<p><span style="color: #000000;"><strong>(ពោធិ៍សាត់)៖</strong> កុមារីអាយុទើបតែ ១ខួប៣ខែ បានស្លាប់យ៉ាងអាណោចអាធ័ម ដោយសារលង់ទឹកអាងជុំវិញព្រះភូមិនៅមុខផ្ទះ ខណៈម្តាយរវល់តែលក់ដូរ ទុកកូនចោលបានបង្កឲ្យមានការភ្ញាក់ផ្អើល នៅរសៀល ថ្ងៃទី១៣ ខែធ្នូ ឆ្នាំ២០១៦នេះ ក្នុងភូមិបាក់រទះ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។</span></p>
<p><span style="color: #000000;">លោក ឈន រិទ្ធ អធិការនគរបាលក្រុងពោធិ៍សាត់ បានប្រាប់ភ្នាក់ងារ Fresh News ឲ្យដឹងថា សាកសពក្មេងស្រីដែលលង់ទឹកស្លាប់នោះ មានឈ្មោះ តុន លក្ខិណា អាយុ១ខួប៣ខែ មានឪពុកឈ្មោះ តង ដារ៉ូ អាយុ២៣ឆ្នាំ និងម្តាយឈ្មោះ ស្រី លីន អាយុ២៤ឆ្នាំ រស់នៅភូមិសង្កាត់ កើតហេតុខាងលើ។</span></p>
<p><span style="color: #000000;">ក្រោយពីបានទទួលព័ត៌មានភ្លាម កម្លាំងនគរបាលប៉ុស្តិ៍របស់លោក បានចុះទៅដល់កន្លែងកើតហេតុ និងធ្វើការពិនិត្យឃើញថា ក្មេងស្រីរងគ្រោះ ពិតជាបានលង់ទឹកក្នុងអាងទឹកជុំវិញព្រះភូមិ នៅពីមុខផ្ទះពិតប្រាកដមែន ដោយសារតែការធ្វេសប្រហែសរបស់ម្តាយ ដែលទុកកូនចោលឲ្យរត់លេង ព្រោះរវល់តែលក់ដូរ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-13-16-52-45-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-13-16-52-45-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-13-16-52-45-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>