<p>ព័ត៌មានអន្តរជាតិ ៖ បុរសជនជាតិ ចិន ម្នាក់ ត្រូវបានចាប់ឃាត់ខ្លួន និងរងការជាប់ទោសពីបទ មនុស្សឃាត ខណៈគាត់ បានធាក់ទម្លាក់មិត្តស្រីរបស់ខ្លួន ចូលទៅក្នុងលូ ក្រោមដី ដោយនៅ ក្នុងនោះ ៦០ ម៉ោងក្រោយទើប មានគេជួយសង្គ្រោះ បន្ទាប់ពីនាងប្រឺងត្រដររស់ ទាំងដង្ហើម ចង្រិត នេះបើយោងតាមការដកស្រង់ អត្ថបទផ្សាយ ពីគេហទំព័រសារព័ត៌មានបរទេស ស្កាយ</p>
<p>ប្រភពដដែលបន្តអោយដឹងថា មិត្តស្រី ដែលត្រូវជាជនរងគ្រោះខាងលើនេះ ត្រូវបានគេស្គាល់ ឈ្មោះថា Guo នាងត្រូវបានមិត្តប្រុស ធាក់ទម្លាក់ចុះ នៅក្នុងលូ ជម្រៅដល់ទៅ ៣ ម៉ែត្រមួយ នោះ មានទីតាំងស្ថិតនៅក្នុងក្រុង Haikou ។ លុះក្រោយមក នាងត្រូវបានគេជួយសង្គ្រោះ អោយចេញមក ខណៈអ្នកថ្មើរជើង បានឭសម្លេង ស្រែកទ្រហ៊ោយំរបស់នាង ។</p>
<p>ជាការពិត បើតាមការអោយដឹង មិត្តប្រុសរបស់នាង ពិតជា មានបំណង សម្លាប់មិត្តស្រីរបស់ ខ្លួនពិតប្រាកដមែន ខណៈសកម្មភាពខាងលើ គាត់បានរៀបចំ រួចរាល់ ចប់សព្វគ្រប់បាត់ទៅ ហើយ ។ ដោយឡែក បើនិយាយពីមូលហេតុ ដែលនាំអោយគាត់បែកគំនិត ដល់ថ្នាក់ ធ្វើរឿង ឧក្រិដ្ឋខាងលើនេះ ក៏ព្រោះតែ គាត់ពិតជាមិនចង់សងប្រាក់ ដែលមានចំនួនដល់ទៅ ១ សែន យ័ន ទៅមិត្តស្រីរបស់ខ្លួនវិញទេ ស្របពេលដែលគាត់ គឺជាបេក្ខភាព ញៀននឹងល្បែងស៊ីសង នោះ នេះបើតាមការអះអាងអោយដឹង ពីសំណាក់ ក្រុមមន្រ្តីប៉ូលីស ប្រចាំតំបន់ ។ ខាងក្រោម ជាវីដេអូ ជ្រាបកាន់តែច្បាស់ តាមដានទស្សនាបន្តិចទៅ ៖</p>
<p><object width="494" height="423" data="http://www.youtube.com/v/HrVdjS9kusc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/HrVdjS9kusc&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>