<p><span style="color: #000000;"><strong>(ភ្នំពេញ)៖</strong> យ៉ាងហោចណាស់មានករណីប្លន់ម៉ូតូ២លើក បានសម្រេចទាំង២ សង្កាត់ផ្សេងគ្នា នៃទឹកដីខណ្ឌចំកាមន ដោយករណីទី១កើតឡើង នៅលើស្ពានអាកាសស្ទឹងមានជ័យ ស្ថិតក្នុងសង្កាត់ទំនប់ទឹក ខណ្ឌចំកាមន នាម៉ោងជាង១០យប់ ថ្ងៃទី១៥ ខែមីនា ឆ្នាំ២០១៦ បង្កឡើងដោយជនសង្ស័មួយក្រុម មានគ្នា៥ទៅ៦នាក់ ជិះម៉ូតូបីគ្រឿងប្រដាប់ដោយដាវសាំម៉ូរៃ បានធ្វើសកម្មភាពកាប់ប្លន់ ទៅលើជនរងគ្រោះ យកម៉ូតូមួយគ្រឿងម៉ាក MSX ពណ៌ស ស្លាកលេខភ្នំពេញ 1FB-201 ទៅបាត់ដោយសុវត្ថិភាព។</span></p>
<p><span style="color: #000000;">បន្ទាប់ពីជនសង្ស័យកាប់ប្លន់ យកម៉ូតូទៅបាត់ជនរងគ្រោះបានត្រឹមតែ មកដាក់ពាក្យបណ្តឹងប៉ុស្តិ៍ទំនប់ទឹក ទាំងស្តាយម៉ូតូតែប៉ណ្ណោះ។</span></p>
<p><span style="color: #000000;">ចំណែកករណីទី២វិញ កើតឡើងនៅម៉ោង៤៖០០នាទីទៀបភ្លឺ ថ្ងៃទី១៦ ខែមីនា ឆ្នាំ២០១៦ នៅចំណុចជិតរង្វង់មូលផ្សារថើមថ្កូវ សង្កាត់ផ្សារដើមថ្កូវ ខណ្ឌចំកាមន គឺមានជនល្មើស២នាក់ជិះម៉ូតូមួយគ្រឿងម៉ាក Wave មិនចាំពណ៌ និងស្លាកលេខ ប្រើប្រាស់អាវុធខ្លីមួយដើម បានធ្វើសកម្មភាពវាយក្បាលជនរងគ្រោះ ជានារីប្លន់យកម៉ូតូមួយគ្រឿងម៉ាក Zommer ពណ៌ទឹកសមុទ្រ ស្លាកលេខភ្នំពេញ 1FN-1678 រួមជាមួយកាបូបស្ពាយមួយ ដែលក្នុងកាបូបនោះមានសម្ភារដូចជាទូរសព្ទ័ ម៉ាក Iphone 5s មួយគ្រឿង និង Iphone 6sមួយ ខ្សែជើងមួយខ្សែ និងលុយ៦០ដុល្លារ។</span></p>
<p><span style="color: #000000;">បើតាមសំដីនារីរងគ្រោះឈ្មោះ ហួយ ការូលីន អាយុ២១ឆ្នាំ ស្នាក់នៅជិតវត្តសន្សំកុសលបានប្រាប់ថា មុនកើតហេតុនារីរងគ្រោះ បានចេញពីក្លឹបកំសាន្តជាមួយបងធម៌ ម្តុំវត្តភ្នំដោយជិះម៉ូតូម្នាក់មួយ លុះជិះជិតដល់រង្វង់មូលផ្សារដើមថ្កូវ ដែលជាកន្លែងកើតហេតុ បងប្រុសធម៌របស់់នារីរងគ្រោះ ក៏បានជិះម៉ូតូទៅរកផ្ទះសំណាក់ដេកមុន ដោយឲ្យនារីរងគ្រោះជាប្អូនស្រី ទៅរកទិញទឹកផឹក លុះជិះទៅមិនទាន់ដល់កន្លែង លក់ទឹកសុទ្ធផងនារីរងគ្រោះ ក៏ត្រូវបានជួបក្រុមចោរ២នាក់ជិះម៉ូតូមួយគ្រឿង និងប្រើប្រាស់កាភ្លើងខ្លីមួយដើម វាយក្បាលប្លន់យកម៉ូតូ និងសម្ភារជាច្រើនទៅបាត់ ដោយសុវត្ថិភាព ។</span></p>
<p><span style="color: #000000;">បន្ទាប់ពីក្រុមចោរចេញទៅបាត់នារីរងគ្រោះ រួមជាមួយបងប្រុសធម៌ បានទៅដាក់ពាក្យបណ្តឹង នៅប៉ុស្តិ៍នគរបាល ដើម្បីធ្វើការស្រាវជ្រាវបន្តទៀត។</span></p>
<p><span style="color: #000000;">យ៉ាងណាក៏ដោយ ករណីទាំង២នេះ មន្រ្តីនគរបាលខណ្ឌចំការមន កំពុងធ្វើការសួរនាំបន្ថែមទៀត ដើម្បីបញ្ជាក់ឲ្យបានច្បាស់ថា ជាករណីប្លន់ពិតប្រាកដ ឫជាករណីអ្វីផ្សេង?៕</span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xaf1/v/t1.0-9/q83/s851x315/1688072_1570979466549752_5636848065490068562_n.jpg?oh=19538fdbf798f66607a700540c900e4c&oe=574CBA01" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xfp1/v/t1.0-9/832_1570979456549753_8571160991561799232_n.jpg?oh=33b722aff1138d4541fd39e9fa0f37f8&oe=5791DB20" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xpf1/v/t1.0-9/1930714_1570979513216414_6424055910723137946_n.jpg?oh=bd871040881f0cb9ccadf2763c118bd1&oe=5750DA2D" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>