<p><span style="color: #000000;"><strong>(អេហ្ស៊ីប)៖</strong> ក្រុមអ្នកស៊ើបអង្កេតអេហ្ស៊ីប បានប្រកាសឲ្យដឹងនៅថ្ងៃនេះថា អាជ្ញាធរអេហ្ស៊ីប នឹងបញ្ជួនប្រអប់ខ្មៅ (Black boxes) របស់យន្តហោះ EgyptAir ទៅកាន់ប្រទេសបារាំង ដើម្បីធ្វើការជួសជុល និងផ្ញើត្រឡប់មកវិញ ដើម្បីធ្វើការវិភាគទៅលើទិន្នន័យ និងសំឡេង ដើម្បីរកមូលហេតុនៃការធ្លាក់យន្តហោះ EgyptAir។ នេះបើយោងតាមការចេញផ្សាយ របស់សារព័ត៌មាន Reuters នៅថ្ងៃទី២៤ ខែមិថុនា។</span></p>
<p><span style="color: #000000;">គណៈកម្មាធិការស៊ើបអង្កេតអេហ្ស៊ីប បានចេញសេចក្ដីថ្លែងការណ៍ថា មូលហេតុដែលអេហ្ស៊ីប បញ្ជូនប្រអប់ខ្មៅ ទៅកាន់ប្រទេសបារាំងគឺ ដើម្បីឲ្យភ្នាក់ងារបារាំង ជួយជួសជុលប្រអប់ខ្មៅ ជាពិសេសគឺជួយសម្អាតស្លែ និងអំបិល ដែលនៅជាប់ Memory chips។ ក្រោយពីសម្អាតរួច គឺអាជ្ញាធរបារាំង នឹងផ្ញើត្រឡប់មកកាន់អេហ្ស៊ីបវិញ ដើម្បីវិភាគបន្ត។</span></p>
<p><span style="color: #000000;">គួរបញ្ជាក់ផងដែរថា យន្តហោះដឹកអ្នកដំណើរ ជើងហោះ Flight 804 របស់ក្រុមហ៊ុនអាកាសចរណ៍ EgyptAir បានបាត់ពីប្រព័ន្ធរ៉ាដា ខណៈកំពុងហោះហើរពីទីក្រុងប៉ារីស ប្រទេសបារាំង ទៅកាន់ទីក្រុងគែរ ប្រទេសអេហ្ស៊ីប ជាមួយនឹងមនុស្ស ៦៦នាក់ ក្នុងនោះមានសហនាវិក ១០នាក់ និងបានធ្លាក់នៅសមុទ្រមេឌីទែរ៉ាណេ៕</span></p>
<p><span style="color: #000000;"><img src="http://ichef.bbci.co.uk/news/660/cpsprodpb/1102F/production/_89997696_4794b2f2-9f21-41fb-8c5c-70ab6b358571.jpg" alt="" width="730" /></span></p>
<p><span style="color: #000000;"><img src="https://media.guim.co.uk/5e04f528b7ce3548adaef1954b6d1209e65db60a/0_0_3504_2102/3504.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>