<p><span style="color: #000000;"><strong>(ភ្នំពេញ)៖</strong> រហូតមកដល់វេលាម៉ោង១៦៖៣០នាទីរសៀលថ្ងៃទី១៨ ខែឧសភា ឆ្នាំ២០១៦នេះ អ្នកបើកបររថយន្ត RANGE ROVER ត្រូវបានគេសង្ស័យថា ជាតារាចំរៀងមួយរូបនៅកម្ពុជា ដែលជួបគ្រោះថ្នាក់ចរាចរណ៍ កាលពីរំលងអាធ្រាត្រឈានចូលថ្ងៃទី១៨ ខែឧសភានេះ មិនទាន់ចូលខ្លួនមកបំភ្លឺនៅការិយាល័យចរាចរណ៍ផ្លូវគោក រាជធានីភ្នំពេញនៅឡើយទេ។ នេះបើតាមការបញ្ជាក់ឲ្យដឹងពី លោក សែម គន្ធា នាយរងការិយាល័យចរាចរណ៍ផ្លូវគោក រាជធានីភ្នំពេញ បានប្រាប់អង្គភាព Fresh News។</span></p>
<p><span style="color: #000000;">អ្នកបើកបររថយន្ត RANGE ROVER ពាក់ស្លាកលេខ 2X-9987 ដែលគេសង្ស័យថា ជាតារាចំរៀងល្បីមួយរូបនៅកម្ពុជា បានជួបគ្រោះថ្នាក់ចរាចរណ៍ បុកជាមួយរថយន្ត១គ្រឿងទៀត ម៉ាក Celica ពណ៌ខ្មៅ ពាក់ស្លាកលេខ ភ្នំពេញ 2M-5575 បណ្តាលឲ្យបុរសអ្នកបើកបរថយន្ត ម៉ាក Celica ស្លាប់បាត់បង់ជីវិតភ្លាមៗ នៅកន្លែងកើតហេតុនៅចំណុចមុខឃ្លាំង ស្ថាននីយ៍ប្រេងសូគីម៉ិច តាមបណ្តោយផ្លូវជាតិលេខ៥ ស្ថិតក្នុងសង្កាត់ឬស្សីកែវ ខណ្ឌឬស្សីកែវ។</span></p>
<p><span style="color: #000000;">អ្នកបើកបររថយន្ត RANGE ROVER ដែលគេសង្ស័យថា ជាតារាចម្រៀងនោះ បានរត់គេចខ្លួនជាមួយស្រីស្នេហ៍ បន្ទាប់ពីមានគ្រោះថ្នាក់ចរាចរណ៍។</span></p>
<p><span style="color: #000000;">មន្រ្តីនគរបាលចរាចរណ៍ បានបង្ហាញឈ្មោះម្ចាស់កម្មសិទ្ធិរថយន្ត RANGE ROVER ស្លាកលេខ 2X-9987 មាន <strong>«ឈ្មោះថា ឌៀប វណ្ណារ័ត្ន ផ្ទះលេខ៦៦អាអឺO ផ្លូវលេខ ២០០ សង្កាត់បឹងរាំង ខណ្ឌដូនពេញ រាជធានីភ្នំពេញ»</strong>។</span></p>
<p><span style="color: #000000;">ពាក់ព័ន្ធនឹងករណីនេះ សមត្ថកិច្ចកំពុងបន្តស្រាវជ្រាវថាតើ អ្នកបើកបររថយន្ត RANGE ROVER ជានរណា ? តើដូចនឹងការលើកឡើងរបស់ប្រជាពលរដ្ឋដែលឃើញហេតុការណ៍ថា ជាតារាចម្រៀងឬយ៉ាងណា? ព្រោះថា រថយន្ត RANGE ROVER មួយនេះ អាចជាការទិញតពីគ្នា ឬខ្ចីជិះ គឺមិនទាន់ច្បាស់នៅឡើយ។</span></p>
<p><span style="color: #000000;">សូមជំរាបថា នៅម៉ោង១២៖៤០នាទីរំលងអាធ្រាតឈានចូលថ្ងៃទី១៨ ខែឧសភា ឆ្នាំ២០១៦ នៅចំណុចមុខឃ្លាំង ស្ថាននីយ៍ប្រេងសូគីម៉ិច តាមបណ្តោយផ្លូវជាតិលេខ៥ ស្ថិតក្នុងសង្កាត់ឬស្សីកែវ ខណ្ឌឬស្សីកែវ មានហេតុការណ៍គ្រោះថ្នាក់ចរាចរណ៍ ដោយបុរសម្នាក់បានស្លាប់ដោយគៀបជាប់នៅក្នុងរថយន្ត ដោយសារតែបើករថយន្តបុកជាមួយ នឹងរថយន្តសេរីទំនើប ១គ្រឿងទៀត ម៉ាក RANGE ROVER ដែលត្រូវបានគេស្គាល់ថា ជារបស់តារាចំរៀងមួយរូប និងជាអ្នកបើកផងដែរ ដោយបើកក្នុងទិសដៅបញ្ច្រាសគ្នា រួចក៏បុកគ្នាចំពីមុខពេញទំហឹងតែម្តង។ ក្រោយពីបើកបុកស្លាប់ បុរសម្នាក់ហើយ តារាចម្រៀងរូបនោះ បាននាំស្រីស្នេហ៍រត់គេចខ្លួនបាត់។</span></p>
<p><span style="color: #000000;">ប្រភពព័ត៌មានជុំវិញកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញរថយន្តសេរីទំនើបមួយគ្រឿងម៉ាក Range Rover ពណ៌ស ពាក់ស្លាកលេខ ភ្នំពេញ 2X-9987 បើកតាម បណ្តោយផ្លូវជាតិលេខ៥ ក្នុងល្បឿនលឿនទិសដៅពីជើងទៅត្បូង និងមានរថយន្ត១គ្រឿងទៀត ម៉ាក Celica ពណ៌ខ្មៅ ពាក់ស្លាកលេខ ភ្នំពេញ 2M-5575 បើកក្នុងល្បឿនលឿន ដូចគ្នាទិសដៅ បញ្ច្រាសគ្នា ពេលមកដល់ចំណុចកើតហេតុបានបុកគ្នា ចំពីមុខពេញទំហឹង បណ្តាលឱ្យបុរសម្នាក់ដែលជាម្ចាស់ Celica ស្លាប់គៀបជាប់ក្នុងរថយន្ត។</span></p>
<p><span style="color: #000000;">ប្រជាពលរដ្ឋឃើញហេតុការណ៍បាននិយាយថា អ្នកបើករថយន្ត Range Rover ត្រូវបានគេស្គាល់ថា ជាតារាចំរៀងមួយរូប និងរួមដំណើរដោយនារីស្រស់ស្អាតម្នាក់ទៀត បានចុះមកពីលើរថយន្ត រួចគេចខ្លួនបាត់ រីឯរថយន្តទាំង២គ្រឿង រងការខូចខាតផ្នែកខាងមុខយ៉ាងដំណំ។ ក្រោយមកសមត្ថកិច្ចមូលដ្ឋាន បានទៅដល់កន្លែងកើតហេតុ និងសហការជាមួយជំនាញធ្វើការវាស់វែងស្ទូច យករថយន្តទាំង២គ្រឿង ទៅរក្សាទុកនៅការិយាល័យចរាចរណ៍ជើងគោក រាជធានីភ្នំពេញ រង់ចាំដោះស្រាយតាមផ្លូវច្បាប់៕</span></p>
<p><span style="color: #000000;"><br /></span></p>
<p><img src="http://image.freshnewsasia.com/2016/001/05/fn-2016-05-18-08-50-47-1.jpg" alt="" width="730" /></p>
<p><img src="http://image.freshnewsasia.com/2016/001/05/fn-2016-05-18-07-48-46-4.jpg" alt="" width="730" /></p>
<p><img src="http://image.freshnewsasia.com/2016/001/05/fn-2016-05-18-07-48-45-1.jpg" alt="" width="730" /></p>
<p><img src="http://image.freshnewsasia.com/2016/001/05/fn-2016-05-18-07-48-46-2.jpg" alt="" width="730" /></p>
<p><img src="http://image.freshnewsasia.com/2016/001/05/fn-2016-05-18-07-48-46-3.jpg" alt="" width="730" /></p>
<p> </p>
<p><img src="http://image.freshnewsasia.com/2016/001/05/fn-2016-05-18-07-48-46-5.jpg" alt="" width="730" /></p>
<p><img src="http://image.freshnewsasia.com/2016/001/05/fn-2016-05-18-07-48-46-6.jpg" alt="" width="730" /></p>
<p><img src="http://image.freshnewsasia.com/2016/001/05/fn-2016-05-18-07-48-46-7.jpg" alt="" width="730" /></p>
<p><img src="http://image.freshnewsasia.com/2016/001/05/fn-2016-05-18-07-48-46-8.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>