<p><span style="color: #000000;">ក្នុងរយះពេលប៉ុន្មានថ្ងៃកន្លងមកនេះ Samsung Galaxy Note 7 ដែលបានប្តូរថ្មី ត្រូវបានសារព័ត៌មានល្បីៗ បន្តចុះផ្សាយជាបន្តបន្ទាប់ ពាក់ព័ន្ធនឹងបញ្ហាដែល វានៅតែបន្តផ្ទុះឆេះ។ </span></p>
<p><span style="color: #000000;"><a class="thickbox" title="" href="/FileManager/Commons/2016/10/9/img0181-800x534-09-10-2016--15-35-43.jpg"><img src="/FileManager/Articles/mce/2016/10/9/img0181-800x534-09-10-2016--15-35-43.jpg" alt="" /></a><br /></span></p>
<p><span style="color: #000000;">ដំបូងគឺ Note7 ដែលបានប្តូរថ្មីមួយគ្រឿង បានផ្ទុះឆេះ នៅក្នុងយន្តហោះរបស់ Southwest Airlines នៅពេលដែលការហោះហើរ ជិតនឹងចេញដំណើរទៅហើយនោះ។ ហើយថ្មីៗនេះ ក៏មានព័ត៌មានផ្សាយថា Note 7 ប្តូរថ្មីមួយគ្រឿងទៀត បានផ្ទុះឆេះនៅតៃវ៉ាន់។</span></p>
<p><span style="color: #000000;">កត្តានេះ បានធ្វើឲ្យអ្នកប្រើប្រាស់ពីមួយថ្ងៃទៅមួយថ្ងៃ កាន់តែមានការព្រួយបារម្ភ ហើយបណ្តាក្រុមហ៊ុនប្រព័ន្ធទូរស័ព្ទចល័តនៅអាមេរិច ក៏ភ័យបុកពោះពីរឿងនេះ មិនតិចដែរ។ ប្រព័ន្ធទូរស័ព្ទចល័តមួយចំនួននៅអាមេរិច បានអនុញ្ញាតឲ្យអតិថិជនខ្លួនប្តូរ Note 7 យកម៉ូដែលផ្សេង។ ក្នុងនោះ ប្រព័ន្ធទូរស័ព្ទចល័ត AT&T កំពុងតែពិចារណាលើផែនការ ឈប់ដាក់លក់ Note7 ជារៀងរហូតតែម្តង។ </span></p>
<p><a class="thickbox" title="" href="/FileManager/Commons/2016/10/9/note7header-09-10-2016--15-42-45.jpg"><img src="/FileManager/Articles/mce/2016/10/9/note7header-09-10-2016--15-42-45.jpg" alt="" /></a></p>
<p><span style="color: #000000;">បន្ទាប់ស្ងប់ស្ងាត់មួយរយះពេលកន្លងមក Samsung បានចេញសេចក្តីថ្លែងការណ៍ជាផ្លូវការមួយ ជុំវិញបញ្ហាថ្មីៗដែលទើបតែកើតឡើងកន្លងមកនេះ។ </span></p>
<p><span style="color: #000000;"><strong>+ ករណីដែលបានកើតឡើងនៅ Southwest Airlines, Samsung បានឲ្យដឹងថា:</strong></span></p>
<p><span style="color: #000000;">ដោយសារតែមិនទាន់ទទួលបាននូវឧបករណ៍ដែលបានជួបបញ្ហា ដូច្នេះពួកខ្ញុំនៅមិនទាន់អាចធ្វើការកំណត់បញ្ជាក់បញ្ហានេះ ថាមានពាក់ព័ន្ធនឹង Note 7 ប្តូរថ្មីឬក៏អត់នោះទេ។ ពួកខ្ញុំកំពុងតែធ្វើការសហការ ជាមួយនឹងមន្ត្រីអាជ្ញាធរពាក់ព័ន្ធ និង Southwest Airlines ក្នុងគោលបំណងរកដំណោះស្រាយ និងកំណត់បញ្ជាក់ពីមូលហេតនៃការផ្ទុះពិតប្រាកដ។ នៅពេលដែលពួកខ្ញុំបានធ្វើការត្រួតពិនិត្យឧបករណ៍ នោះពួកខ្ញុំនឹងមានព័ត៌មានបន្ថែមច្រើនជាងនេះ ចែករំលែក។ </span></p>
<p><span style="color: #000000;"><strong>+ <span style="color: #000000;"><strong>បន្ទាប់នោះ </strong></span>សេចក្តីថ្លែងការណ៍ជារួមមួយ ពាក់ព័ន្ធនឹងបញ្ហាដែលកំពុងជួបប្រទះ ក៏ត្រូវបាន Samsung ដាក់ចេញភ្លាមដែរ :</strong> </span></p>
<p><span style="color: #000000;">Samsung យល់នូវការព្រួយបារម្ភ ដែលបណ្តាក្រុមហ៊ុនប្រព័ន្ធទូរស័ព្ទចល័ត និងអ្នកប្រើប្រាស់ កំពុងតែមាន បន្ទាប់ពីមានការលេចចេញនូវរបាយការណ៍ចុះផ្សាយជាច្រើន ដែលបានធ្វើឲ្យមានការសង្ស័យ ពាក់ព័ន្ធទៅនឹងគុណភាពរបស់ Note7 ដែលបានប្តូរថ្មីរបស់ពួកខ្ញុំ។ ពួកខ្ញុំកំពុងតែបន្តធ្វើការងារនេះ យ៉ាងឆាប់រហ័ស និងព្យាយាបបំផុត ដើម្បីត្រួតពិនិត្យបណ្តាករណីដែលត្រូវបានរាយការណ៍មក ដើម្បីកំណត់បញ្ជាក់ និងចែករំលែកនូវមូលហេតុ កាន់តែឆាប់កាន់តែល្អ។ </span></p>
<p><span style="color: #000000;">នៅក្នុងដំណាក់កាលនេះ ពួកខ្ញុំរក្សានូវទំនាក់ទំនងយ៉ាងជាប់លាប់ ជាមួយនឹងគណកម្មការសុវត្ថិភាពផលិតផលប្រើប្រាស់អាមេរិច (CPSC)។ បើសិនជាលេចចេញនូវបញ្ហា ពាក់ព័ន្ធនឹង Note7 ដែលបានប្តូរថ្មី ពួកខ្ញុំនឹងសហការជាមួយនឹង CPSC ដើម្បីស្វែងរកវិធានការ ដោះស្រាយស្ថានការណ៍។ ពួកខ្ញុំចង់បញ្ជាក់ថា ពួកខ្ញុំត្រួតពិនិត្យគ្រប់របាយការណ៍ទាំងអស់ យ៉ាងយកចិត្តទុកដាក់ជាទីបំផុត ហើយពួកខ្ញុំឆ្លើយតបទៅលើការអត់ធ្មត់របស់ អ្នកទាំងអស់គ្នា ដោយការធ្វើការឧស្សាហ៍ព្យាយាមជាទីបំផុត"៕</span></p>
<p><span style="color: #000000;"><a href="http://www.camnews.com.kh/News/Detail/16675/new-galaxy-note-7-exploded-in-taiwan"><span style="color: #0000ff;"><em>- Galaxy Note 7 ថ្មីមួយគ្រឿងទៀតហើយ បានបន្តផ្ទុះឆេះ នៅតៃវ៉ាន់</em></span></a><br /><span style="color: #000000;"><span style="color: #0000ff;"><span style="color: #000000;"><a href="http://www.camnews.com.kh/News/Detail/10177/at--t-think-to-stop-selling-galaxy-note-7-after-it-still-has-broplem-exploded"><span style="color: #0000ff;"><em>- ក្រុមហ៊ុនប្រព័ន្ធទូរស័ព្ចល័តទនៅអាមេរិច រំលឹកដល់ការឈប់លក់ Note 7 ទាំងស្រុង បន្ទាប់ពីស្មាតហ្វូននេះ នៅតែមានផ្ទុះឆេះ</em></span></a></span></span></span><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ PhoneArena, Genk</em></p>