<p><span style="color: #000000;"><strong>(ភ្នំពេញ)៖</strong> ស្រ្តីជនជាតិអាមេរិក មានដើមកំណើតខ្មែរម្នាក់ ឈ្មោះ អ៊ុង សុភីណា ដែលបានឈ្នះក្នុងការប្រកួតធ្វើម្ហូប «Chopped: Grill Masters Napa Valley» នៅក្នុងទូរទស្សន៍ Reality TV ដ៏ល្បីរបស់អាមេរិក។</span></p>
<p><span style="color: #000000;">អ្នកស្រី អ៊ុង សុភីណា ជាចុងភៅដែលកំពុងចាប់មានឈ្មោះល្បីម្នាក់ នៅតំបន់ San Francisco Bay area។ គាត់បានឈ្នះចុងភៅ ១៥នាក់ទៀត ដែលមកពីទូទាំងសហរដ្ឋអាមេរិក កាលពីខែសីហា ដោយបានធ្វើម្ហូប ៣មុខ ដែលមានក្បាលជ្រូក ស្ករគ្រាប់សូកូឡា គុយទាវធ្វើពីម្ស៉ៅមីម្យ៉ាង និងបន្លែស្លឹក ហើយបានទទួលរង្វាន់ ៥០ ០០០ ដុល្លារ។ នេះបើតាមការផ្សព្វផ្សាយ នៅលើទំព័រ Facebook របស់ស្ថានទូតអាមេរិកប្រចាំនៅកម្ពុជា នៅថ្ងៃចន្ទនេះ។</span></p>
<p><span style="color: #000000;">លោកស្រី អ៊ុង សុភីណា បានទៅតាំងទីលំនៅក្នុងទីក្រុង Long Beach នៃរដ្ឋ California ពីប្រទេសកម្ពុជា កាលគាត់នៅជាកុមារ ហើយបានចំណាយពេលចំនួន ២៥ ឆ្នាំ ក្នុងអាជីពរបស់គាត់នៅក្នុងឧស្សាហកមុ្មភោជនីយដ្ឋាន។</span></p>
<p><span style="color: #000000;">ពេលនេះ លោកស្រី សុភីណាគឺជាមេចុងភៅនៅក្នុងភោជនីយដ្ឋានមួយ នៅក្នុងទីក្រុង Oakland ក្នុងរដ្ឋ California នៅក្រៅទីក្រុង San Francisco ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14237691_10154011465918224_2002054212004132346_n.jpg?oh=9986fc2cf5c2cc4048f84f42230f927f&oe=587C6C8F" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>