបណ្តាប្រទេស ផ្សេងៗនៅអាស៊ី ក៏ដូចជាពិភពលោកផងដែរ។ មួយវិញទៀត យើងយល់ឃើញថាប្រទេសដែលមានការ អភិវឌ្ឍន៏ខ្លាំង និងជឿនលឿន គឺគេមានធនធាន មនុស្សគ្រប់គ្រាន់ ហើយធនធានមនុស្សរបស់គេ មាន ចំណេះដឹងខ្ពស់លើផ្នែកព័ត៌មានវិទ្យា</span><span style="color: #000000;"> អ៊ិនធើណិត និងផ្នែក ICTផង ដែរ ដូច្នេះបានជាយើង ចាប់ផ្តើម អាជីវ កម្ម មួយនេះ។ សព្វថ្ងៃនេះ ក្រុមហ៊ុន អាណា ណាកុំព្យូទ័រផ្តល់សេវាកម្មជាច្រើនជូនដល់អតិថិជន ដែលមានដូចជា ប្រព័ន្ធគ្រប់គ្រងសុវត្ថិភាពគ្រប់ប្រភេទ បច្ចកវិទ្យាកុំព្យូទ័រថ្មី គ្រឿង បន្លាស់ ថ្មីៗ សម្ហារះ អេឡិចត្រូនិចគ្រប់ធន និងគ្រប់ប្រភេទ ប្រព័ន្ធនិងបច្ចេកវិទ្យា គ្រប់គ្រងទិន្នន័យ ហើយថ្មីៗនេះ ក្រុមហ៊ុន បានណែនាំនូវ ផលិតផល IT ថ្មីៗរបស់ខ្លួន មួយ ទៀត គឺ Super Power Rack។ គោលបំណងមួយដ៏ ចំបង របស់ក្រុមហ៊ុន អាណា ណាកុំព្យូទ័រ គឺផ្តល់ទាំងទំនុកចិត្ត និងគុណភាពដល់អតិថិជន ដើម្បី សាង នូវដៃគូដ៏យូរអង្វែង និងជួយឲ្យជំនួញរបស់អតិថិជនបន្ថែមនូវសក្តានុពលខ្ពស់ ដោយបញ្ចូល ទាំង គុណ ភាព សេវាកម្ម ភាពច្នៃប្រឌិតផ្នែកទីផ្សារ តម្លៃប្រគួតប្រជែង និងការចំណាយសន្សំសំចៃខ្ពស់។</span></p>
<p><span style="color: #000000;"><strong>៣. តើនរណាជាអតិថិជនទិសដៅ ឬជាផ្នែកមួយនៃទីផ្សារជាក់លាក់របស់លោក?</strong><strong></strong></span></p>
<p><span style="color: #000000;">ក្រុមហ៊ុន អាណា ណា កុំព្យូទ័រ ស្វះ ស្វែង ជានិច្ចដើម្បីផ្តល់នូវសេវាកម្មប្រកបដោយគុណភាព និង ជឿ ទុកចិត្ត ជូនដល់អតិថិជន។ ហេតុដូចនេះ គ្រប់អតិថិជនទាំងអស់សុទ្ធ តែជា អតិថិជន គោលដៅ របស់ យើង។ មិនថាតែ ក្រុមហ៊ុន សហគ្រាសធុនតូច មធ្យម អង្គការ ធានាគារ សាលារៀន សាកលវិទ្យាល័យ មន្ទីពេទ្យ អាជីវកម្ម តូច ធំ គឺយើងបំរើសេវាកម្មជូនទាំងអស់ ។ ជាក់ស្តែងយើង មាន សាល ពិព័រណ៏ សម្ហារៈ ផលិតផល សម្រាប់អតិថិជនដែលមានតម្រូវការ</span><span style="color: #000000;">អេឡិចត្រូនិចនិងបច្ចេកវិទ្យា IT ផ្ទាល់ខ្លូន គ្រប់ ប្រភេទ ពួកគាត់អាចរកជាវបាននូវក្រុមហ៊ុនអាណាណា កុំព្យូទ័រ។ ដោយឡែក ចំពោះ អតិថិជនជាដៃគូ ទាំងតូចនិងធំ ដែលមានតម្រូវការផ្នែកអេឡិចត្រូនិចធំៗ និងប្រព័ន្ធបច្ចេកវិទ្យា សុវត្ថិភាព ផ្សេងៗយើង ក៏មានភ្នាក់ងារលក់ដើម្បីចុះធ្វើការពិគ្រោះយោបល់ជាមួយនិងពួកគាត់ផងដែរ ។ កត្តា ទាំងអស់នេះ ហើយ ដែលយើងសម្លឹងឃើញថា អតិថិជនរបស់ ក្រុមហ៊ុន អាណា ណា កុំព្យូទ័រ បានកើនឡើងគួរឲ្យ កត់សម្គាល់ ក្នុងរយះពេល២០ឆ្នាំរបស់ខ្លួនក្នុងប្រវត្តិសាស្រ្ត។</span></p>
<p><span style="color: #000000;"><strong>៤. តើក្នុងរយះពេល២០ឆ្នាំចុងក្រោយនេះក្រោយពីការកកើតនូវក្រុមហ៊ុន អាណា ណា កុំព្យូទ័រ(</strong><strong>AnAnA Computer) តើលោកមើលឃើញពីភាពខុសប្លែកគ្នាបែបណា? និងសម្រេចបានផ្លែផ្កាអ្វីខ្លះ?</strong></span></p>
<p><span style="color: #000000;">ដូចដែលបានជម្រាបពីដើមមក ក្នុងរយះពេលជាង ២០ឆ្នាំនេះ យើងមើលឃើញពីភាពខុសប្លែកគ្នាគួរឲ្យ កត់សម្គាល់ ។ តួយ៉ាង ក្រុមហ៊ុន អាណាណា បានពង្រីខ្លួនពីបុគ្គលិក តិចជាង១០នាក់ រហូតដល់ជិត ១០០ នាក់។ យើងក៏កត់សម្គាល់ឃើញដែរថា មានអតិថិជនជាច្រើនទាំងជាតិ និងអន្តរជាតិផ្តល់ការជឿ ទុក ចិត្តលើក្រុមហ៊ុន អាណា ណា។ មួយវិញទៀត មានក្រុមហ៊ុនអន្តរជាតិដែលមានម៉ាកល្បីៗ ជាច្រើន បាន ផ្តល់ទំនុក ចិត្តធ្វើជាដៃគូជំនួញជាមួយ និងក្រុមហ៊ុន អាណា ណា ទាំងអស់នេះគឺបង្ហាញឲ្យឃើញ ពីសន្ទុះនិងភាព ខុសប្លែកគ្នារវាង ប្រ មាណ ២០ឆ្នាំមុន ។ ជាលទ្ធផលក្នុងប្រមាណជា ២០ ឆ្នាំមកនេះ យើងបានផ្តោតយ៉ាងចំបងទៅលើអតិថិជន នឹងផ្តល់ឲ្យអតិថិជនរបស់យើងនូវសេវាកម្មដ៏ជឿជាក់មួយ។ យើងនឹងបន្តផ្តល់ការយកចិត្តទុក ដាក់ ដល់អតិថិជនបន្ថែម ទៀត ក្នុង នាមជាអ្នកផ្គត់ផ្គង់។ ក្រុមហ៊ុន អាណា ណា កុំព្យូទ័រ (AnAnA Computer) កំពុងតែបង្កើតនូវបណ្តាញសម្រាប់សង្គមនិង ជំនួញនាពេល អនាគត ហើយ កំពុងបម្រើនូវតម្រូវការ និងក្តីរំពឹងទុករបស់អតិថិជន ដោយផ្តល់នូវបច្ចេកវិទ្យាដ៏ល្អ នៅ ក្នុង ប្រទេសកម្ពុជា។ យើងផ្តល់គុណតម្លៃដល់អតិថិជនដោយធានាថា អាជីវកម្មរបស់អតិថិជននៅថ្ងៃ នេះ និងនាពេលអនាគត មានភាពរីកចំរើន និងដុះដាលដាលជាលំដាប់។ ២០ឆ្នាំកន្លងមកនេះ គឺជាដំ ណើរមួយដ៏អស្ចារ្យ។ ខ្ញុំពិតជាសង្ឃឹមយ៉ាងមុតមាំថាពីមួយឆ្នាំទៅមួយឆ្នាំ AnAnA Computer នឹងប្រឹង ប្រែង ឲ្យអស់ពីកំលាំងកាយចិត្តក្នុងការផ្តល់នូវគុណតម្លៃ សេវាកម្ម បច្ចេកវិទ្យាថ្មីៗទំនើបៗ ជូនដល់ អតិថិជន។</span></p>
<p><span style="color: #000000;"><strong>៥. តើកំឡុងពេល ២០ឆ្នាំមកនេះ ក្រុមហ៊ុនអាណា ណា កុំព្យូទ័រ បានចូលរួមជាមួយនិង សង្គម បានយ៉ាងដូចម្តេចខ្លះ?</strong><strong></strong></span></p>
<p><span style="color: #000000;">ជាក្រុមហ៊ុនផ្គតផ្គង់បរិក្ខារបច្ចេកវិទ្យា IT និងវិស័យ ICT យើងមិនភ្លេចទេ ពីទំនូលខុសត្រូវក្នុងសង្គម ដោយតបទៅនិងបេសកម្ម និងទស្សនវិស័យរបស់យើង បរិស្ថាន សង្គម និងក្រុមហ៊ុនគឺដើរទន្ទឹមគ្នា។ ជាក់ស្តែងយើងបានចូលរួមដាំដើមឈើនៅក្នុងក្រុងព្រះសីហនុ ពិធីចែកអំណោយដល់ជនក្រីក្រនៅ ខេត្តកណ្តាល និងការឧបត្ថម្ភជាសម្ហារៈកុំព្យូទ័រផ្សេងៗទៀតទៅដល់ស្ថាប័នជាតិ អង្គការជាតិ ។ល។ ហើយយើងនឹងបន្តសកម្មភាពនេះតាមតែអាចធ្វើទៅបាន ដើម្បីចែករំលែកដល់សង្គមជាតិទាំងមូល។</span></p>
<p><span style="color: #000000;"><strong>៦. ជាចុងក្រោយ ក្នុងខួបទី២០ឆ្នាំ របស់ក្រុមហ៊ុនអាណាណា លោកមានចំណាប់ អារម្មណ៏បែប ណាដែរ?<br /> </strong>ការប្រារពពិធីគំរប់ ២០ឆ្នាំនាពេលនេះគឺជារង្វាន់ដ៏អស្ចារ្យ សម្រាប់ ក្រុមហ៊ុន និងបុគ្គលិក ។ ជោគជ័យ និងការឈរជើងដ៏យូរអង្វែងរបស់យើង គឺជាផ្នែកមួយឈានទៅរកទំនើបកម្ម និងបន្តការធ្វើឲ្យប្រសើរ ឡើងនូវសេវាកម្មរបស់យើង។ ក្រុមហ៊ុនបានពង្រីកនូវសេវាកម្មរបស់ខ្លួនបន្ថែម ទៀត ទៅលើវគ្គបណ្តុះ បណ្តាល និងសេវាកម្មពិគ្រោះ យោបល់។ សេវាទាំងអស់នេះបានជួយឲ្យអតិថិជនរៀនអំពីជំនាញ IT ដោយជាក់លាក់និងច្បាស់សម្រាប់សហគ្រាសរបស់ពួកគេ។</span></p>
<p style="text-align: right;"><span style="color: #000000;"><strong>ដោយ៖ សុខ ចាន់</strong><strong></strong></span></p>