<p><span style="color: #000000;"><strong>(សៀមរាប)៖</strong> ជនដៃដល់ម្នាក់ ដែលបានកាប់សម្លាប់ក្មេងប្រុស៣នាក់ ហើយប្លន់យកម៉ូតូ នៅស្រុកអង្គរជុំនោះ បានលួចកាត់សោទ្វារនៃមន្ទីរឃុំឃាំង ស្នងការដ្ឋាននគរបាលខេត្តសៀមរាប នៅវេលាទៀបភ្លឺ ថ្ងៃទី៤ ខែមករាឆ្នាំ២០១៦នេះ រត់គេចខ្លួនបាត់ហើយ។</span></p>
<p><span style="color: #000000;">ជនដៃដល់រូបនោះមានឈ្មោះ ឈន់ ឆេន អាយុ១៨ឆ្នាំ ត្រូវបានកម្លាំងនគរបាលចាប់ខ្លួន នៅយប់ថ្ងៃទី២ ខែមករា ឆ្នាំ២០១៦ ក្រោយកាប់សម្លាប់ក្មេងប្រុស៣នាក់ ប្លន់យកម៉ូតូមួយគ្រឿង នៅស្រុកអង្គរជុំ។</span></p>
<p><span style="color: #000000;">ស្នងការនគរបាលខេត្តសៀមរាប លោកឧត្តមសេនីយ៌ សត ណាឌី បានប្រាប់អង្គភាព Fresh News មុននេះបន្តិចថា រហូតមកដល់ពេលនេះ (៩៖៣២នាទី) កម្លាំងរបស់លោក មិនទាន់តាមចាប់ជនសង្ស័យរូបនេះ យកមកវិញនៅឡើយទេ៖ «រត់បាត់ហើយ មិនទាន់ចាប់បានទេ»។</span></p>
<p><span style="color: #000000;">សូមបញ្ជាក់ថា ស្នងការនគរបាលខេត្តសៀមរាប បានប្រាប់អង្គភាព Fresh News ថា ជនដៃដល់ដែលកាប់សម្លាប់ក្មេងប្រុស៣នាក់ ត្រូវបានកម្លាំងនគរបាលរបស់លោក ចាប់ខ្លួនបាន នៅយប់ថ្ងៃទី២ ខែមករា ឆ្នាំ២០១៦។</span></p>
<p><span style="color: #000000;">ក្មេងប្រុសមិនទាន់គ្រប់អាយុចំនួន៣នាក់ ត្រូវបានជនដៃដល់រូបនេះ កាប់សម្លាប់យ៉ាងសាហាវឃោឃៅ ដើម្បីយកម៉ូតូមួយគ្រឿងម៉ាក C125 ពណ៌ខ្មៅ ស៊េរី២០១១ ពាក់ស្លាក លេខប៉ៃលិន 1A-6878 នៅរសៀលថ្ងៃទី២ ខែមករា ឆ្នាំ២០១៦នេះ ស្ថិតក្នុងភូមិគោកដូង ឃុំគោកដូង ស្រុកអង្គរជុំ។</span></p>
<p><span style="color: #000000;">ជនរងគ្រោះទាំង៣នាក់រួមមាន៖ ទី១-ឈ្មោះ អ៊ាំង សូយ ភេទប្រុស អាយុ៨ឆ្នាំ ភូមិគោកដូងថ្មឹ ឃុំគោកដូង ស្រុកអង្គរជុំ, ទី២-ឈ្មោះ មាឌ យ៉ា ភេទប្រុស អាយុ១៣ឆ្នាំ ភូមិគោកត្របែក ឃុំគោកដូង និងនិងទី៣-ឈ្មោះ មិច ក្អាត់ ភេទប្រុស អាយុ១៦ឆ្នាំ ភូមិគោកត្របែក ឃុំគោកដូង ស្រុកអង្គរជុំ៕</span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2016/1/4/1-4-2016-9-54-01-am-04-01-2016--10-02-23.png"><img src="/FileManager/Articles/mce/2016/1/4/1-4-2016-9-54-01-am-04-01-2016--10-02-23.png" alt="" /></a></span></span></p>
<p><a class="thickbox" title="" href="/FileManager/Commons/2016/1/4/1-4-2016-9-57-16-am-04-01-2016--10-04-12.png"><img src="/FileManager/Articles/mce/2016/1/4/1-4-2016-9-57-16-am-04-01-2016--10-04-12.png" alt="" /></a><span style="color: #000000;"><span style="color: #000000;"><a class="thickbox" title="" href="/FileManager/Commons/2016/1/4/1-4-2016-9-54-01-am-04-01-2016--10-02-23.png"></a></span></span></p>
<p><span style="color: #000000;"><a class="thickbox" title="" href="/FileManager/Commons/2016/1/4/1-4-2016-9-54-01-am-04-01-2016--10-02-23.png"></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>