<p><strong>ភ្នំពេញៈ</strong> ទស្សនិកជន បានកត់សម្គាល់ឃើញថា ចាប់តាំងពី ឆៃ លីដាឡែន វិលត្រឡប់ចូល<br />ស្រុកវិញ រួចមក នាងត្រូវបានជាប់ក្នុងបញ្ជីខ្មៅ ដែលពុំមានស្ថានីយទូរទស្សន៍ណាមួយ ហ៊ាន<br />អញ្ជើញនាងឡើងច្រៀងឡើយ ទោះជានាងធ្លាប់បានសុំទោសជាសាធារណៈ និងធ្លាប់រត់រក<br />ការអន្តរាគមន៍ ដើម្បីបានឡើងប៉ុស្ដិ៍ទូរទស្សន៍វិញក៏ដោយ ក៏ហាក់ពុំបានផលឡើយ ។</p>
<p>បើមហាជន ចាំមិនខុសទេ នាង ជា សុវណ្ណា តារាសម្ដែងសិចស៊ី ជំនាន់មុន ត្រូវបានបាត់ឈ្មោះ<br />ទាំងស្រុង ពីសិល្បៈ ដោយសារតែនាងបានស្លៀកពាក់សិចស៊ី មិនអាចទទួលយកបានពេល<br />នាងឡើងកម្មវិធី ផ្សាយផ្ទាល់របស់ស្ថានីយទូរទស្សន៍មួយ។ ក្រោយមកនាងក៏ឡើងសុំទោស<br />ជាសាធារណៈ តែអ្វីៗមិនអាចដូចនាងរំពឹងទុកឡើយ នាងក៏រលុបឈ្មោះពីសិល្បៈ គួរឲ្យសោក<br />ស្ដាយបំផុត ។</p>
<p>នាង ឆៃ លីដាឡែន សិស្សប្អូននាង ជា សុវណ្ណា បានយកស្ទីលនាង ជា សុវណ្ណា ដែរ តែមិន<br />ហ៊ានលេងក្នុងស្រុក ទៅលេងក្រៅប្រទេស ទីបំផុតនៅតែធ្លាក់ក្នុងរណ្ដៅនេះដូចគ្នា នាងហាក់<br />មានភាពចំរូងចំរាសជាច្រើន ដូចជាធ្លាក់ខ្លួនច្រៀង ក្នុងក្លឹបរាត្រី តែនាងបានចេញមុខបកស្រាយ<br />វិញភ្លាមដែរ ។ ថ្មីៗនេះ ឆៃ លីដាឡែន បានបង្ហាញវត្តមានជាលើកដំបូង លើកញ្ចក់ទូរទស្សន៍<br />ប៉ុស្ដិ៍លេខ៩ ដែលនាងបានស្លៀកពាក់សុភាពរាបសារជានារិខ្មែរ និងបានបកស្រាយបទចម្រៀង<br />យ៉ាងសមរម្យ មើលទៅហាក់រៀងចាលហើយ លែងហ៊ានខ្លាំងដៃទៀតហើយ ។</p>
<p>ជាការពិត ខណៈ ឆៃ លីដាឡែន បានឡើងច្រៀងក្នុងស្ថានីយទូរទស្សន៍វិញភ្លាម អ្នកដែល<br />សប្បាយចិត្តខ្លាំងជាងគេ ត្រូវបានគេដឹងថា គឺលោក អេឡិច ចិន្រ្តា ជាដៃគូស្នេហាដ៏ស័ក្តិសម<br /> ហើយបានខំថតរូប ឆៃ លីដាឡែន តាមទូរទស្សន៍មកបង្ហោះព្រោតព្រាត តាមបណ្ដាញសង្គម<br />ហ្វេសប៊ុក និងបាននិយាយថា "នាងចាប់ផ្ដើមច្រៀងតាមកញ្ចក់ទូរទស្សន៍វិញហើយ សង្ឃឹមថា<br />អ្នករាល់គ្នា នឹងគាំទ្រយើង អរគុណច្រើន..!" ។</p>
<p>នេះហាក់បញ្ជាក់ថា លោក អេឡិច ចិន្រ្តា ហាក់នៅតែនឹកស្រម៉ៃ ដល់ដៃគូស្នេហ៍ចាស់ ដែល<br />យិតយោងលោក ឲ្យមានឈ្មោះបោះសំឡេងក្នុងពិភពសិល្បៈដល់សព្វថ្ងៃ ព្រោះតាំងពី ឆៃ <br />លីដាឡែន ត្រូវព្រនង់មក លោកហាក់តែលតោល គ្មានដៃគូ ណាស័ក្ដិសមជាមួយ ដូចជា នាង<br /> ឆៃ លីដាឡែន នេះទេ ៕</p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0347.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0345.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0346.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0348.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0349.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>