<p><span style="font-size: 12px; color: #000000;">ដូចនឹងទូរស័ព្ទដៃដែរ បណ្តាញ WiFi ប្រើប្រាស់រលកវិទ្យុដើម្បីបញ្ជូនព័ត៌មានឆ្លងកាត់បណ្ដាញមួយ។ ម៉ាស៊ីនកុំព្យូទ័រ គួរតែរួមបញ្ចូលទាំងអាដាប់ធ័រឥតខ្សែ ដែលនឹងបកប្រែទិន្នន័យ ដែលបានផ្ញើចូលទៅក្នុងសញ្ញាវិទ្យុ(Radio Signal)។ សញ្ញាដូចគ្នានេះ នឹងត្រូវបានបញ្ជូនតាមរយៈអង់តែន ទៅកាន់ឧបករណ៍ឌិកូដ ដែលគេស្គាល់ថា ជារ៉ោតទ័រ។ នៅពេលដែលទិន្នន័យ ត្រូវបានឌីកូដ(Decode) ទិន្នន័យនេះ នឹងត្រូវបានផ្ញើ ទៅកាន់អ៊ីនធឺណិត តាមរយៈការតភ្ជាប់អ៊ីសឺរណិតមួយខ្សែ។</span></p>
<p><span style="color: #000000;"> ខណៈពេលដែលបណ្តាញឥតខ្សែដំណើរការជាចរាចរណ៍ពីរផ្លូវ(Two-way traffic) នោះ ទិន្នន័យ ដែលទទួលបានពីអ៊ីនធឺណិត នឹងឆ្លងកាត់រ៉ោតទ័រ ដែលត្រូវបាន code ចូលទៅក្នុងសញ្ញាវិទ្យុ ដែលនឹងត្រូវទទួល ដោយអាដាប់ធ័រឥតខ្សែរបស់កុំព្យូទ័រ។</span></p>
<p><span style="color: #000000;"><strong>ហ្រ្វេកង់របស់ប្រព័ន្ធ </strong><strong>WiFi</strong> </span><br /><span style="color: #000000;"> បណ្តាញឥតខ្សែ នឹងបញ្ជូនហ្វ្រេកង់នៅកម្រិត 2,4 GHz ឬ 5GHz ដើម្បីសម្របទៅនឹងកម្រិតនៃទិន្នន័យ ដែលត្រូវបានផ្ញើដោយ Users ។ មាត្រដ្ឋានបណ្តាញ 802.11 នឹងមានការប្រែប្រួល ដែលភាគច្រើនអាស្រ័យទៅលើតម្រូវការរបស់ Users។</span><br /> <br /><span style="color: #000000;"> មាត្រដ្ឋានបណ្ដាញ 802.11a នេះ នឹងបញ្ជូនទិន្នន័យ ក្នុងកម្រិតប្រេកង់ 5GHz ។ Orthogonal Frequency-Division Multiplexing (OFDM) ដែលត្រូវបានប្រើ មានតួនាទីបង្កើនសមត្ថភាពទទួលទិន្នន័យ ដោយបែងចែកសញ្ញាវិទ្យុ ចូលទៅក្នុងសញ្ញាតូចៗ មុនពេលឆ្លងចូលដល់ Router។ អ្នកអាចបញ្ជូនទិន្នន័យធំបំផុតទំហំ 54 megabits ក្នុងមួយវិនាទី។</span><br /> <br /><span style="color: #000000;"> មាត្រដ្ឋានបណ្ដាញ 802.11b នឹងបញ្ជូនទិន្នន័យ នៅកម្រិតប្រេកង់ 2.4GHz ដែលជាល្បឿនដ៏យឺតមួយ។ អ្នកអាចបញ្ជូនទិន្នន័យធំបំផុត 11 Megabits ក្នុងមួយវិនាទី។</span><br /> <br /><span style="color: #000000;"> មាត្រដ្ឋានបណ្ដាញ 802.11g នឹងបញ្ជូនទិន្នន័យ នៅកម្រិតប្រេកង់ 2.4GHz ប៉ុន្តែអាចបញ្ជូនទិន្នន័យធំបំផុត 54 Megabits ក្នុងមួយវិនាទី ខណៈពេលដែលវាប្រើរួមជាមួយ OFDM Coding។</span><br /> <br /><span style="color: #000000;"> មាត្រដ្ឋានបណ្ដាញ 802.11n ដែលជាមាត្រដ្ឋានកម្រិតខ្ពស់ អាចបញ្ជូនទិន្នន័យធំបំផុត 140 Megabits ក្នុងមួយវិនាទី និងប្រើកម្រិតប្រេកង់ 5GHz ។</span></p>
<p><span style="color: #000000;"><strong>តើ </strong><strong>Hotspots </strong><strong>គឺជាអ្វី</strong>?</span><br /><span style="color: #000000;"> ពាក្យ Hotspots នេះត្រូវបានប្រើដើម្បីកំណត់តំបន់ ដែលអាចចូលដំណើរការប្រព័ន្ធ WiFi បាន។ វាអាចចូលដំណើរការបានតាមរយៈបណ្តាញឥតខ្សែឯកជននៅផ្ទះ ឬនៅទីសាធារណៈដូចជា ភោជនីយដ្ឋាន ឬព្រលានយន្តហោះ។</span><br /> <a class="thickbox" title="" href="/FileManager/Commons/2018/9/13/11-13-09-2018--11-59-46.PNG"><img src="/FileManager/Articles/mce/2018/9/13/11-13-09-2018--11-59-46.PNG" alt="" /></a><br /><span style="color: #000000;"> ដើម្បីចូលដំណើរការ Hotspots បាន កុំព្យូទ័ររបស់អ្នក គួរតែភ្ជាប់ជាមួយអាដាប់ធ័រឥតខ្សែ។ ប្រសិនបើអ្នកកំពុងប្រើប្រាស់កំព្យូទ័រយូរដៃសេរីទំនើប វាប្រហែលជាបានភ្ជាប់ឧបករណ៍បញ្ជូនឥតខ្សែ(built-in wireless transmitter) រួចទៅហើយ។ បើវាពុំមាន built-in wireless transmitter ទេ អ្នកអាចទិញអាដាប់ធ័រឥតខ្សែ ដែលនឹងដោតចូលទៅក្នុងរន្ធ PCI ឬរន្ធ USB ។ ពេលដំឡើងរួច ប្រព័ន្ធរបស់អ្នក នឹងចាប់បាន WiFi Hotspots ដោយស្វ័យប្រវត្តិ និងស្នើសុំឱ្យមានការតភ្ជាប់។ ប្រសិនបើមិនអាចចាប់បានទេ អ្នកគួរប្រើកម្មវិធីមួយ ដើម្បីដោះស្រាយបញ្ហានេះសម្រាប់អ្នក។</span></p>
<p><span style="color: #000000;"><strong>តភ្ជាប់ទៅប្រព័ន្ធ </strong><strong>WiFi </strong><strong>តាមរយៈម៉ូដឹម</strong><strong><br /> </strong>ដើម្បីចាប់ផ្តើមការតភ្ជាប់ ជាមួយនឹងរ៉ោតទ័រឥតខ្សែ ជាដំបូង អ្នកត្រូវប្រាកដថា វាត្រូវបានដោត ចូលទៅក្នុងចំណុចតភ្ជាប់អ៊ីនធឺណិត។ បើកម៉ូដឹមខាងក្រៅរបស់អ្នក មុនពេលដោត Router ចូលទៅក្នុងម៉ាស៊ីនកុំព្យូទ័ររបស់អ្នក តាមរយៈខ្សែអ៊ីសឺរណិត(Ethernet)។ បន្ទាប់មក សូមបើក Wireless Router ហើយបើកកម្មវិធីរុករកអ៊ីនធឺណិតរបស់អ្នក(Internet Browser)។</span><br /> <br /><span style="color: #000000;"> អ្នកនឹងត្រូវបានស្នើឱ្យបញ្ចូល IP Address របស់ Router។ IP Address នឹងមានលក្ខណៈផ្សេងគ្នា អាស្រ័យលើសេវា ដែលអ្នកប្រើ។ Users ដែលប្រើសេវា Belkin គួរបញ្ចូល http://192.168.0.1 .. ប្រសិនបើអ្នក ជាអ្នកប្រើសេវា Linksys ត្រូវបញ្ចូល http://192.168.1.1 ។ ប្រសិនបើអ្នក មិនប្រើប្រាស់សេវាណាមួយទេ សូមបញ្ចូលលេខកូដ http://192.168.2.1 ។</span><br /> <br /><span style="color: #000000;"> ឥឡូវសូមបំពេញ Username និងពាក្យសម្ងាត់ Router របស់អ្នក។ កំណត់ SSID របស់អ្នក (សមត្ថភាពឥតខ្សែ) ដោយជ្រើសរើសយក Active ហើយបន្ទាប់មក វាយ Username និងពាក្យសម្ងាត់ ដែលបានផ្ដល់ដោយ ក្រុមហ៊ុនផ្ដល់សេវាអ៊ីនធឺណិត (ISP) របស់អ្នក ហើយជ្រើសរើសយកពាក្យ WEP ឬ WPA security។ជ្រើសរើសលេខសម្ងាត់ថ្មី ដើម្បីបញ្ចប់ការតំឡើងប្រព័ន្ធ WiFi ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/9/13/mekongnet-13-09-2018--12-00-05.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ tech-faq</span></p>