<p><span style="color: #000000;">អ្នកឈ្នះពានរង្វាន់លីគលំដាប់ទី ២ បាននិយាយ កាលពីថ្ងៃព្រហស្បតិ៍ទី ២៣ ខែកក្កដាថាក្រុម Leeds United បានចុះហត្ថលេខាលើអ្នកចាំទី <strong>Illan Meslier</strong> ពីក្លឹបបារាំង <strong>Lorient</strong> ក្នុងកិច្ចសន្យាជាអចិន្ត្រៃយ៍បន្ទាប់ពីខ្ចីជើងរួចមក ។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/7/24/image20200724t081259734z-24-07-2020--15-51-31.png"><img src="/FileManager/Articles/mce/2020/7/24/image20200724t081259734z-24-07-2020--15-51-31.png" alt="" /></a><br /></span></p>
<p><span style="color: #000000;">កីឡាករវ័យ ២០ ឆ្នាំរូបនេះ បានចុះកុងត្រារយៈពេល ៣ ឆ្នាំជាមួយ <strong>Leeds </strong>ដោយរក្សាបាន ៧ Clean Sheets ក្នុងការប្រកួតលីគ ១០ ខណៈក្រុមរបស់លោក <strong>Marcelo Bielsa</strong> បានបញ្ចប់ការរង់ចាំរយៈពេល ១៦ ឆ្នាំដើម្បីធានាការវិលត្រឡប់មកកាន់លីគកំពូលអង់គ្លេសវិញ។</span></p>
<p><span style="color: #000000;">អ្នកចាំទី វ័យក្មេងរូបនេះ<strong> </strong>បានប្រាប់គេហទំព័ររបស់ក្លិបថា៖“វាមិនគួរឱ្យជឿ យើងបានឡើងមកលេង ក្នុងក្របខណ្ឌ Premier League ហើយថ្ងៃនេះ ខ្ញុំបានចុះកុងត្រា ជាមួយ Leeds United ជាអចិន្ត្រៃយ៍ដូច្នេះខ្ញុំពិតជារីករាយណាស់” ។</span></p>
<p><span style="color: #000000;">គោលបំណងរបស់ខ្ញុំ នៅពេលដែលខ្ញុំបានមកដល់គឺលេងអោយអស់សមត្ថភាពដើម្បី ក្លឹប ។ អ្នកដឹងទេ Leeds គឺល្អ ល្អឥតខ្ចោះ ទាំងអ្នកគាំទ្រក្លឹប និងពហុកីឡដ្ឋាន ក៏ដូចជាមិត្តរួមក្រុមផងដែរ គឺមិនគួរឱ្យជឿនោះទេ ដូច្នេះខ្ញុំតែងតែចង់លេងនៅទីនេះ”។ នេះជាសម្តីរបស់អ្នកចាំទី <strong>Illan Meslier </strong>បានបញ្ជាក់។</span></p>
<p><span style="color: #000000;">គួររំលឹកផងដែរថា កីឡាករបារាំង Meslier បានជាប់ជាអ្នកចាំទីជម្រើសដំបូងនៅ Leeds នៅពេលដែល Kiko Casilla ត្រូវបានហាមឃាត់មិនឱ្យប្រកួតចំនួន ៨ ប្រកួតពីបទរើសអើងពូជសាសន៍ កាលពីខែកុម្ភៈ៕</span></p>
<p><span style="color: #000000;">ប្រែសម្រួល៖ ផាន់ណា</span></p>
<p><span style="color: #000000;">ប្រភព៖ : Channel News Asia</span></p>
<p> </p>