<p><span style="color: #000000;"><strong style="font-size: 12px;">(</strong><strong style="font-size: 12px;">គូឡាឡាំពួរ)៖</strong><span style="font-size: 12px;"> ប៉ូលិសម៉ាឡេស៊ីបានចេញរបាយការណ៍ថ្មីក្តៅៗបន្ថែមទៀត ពាក់ព័ន្ធនឹងករណីឃាតកម្មលើលោក គីម ជុងណាំ បងប្រុសរបស់មេដឹកនាំកូរ៉េខាងជើងលោក គីម ជុងអ៊ុន ដោយក្នុងនោះគេបានកំណត់ជនសង្ស័យបន្ថែមពីររូបទៀត ដោយម្នាក់ធ្វើការនៅស្ថានទូតកូរ៉េខាងជើង ប្រចាំទីក្រុងគូឡាឡាំពួរ និងម្នាក់ទៀតធ្វើការនៅអាកាសចរណ៍កូរ៉េខាងជើងតែម្តង ខណៈជនសង្ស័យទាំងពីររូបនេះបច្ចុប្បន្នកំពុងស្ថិតនៅក្នុងប្រទេសម៉ាឡេស៊ីនៅឡើយទេ ហើយក៏ត្រូវបានកោះហៅទៅសាកសួរផងដែរ។ នេះបើតាមការដកស្រង់ព័ត៌មានពី Channel News Asia ចេញផ្សាយនៅមុននេះបន្តិចនាព្រឹកថ្ងៃពុធ ទី២២ ខែកុម្ភៈ ឆ្នាំ២០១៧។</span></span></p>
<p><span style="color: #000000;">ក្រៅពីជនសង្ស័យទាំងពីរនាក់ខាងលើនៅមាន ជនសង្ស័យដែលជាជនជាតិកូរ៉េខាងជើងបួននាក់ផ្សេងទៀត ដែលត្រូវបានគេជឿជាក់ថាបានភៀសខ្លួនទៅដល់ទីក្រុងព្យុងយ៉ាងវិញហើយ ខណៈមកទល់ពេលនេះអាជ្ញាធរម៉ាឡេស៊ីបានចាប់ខ្លួនជនសង្ស័យបួននាក់រួមមានបុរសជនជាតិកូរ៉េខាងជើងម្នាក់, ស្ត្រីកាន់លិខិតឆ្លងដែនវៀតណាមម្នាក់ដែលត្រូវបានគេកំណត់អត្តសញ្ញាណថាមានឈ្មោះ Doan Thi Huoung, ស្រ្តីជនជាតិឥណ្ឌូណេស៊ីម្នាក់ឈ្មោះ Siti Aisyah និងមិត្តប្រុសជាជនជាតិម៉ាឡេស៊ីរបស់នាងមានឈ្មោះ Muhammad Farid Jalaluddin។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/22/20-22-02-2017--15-34-14.jpg"><img src="/FileManager/Articles/mce/2017/2/22/20-22-02-2017--15-34-14.jpg" alt="" /></a><br /></span></p>
<p><span style="color: #000000;">គួរបញ្ជាក់ថាលោក គីម ជុងណាំ ដែលជាកូនប្រុសច្បងរបស់អតីតមេដឹកនាំកូរ៉េខាងជើងលោក គីម ជុងអ៊ីល ត្រូវបានស្រ្តីពីរនាក់ក្រោមការបង្គាប់បញ្ជារបស់ភ្នាក់ងារចារកិច្ចកូរ៉េខាងជើង លួចធ្វើឃាតនៅឯអាកាសយានដ្ឋានអន្តរជាតិក្នុងរដ្ឋធានីគូឡាឡាំពួរនៃប្រទេសម៉ាឡេស៊ី នៅពេលដែលរូបលោកត្រៀមធ្វើដំណើរទៅកាន់ទីក្រុងម៉ាកាវប្រទេសចិន។ ហើយនាពេលកន្លងមកលោក គីម ធ្លាប់បានចេញនិយាយជាសាធារណៈប្រឆាំងនឹងរបបដឹកនាំរបស់ត្រកូលគ្រួសាររបស់លោកនៅប្រទេសកូរ៉េខាងជើងផងដែរ។ នេះបើយោងតាមអ្វីដែលមានបញ្ជាក់ ក្នុងសេចក្តីថ្លែងការណ៍របស់ក្រសួងការពារជាតិកូរ៉េខាងត្បូង ដែលបានចេញផ្សាយកាលពីថ្ងៃអង្គារសប្តាហ៍នេះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/22/15a-22-02-2017--15-34-27.jpg"><img src="/FileManager/Articles/mce/2017/2/22/15a-22-02-2017--15-34-27.jpg" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2017/2/22/15-22-02-2017--15-35-07.jpg"><img src="/FileManager/Articles/mce/2017/2/22/15-22-02-2017--15-35-07.jpg" alt="" /></a><br /></span></p>