<p><span style="color: #000000;"><strong>(ភ្នំពេញ)៖</strong> ក្រសួងការងារកម្ពុជា និង អារ៉ាប់ប៊ីសាអូឌីត បានចុះកិច្ចព្រមព្រៀងជាមួយគ្នា ស្តីពីការជ្រើសរើសពលករការងារតាមផ្ទះ និងការងារទូទៅ ដែលកិច្ចព្រមព្រៀងនេះ ត្រូវបានរំពឹងថា នឹងជួយការពារសិទ្ធិ និងផលប្រយោជន៍របស់ពលករខ្មែរ ដែលទៅធ្វើការ នៅក្នុងប្រទេសអារ៉ាប់ប៊ីសាអូឌីត។</span></p>
<p><span style="color: #000000;">យោងតាមសេចក្តីប្រកាសព័ត៌មានរបស់ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១២ ខែកុម្ភៈ នេះ បានឲ្យដឹងថា ពិធីចុះ ហត្ថលេខាលើកិច្ចព្រមព្រៀងនេះ បានធ្វើឡើងរវាង រដ្ឋមន្រ្តីក្រសួងការងារកម្ពុជា លោក អ៉ិត សំហេង និងរដ្ឋមន្រ្តីក្រសួងការងារអា រ៉ាប់ប៊ីសាអូឌីត លោក Mofarrej S. Al-Hoquabani នៅថ្ងៃទី១១ ខែកុម្ភៈ ម្សិលមិញ ក្នុងគ្រាដែលលោក អ៉ិត សំហេង កំពុងបំពេញ ទស្សនកិច្ចនៅព្រះរាជាណាចក្រអារ៉ាប់ប៊ីសាអូឌីត។</span></p>
<p><span style="color: #000000;">ក្រសួងការងារបានបញ្ជាក់ថា កិច្ចព្រមព្រៀងថ្មីនេះ គឺជាឧបករណ៍ ដ៏សំខាន់ក្នុងការការពារសិទ្ធិ និងផលប្រយោជន៍ពលករខ្មែរ ដោយ ភាគីទាំងពីរត្រូវរៀបចំឲ្យមានប្រព័ន្ធគ្រប់គ្រងជ្រើសរើស ការដាក់ឲ្យធ្វើការ និងការធ្វើមាតុភូមិនិវត្តន៍របស់ពលករ ដោយអនុលោមទៅ តាមច្បាប់ និងបទដ្ឋានការងារសមរម្យ និងបទដ្ឋានសុវត្ថិភាពការងារ។</span></p>
<p><span style="color: #000000;">ភាគីទាំងពីរ ក៏ត្រូវបង្កើតគណៈកម្មការបច្ចេកទេសចម្រុះមួយ ដើម្បីធ្វើការប្រជុំពិភាក្សាលម្អិត និងជាប្រចាំលើបញ្ហាប្រឈមនានា ដែលពាក់ព័ន្ធនិងការអនុវត្តកិច្ចព្រមព្រៀងនេះផងដែរ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlf1/v/t1.0-9/12688012_936825336373321_6055544520128148333_n.jpg?oh=fd0a15ed8d6fb577d0454304f299dd29&oe=576FE2B3" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xft1/t31.0-8/12715919_936825399706648_4905748051318071219_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xal1/t31.0-8/12747355_936825393039982_2805052083399365145_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/l/t31.0-8/12716224_936825396373315_2886460202618011817_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xla1/t31.0-8/12697418_936825329706655_3109464562611519439_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/t31.0-8/12716090_936825333039988_6160291367477220742_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>