<p>ព័ត៌មានអន្តរជាតិ ៖ ភ្ញៀវទេសចរ ជនជាតិចិនម្នាក់ រួមទាំង អ្នកធ្វើការ ជនជាតិ ហ្វីលីពីន ម្នាក់ផ្សេង ទៀត ជាលទ្ធផលត្រូវបានគេ ជួយសង្គ្រោះ បានហើយ ក្នុងរយៈពេលជិត ២ ខែមកនេះ ក្រោយពីពួក គេត្រូវបានចាប់ជម្រិត ពី រមណីយដ្ឋាន ទេសចរណ៍ មួយកន្លែង នាកោះ Borneo នេះបើតាមការអះ អាងអោយដឹងពីលោកនាយករដ្ឋមន្រ្តី ប្រទេស ម៉ាឡេស៊ី Najib Razak ។</p>
<p>បន្ថែមពីលើនេះ បេក្ខភាព នាយករដ្ឋមន្រ្តី រូបនេះ បន្ថែមអោយដឹងថា ជាមួយនឹងកិច្ចសហប្រតិបត្តិការ ដល់ល្អរវាងក្រុមមន្រ្តីប៉ូលីស ម៉ាឡេស៊ី និង ហ្វីលីពីន ចំណាប់ខ្មាំង ត្រូវបានរំដោះបាន ដោយពុំចាំបាច់ ចំណាយលុយ ដោះដូរនោះទេ ដោយនៅក្នុងនោះ បើតាមរបាយការណ៍ បញ្ជាក់បានថា ក្រុមអន្ធពាល ទាមទារជាសាច់ប្រាក់ដល់ទៅ ១១,៤ លានដុល្លារ ជាថ្នូរនឹងការដោះលែង ចំណាប់ខ្មាំងខាងលើ ។</p>
<p>ប្រភព អះអាងបន្តអោយដឹងថា ក្រុមអន្ធពាល ដែលធ្វើការចាប់ជម្រិតនោះ គេជឿជាក់ថា ជាក្រុមអន្ធ ពាលដ៏សកម្ម របស់ ហ្វីលីពីន ក្រុម Abu Sayyaf ។ គួរបញ្ជាក់ថា កាលពីថ្ងៃទី ២ មេសា កន្លងទៅនេះ ចំណាប់ខ្មាំងពីររូប ក្នុងនោះ រួមមាន ភ្ញៀវទេសចរ ភេទស្រីជនជាតិចិន មកពីក្រុង សៀងហៃ វ័យ ២៨ ឆ្នាំម្នាក់ និងម្នាក់ផ្សេងទៀត ជាអ្នកបម្រើការ ជនជាតិហ្វីលីពីន ជាស្រ្តី វ័យ ៤០ ឆ្នាំ ពួកគេទាំងពីរនាក់ ត្រូវបានចាប់ជម្រិតចេញពី រមណីយដ្ឋាន Singamata Reef Resort រដ្ឋ Sabah ភាគខាងកើត ប្រទេស ម៉ាឡេស៊ី ខណៈពេលដែលមានជំនឿជាក់ អោយដឹងថា ក្រុមអន្ធពាល បាននាំខ្លួនពួកគេ ទៅកាន់ភាគ ខាងត្បូង ប្រទេស ។</p>
<p><a class="thickbox" title="" href="/FileManager/Commons/2014/6/3/10-03-06-2014--14-03-03.jpg"><img src="/FileManager/Articles/mce/2014/6/3/10-03-06-2014--14-03-03.jpg" alt="" /></a></p>
<p>គ្មានការចំណាយសាច់ប្រាក់ ដើម្បីធ្វើការដោះដូរ អ្វីនោះទេ តែវាគឺជាភាពជោគជ័យ កើតឡើងទៅបាន ខណៈមានកិច្ចសហប្រតិបត្តិការល្អ រវាងមន្រ្តីប៉ូលីស មកពី ពីរ ប្រទេស (ម៉ាឡេស៊ី និង ហ្វីលីពីន) ខ្ញុំ បាទសូមធ្វើការថ្លែងអំណរអរគុណ សម្រាប់ការចូលរួម ដ៏សស្រាក់សស្រាំមួយនេះ លោក Najib គូស បញ្ជាក់នៅលើទំព័រ ទ្វីតធើ ។</p>
<p>លោកបានបញ្ជាក់ថា អាជ្ញាធរ ក៏កំពុងតែពន្លឿន ដល់ដំណើរ នៃការបញ្ជូន ភ្ញៀវទេសចរ ជនជាតិចិន ខាងលើ វិលទៅស្រុកកំណើតវិញ អោយកាន់តែឆាប់ កាន់តែប្រសើរ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ អនឡាញ</p>