<p><strong>ភ្នំពេញ៖</strong> បទចម្រៀង «យមបាលបើក Internet» ដែល ជាស្នាដៃនិពន្ធដោយកវីជើងចាស់ ល្បាញ ល្បី ហ្វៃ សំអាង និងច្រៀងដោយក្រុមតារា «ផ្កាយរះក្នុងសួន» របស់ទូរទស្សន៍អប្សរា ក្នុងទិវា ប្រយុទ្ធប្រឆាំងអំពើពុករលួយកាលពីថ្ងៃ ទី៩ ខែធ្នូ ឆ្នាំ២០១៣កន្លងទៅ ទទួលបានការគាំទ្រ យ៉ាង ខ្លាំង ពីប្រជាពលរដ្ឋខ្មែរ ជាពិសេសអ្នកស្អប់នូវអំពើពុក រលួយ កើតចេញពីក្រុមអ្នកមានអំណាច និងមានលុយ។</p>
<p>«យមបាលបើក Internet» បង្ហោះតាមបណ្តាញសង្គមហ្វេសប៊ុក ក្រោមការសម្តែង ដ៏ក្រម៉ិចក្រមើម អមជាមួយទឹក ដមសំឡេងក្រអៅក្រអួន ដ៏មានអត្ថរស របស់ក្រុមតារាវ័យក្មេងសម្រិតសម្រាំង ក្នុងកម្មវិធី «ផ្ការះក្នុងសួន» របស់ទូរ ទស្សន៍អប្សរា ត្រូវបានគេប្រិយមិត្តហ្វេសប៊ុកចុចចែករំលែក «Shares» ជាង ២ពាន់នាក់ ចុច «Like» ជាង ៤០០ នាក់ និងបញ្ចេញយោបល់រាប់សិបនាក់ ផ្សេងទៀត។</p>
<p>ក្រៅពីការចុច «Shares និង Like» ដ៏ច្រើនសន្ធឹកសន្ធាប់បង្ហាញពីការពេញចិត្ត និងគាំទ្រ តាម បណ្តាញសង្គមហ្វេ សប៊ុកទៅ នៅក្នុងឱកាសប្រារព្ធទិវាប្រយុទ្ធប្រឆាំងអំពើពុកកាលពីថ្ងៃទី៩ ខែធ្នូ អ្នកទស្សនាផ្ទាល់ ដែលមានតាំងពី លោកទេសរដ្ឋមន្រ្តី ឱម យ៉ិនទៀង ប្រធានប្រឆាំងអំពើពុក រលួយ រួមនិងមន្រ្តីរាជរដ្ឋាភិបាលតាមបណ្តាក្រសួងស្ថា ប័នជាច្រើនទៀត បានសម្តែងនូវទឹកមុខ ញញឹមញញែម ទះដៃសាទរគាំទ្រយ៉ាងរំពងផងដែរ ចំពោះអត្ថន័យ នៃ បទចម្រៀង ដ៏មានខ្លឹម សារ និងកាយវិការរបស់អ្នកសម្តែងវ័យក្មេង។</p>
<p>បទចម្រៀង «យមបាលបើក Internet » ដែលត្រូវបានលើកយកមកសម្តែងក្នុងទិវាប្រយុទ្ធ ប្រឆាំង អំពើពុករលួយ បានផ្តល់នូវអត្ថន័យ និងខ្លឹមសារជាច្រើន ពាក់ព័ន្ធការប្រព្រឹត្តខុសទៅនឹងផ្លូវច្បាប់ ដែលមានជាធរមាននៅក្នុង ប្រទេសកម្ពុជា និងការដាក់ទោសទណ្ឌទៅលើជនឧក្រិដ្ឋ។ ក្នុងអត្តន័យ នៃបទចម្រៀងបានសង្កត់យ៉ាងធ្ងន់ទៅលើ ការថតស៊ីឌីចម្រៀង របស់អ្នករកស៊ី លើវិស័យមួយនេះ។</p>
<p>ទោះបីជាយ៉ាងណា លោក ហ្វៃ សំអាង ដែលជាម្ចាស់ស្នាដៃនិពន្ធបទមួយនេះ ក៏មិនភ្លេចផងដែរ ជាមួយការបញ្ជាក់ ថា បើមានមន្រ្តីណា ខិលខូចសូមរាយការណ៍ទៅអង្គភាពប្រឆាំងអំពើពុករលួយ ដែលជាស្ថាប័នអភ័យឯកសិទ្ធិខ្ពស់ អាចដាក់ទោសគ្រប់មន្ត្រីរាជរដ្ឋាភិបាល មានកំហុងកឹបកេងស៊ី សំណូកសូកប៉ាន តាំងពិថ្នាក់ក្រោម រហូតដល់ថ្នាក់ លើ។</p>
<p>ក្រឡេកទៅលើបណ្តាញសង្គមហ្វេសប៊ុក មានការបញ្ចេញយោបល់ និងគាំទ្រយ៉ាងខ្លាំង ទៅលើប ទចម្រៀងមួយ បទនេះ។ ការលើកយកបទនេះ ទៅសម្តែងក្នុងឱកាសប្រយុទ្ធប្រឆាំង អំពើពុក រលួយ កាន់តែខាបទាញអារម្មណ៍ ក្រុមអ្នកលេងហ្វេសប៊ុកឲ្យជក់ចិត្តដិតអារម្មណ៍ខ្លាំងថែមទៀត ខណៈដែលការប្រយុទ្ធប្រឆាំងអំពើពុករលួយជា ប្រធានបទដ៏សំខាន់មួយក្នុងសង្គមកម្ពុជា នា ពេលបច្ចុប្បន្ន។</p>
<p>ប្រិយមិត្តរបស់ហ្វេសប៊ុក រ៉េត ស៊ីចាន់ បានថ្លែងកោតសរសើរថា «ពិតជាពិរោះ, មានន័យ, យើងរួម គ្នាបំបាត់អំពើ ពុករលួយនៅប្រទេសកម្ពុជា»។</p>
<p>ប្រិយមិត្តម្នាក់ទៀត ឈ្មោះ Sarom Sopha បានថ្លែងថា «សូមឲ្យចម្រៀងនេះ ដក់ជាប់ក្នុងក្រអៅ បេះដូងខ្មែរគ្រប់ រូប»។</p>
<p>លោក Phirum Heng ក៏បានចូលខ្លួនមកបញ្ចេញយោបល់ផងដែរថា «នរណាជាអ្នកពុករលួយ, មិនដែលមន្រ្តីតូច តាចហ៊ានពុករលួយនោះទេ មានតែមន្រ្តីធំៗហ្នឹងឯង ដែលពុករលួយនោះ ប៉ុន្តែពេលមានរឿងគឺអ្នកតូចៗទេ ដែល ជាប់ទោស សួរថាយុត្តិធម៌នៅឯណា?»។</p>
<p>មានអ្នកខ្លះទៀត បានបញ្ចេញយោបល់ដោយចំអកផងដែរ។ កញ្ញា Reakshar Chhorn បានថ្លែងថា «អ៊ុំៗប្រព្រឹត្ត អំពើរពុករលួយញញឹមមិនសួវស្រស់សោះ!»។</p>
<p>ខាងក្រោមនេះ គឺជាការច្រៀង និងសម្តែងរួមគ្នា របស់ក្រុមពន្លកតារាថ្មីលើវិថីសិល្បៈនៅកម្ពុជា ក្នុងវេទិកាប្រយុទ្ធ ប្រឆាំងអំពើពុករលួយ រៀបចំដោយអង្គភាពប្រឆាំងអំពើពុករលួយ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-009/ST-287.jpg" alt="" width="550" /></p>
<p style="text-align: center;"><object width="500" height="400" data="http://www.youtube.com/v/icfN9csFHcs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/icfN9csFHcs&rel=1" /></object></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/77346--l-internetr-.html"><span style="color: #0000ff;">ដើមអំពិល</span></a></p>