<p><span style="color: #000000;"><strong>(ទីក្រុងឡុងដ៍)៖</strong> ក្រសួងការពារជាតិ របស់ចក្រភពអង់គ្លេស (MOD) បានប្រកាសពីឧបករណ៍ ទំហំប៉ុនកំប៉ុងទឹកក្រូច ដែលមានសមត្ថភាពការពារ យន្តហោះចម្បាំង ដែលមានតម្លៃរាប់រយលានដុល្លារ មិនឲ្យគេបាញ់ផ្ទុះនៅលើអាកាសបាន ហើយឧបករណ៍នេះ គ្រោងនឹងត្រូវដាក់ឲ្យធ្វើការសាកល្បង នៅក្នុងឆ្នាំ ២០១៦ នេះ។ នេះបើតាមការផ្សាយ នៅមុននេះបន្តិច ដោយទីភ្នាក់ងារព័ត៌មានចិន ស៊ិនហួរ នាព្រឹកថ្ងៃសៅរ៍ ទី១៧ ខែកញ្ញា ឆ្នាំ២០១៦។</span></p>
<p><span style="color: #000000;">MOD បានចំណាយថវិកា ប្រមាណ ៣.៣ លានដុល្លារអាមេរិក សម្រាប់ផលិតនូវឧបករណ៍បញ្ជោតទំហំតូច ដែលនឹងជួយការពារយន្តហោះចម្បាំងគ្រប់ប្រភេទពីមីស៊ីល។ ម៉្យាងវិញទៀត បំពាក់ដោយប្រព័ន្ធបំភាន់ មីស៊ីលបែបទំនើប ឧបករណ៍បញ្ឆោតឈ្មោះ BriteCloud ដែលមានទំហំប៉ុនកំប៉ុងកូកាកូឡា ត្រូវបានគេរំពឹងថា នឹងមានប្រសិទ្ធភាពខ្ពស់ឆ្ងាយជាង បញ្ឆេះភ្លើង «Flare» ដែលកំពុងត្រូវបានប្រើប្រាស់ ក្នុងការការពារយន្តហោះចម្បាំង ពីមីស៊ីលដូចគ្នា។</span></p>
<p><span style="color: #000000;">ក្រសួងខាងលើ បានបន្តទៀតថា នៅពេលត្រូវបានបញ្ជូនចេញ ពីក្នុងយន្តហោះចម្បាំង ឧបករណ៍ BriteCloud នឹងបញ្ចេញប្រព័ន្ធរ៉ាដារបស់ខ្លួន រំខានដល់ប្រព័ន្ធនៅក្នុងមីស៊ីល ដែលត្រូវបានបាញ់សំដៅ មកកាន់យន្តហោះ ហើយដោយឡែកពីឡុត ក៏អាចប្រើប្រាស់ឧបករណ៍នេះ ដើម្បីបញ្ឆោតមីស៊ីល ទៅគោលដៅផ្សេងទៀត ដែលនឹងមិនបង្កជាគ្រោះថ្នាក់ ដល់ខ្លួនផងដែរ។</span></p>
<p><span style="color: #000000;">គួរបញ្ជាក់ថា ឧបករណ៍បញ្ឆោត BriteCould នឹងត្រូវដាក់ឲ្យប្រើសាកល្បង នៅក្នុងការហោះហើរជាមួយយន្តហោះចម្បាំង RAF Tornado នៅចុងឆ្នាំ២០១៦នេះ ហើយបើជោគជ័យ វាអាចនឹងត្រូវដាក់ប្រើប្រាស់ ជាផ្លូវការនៅឆ្នាំ២០១៧ខាងមុខ។ ដោយឡែក អ្វីដែលជាលក្ខណៈពិសេស របស់ឧបករណ៍បញ្ឆោតនេះ គឺវាមានទំហំតូច មិនដូចឧបករណ៍ពីមុនៗនោះទេ ហើយអាចបញ្ជូនចេញពី កន្លែងបាញ់ «Flare» ដោយមិនចាំបាច់កែច្នៃ យន្តហោះចម្បាំងនោះឡើយ៕</span></p>
<p><a class="thickbox" title="" href="/FileManager/Commons/2016/9/19/10f-19-09-2016--10-39-10.jpg"><img src="/FileManager/Articles/mce/2016/9/19/10f-19-09-2016--10-39-10.jpg" alt="" /></a><br /><br /></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>